Transcription of MS Kathmandu KL 699: Cikitsāsthāna

https://www.klib.gov.np/
Kaiser Library
	699
Siglum	K

[description of manuscript]

Physical description

Format	Pothi
Material	Palm leaf

(incomplete)
Title	Suśrutasaṃhitā
Author	Suśruta
Language

History

Date of production	0301. M Saṃvat 301 (878 CE)\|

Revision history

Text transcription

folio 90r
folio 90rhitan tatra tatseko vihitas tathā
                  | 
veśavāraiḥ sakṛśaraiḥ susnigdhaś copanāhataṃ |
                  
                   dhānyasvedāṃś ca kurvīta snigdhāny ālepanāni ca ||
vātaghnauṣadhasiddhaiś ca snehair vastir vidhīyate ||
                  
                   piccite ca vighṛṣṭe ca nātisravati śoṇitaṃ |
tasmin na  gachati bhṛśaṃ dāhaḥ pākaś ca jāyate |
                  
                   tasyoṣmaṇo nigrahārthaṃ dāhapākabhayā ya ca |
śītam ālepanaṃ kāryam pariṣekaś śītalaḥ |
                  
                   ṣaṭsveteṣu yathokteṣu chinnādiṣu samāsataḥ |
jñeyaṃ samarpitaṃ sarvaṃ sadyovraṇacikitsitam || ❈
                  ||
                  
                   ata ūrdhvam pravakṣyāmi chinnānān tu cikitsitaṃ |
ye vraṇā vivṛtāḥ kecic chinnāḥ pārśvāvalamvitaḥ |
                  
                   tāṃ sīvyed vidhinoktena vandhīyād gāḍham eva ca |
karṇṇaṃ sthānādapoḍhantu sthāpayutvā yathāsthitaṃ |
                  
                   sīvyedyathoktaṃ tailena srotaś cāpyabhitarpayet |
kṛkāṭikānte chinne tu gachaty api samīraṇe |
                  
                   samyaṅ niveśya vadhnīyāt sīvyec cāpi nirantaram |
ājena sarpiṣā caivaṃ pariṣeko bhidhīyate |
                  
                   uttānonnaṃ samaśrnīyāc chayīta ca suyantritaḥ |
śākhāsu tiryaksatitāṃ prahārāṃ vivṛtāṃ bhṛsaṃ |
                  
                   sīvyet samyaṅ niveśyāśuḥ sandhyasthīny anupūrvaśaḥ |
vadhyāvellitakenāśuḥ vastāntena ghanena vā |
                  
                   carmaṇā goḥ phaṇo vandhaḥ kāryaś vā sahate sinā |
pṛṣṭhe vraṇo yasya bhaved uttānañ ca śayīta ca |
                  
                   ato nyathā corasije śayīta puruṣo vraṇe |
chinnāṃ niḥśeṣataḥ śākhān dagdhvā tailena vuddhimāṃ |
                  
                  vadhnīyāt kośavandhena prāptaṃ kuryāc ca ropaṇaṃ ||
candanaṃ padmakaṃ lodhram utpalādi priyaṃgavaḥ ||
                  
                   haridrā madhukaṃ caiva payaś cāṣṭamam eva tu |
tailam ebhir vipakkaṃ syāt pradhānaṃ vraṇaropaṇaṃ |
                  
                   candanaṃ karkaṭākhyā  ca sahe māṃsāhvayāmṛtā |
hareṇavo mṛṇālañ ca triphalā padmakotpalaiḥ |
                  
                   trayodaśāṃgatrivṛtametadvā payasām ānvitaṃ |
tailaṃ vipakvaṃ sekāryahitantu vraṇaropane || ❈ ||
                  
                   ata ūrdhvaṃ pravakṣyāmi bhinnānān tu cikitsitaṃ |
bhinnanetramakarmaṇyamabhinnaṃ lamvate tu yaḥ |
                  
                   tanniveśya yathāsthānamavyāviddhasiraṃ śanaiḥ |
pīḍayen pāṇinā sammyak padmapatrāntareṇa tu |
                  
                   tatosya tarpaṇaṃ kāryan nasyañ cānena sarpiṣā |
ajāghṛtaṃ kṣīrapātraṃ madhukañ cotpalāni ca |
                  
                   jīvakarsaṣabhakau cāpi piṣṭvā sarpirvipācayet |
sarvanetrābhighāteṣu sarpiretat praśasyate |
                  
                   udarānmedaso varttirn nirgatā yasya dehinaḥ |
tāṃ kaṣāyāvakīrṇṇantu vadhvā sūtreṇa sūtravit |
                  
                   samyag chindyād vraṇenatac ca kṣaudreṇa  veṣṭayet |

acchindyamānām araṇaṃ kuryād āṭopam eva vā |
                  
                   medāgranthau tu yat tailaṃ vakṣyate tat tu yojayet |
tvacotītya sirādīni bhitvā vā parihṛtya vā |
                  
                   kāṣṭhe pratiṣṭhitaṃ śalyaṃ kuryāfolio 90vd
                  uktānupadravān |
tatrāntarlohitam pāṇḍuśītapādakarānanaṃ |
                  
                   śītocchvāsaṃ raktanetramānaddhañ ca vivarjayet |
āmāśayasthe rudhire vamanam pathyam ucyate |
                  
                   pakvāśayathe deyañ ca virecanam asaṃśayaṃ |
āsthāpañ ca niḥ snehaḥ kāryam uṣṇaviśodhanaiḥ |
                  
                   yavakolakulatthānāṃ niḥ snehena rasena ca |

bhuñjītānnaṃ yavāguṃ vā pivet
                  sendhavasaṃyutāṃ |
                  
                   atiniḥ srutarakto vā bhinnakoṣṭhaḥ pivedsṛk |
svamārpratipannās tu yasya viṇmūtramārutāḥ |
                  
                   nirūpadravaḥ sambhinnepi koṣṭhe jīvati mānavaḥ |
abhinnamantraṃ niḥ krāntāṃ praveśyaṃ nānyathā bhavet  |
                  
                   alaṅgale sirograstaṃ tadapyake vadanti hi |
prakṣālya payasā digdhaṃ tṛṇaśoṇitapāṃsubhiḥ ||
                  
                   praveśayet kṛttanakho ghṛtenāktaṃ śanaiḥ śanaiḥ ||
praveśayet kṣīrasiktaṃ śuṣkamantraṃ ghṛtāplataṃ |
                  
                   aṃgulyābhimṛśet kaṇṭhaṃ jalenodvejayedapi |

tathāntrāṇi viśantyantaḥ svāṃ kalām pīḍayanti ca |
                  
                   vraṇasaudvahutvād vā duḥpraveśan tu yad bhavet |
tad vipādya pramāṇena bhiṣag antam praveśayet |
                  
                   yathāsthānaniviṣṭe ca vraṇaṃ sīvyam atandritaḥ |
sthānād apetam ādatte prāṇāṃ gupitam eva vā |
                  
                   veṣṭayitvā ca paṭṭena ghṛtasekam pradāpayet |
payaḥ pivet sukhoṣṇañ ca citrātailasamanvitaṃ |
                  
                   mṛdukriyārthaśakṛto vāyoś cādhaḥ pravṛttaye |
tatas tailam idaṃ kuryād ropaṇārthañ cikitsakaḥ |
                  
                   tvacośvakarṇadhavayor pātakīmeṣaśṛṅgayoḥ |
śallakyarjanayoś cāpi vidāryākṣīriṇān tathā |
                  
                   valāmūlāni cāhṛtya tailam etad vipācayet |
vraṇaṃ saṃropayet tena raktetsamvatsarañ ca
                  tat ||
                  
                   pādau nirastamuṣkasya jalena praokṣya cākṣiṇī |
praveśya muṣkau sūtreṇa tu no sevanasevitaṃ |
                  
                   kāryañ ca goḥ phalāvandhaḥ kaṭyām āveśya yantrakaṃ |

 na kuryāt snehasekañ ca tena praklidyate vraṇaḥ |
                  
                   kālānusārīm agurūṃ candanandevadārū ca |
manaḥ śilāle vā hṛtya tailaṃ kurvīta ropaṇaṃ |
                  
                   śīrṣādy apahate śalye vālavartim praveśayet |
vālavartyāmadattāyāṃ mastuluṃga vraṇāt sravet |
                  
                   hanyād enan tato vāyus tasmād evam upācaret |
vraṇe rūhati caikaikaṃ śanair vālam upakṣipet |
                  
                   gātrādyapahṛte tasmiṃ snehavartim praveśayet |
niḥ śoṇite cāpi kṛtavidhiḥ sadyakṣate hitaḥ |
                  
                  dūrāvagāḍhāḥ sūkṣmā syur ye vraṇāṃs tāṃ viśoṇitāṃ |
kṛtvā netreṇa sūkṣmeṇa cakratailena tarpayet |
                  
                  padmāṃ samaṅgāṃ rajanīṃ trivargaṃ tuttham eva ca |
saṃhṛtya vipacet kāle tailaṃ ropaṇam uttamaṃ |

kṣate kṣatavidhiḥ kāryaḥ piccite bhagnavad vidhiḥ
                  |
ghṛṣṭe rujāṃ nigṛhyāśus cūrṇair upacared vraṇaṃ |
                  
                   viśliṣṭadehaṃ patitaṃ mathitaṃ hatam eva vā | 
vāsa

folio 112r
                  
                  folio 112rtvak chitvā dahed vāṅgaviparyaye | 
 anenaiva vidhāṇena vṛddhī vātakaphātmakau |
                  
                   pradahet prayataḥ kintu 
                     tasmā cchedo dhikas
                  tayoḥ | 
 śaṅkhopari ca karṇṇānte tyaktvā sevanim ādarāt |
                  
                   vyatyāsāt tatsirām vidhyed antravṛddher nivṛttaye || 
 upadaṃśeṣu sādhyeṣu susnigdhasvinnadehinaḥ |
                  
                   sirām vidhyen meḍhramadhye pātayed vā jalaukasaḥ | 
 hared ubhayataś cāpi doṣāṇ atyartham ucchritāṃ |
                  
                   sadyo nihṛtadoṣasya rukchothāv upaśāmyataḥ | 
 yadi vā durbalo jantur na vā prāptaṃ virecanaṃ |
                  
                   nirūheṇāharet tasya doṣān atyartham ucchritāṃ | 
 prapauṇḍarīkaṃ madhukaṃ rāsnākuṣṭhapunarṇṇavaiḥ |
                  
                   saralāgurubhadrākhyair vātajaṃ saṃpralepayet | 
 niculair aṇḍabījāni yavagodhūmasaktavaḥ |
                  
                   etaiś ca vātajaṃ snigdhaṃ sukhoṣṇaiḥ sampralepayet | 

                  prapauṇḍarīka pūrvaiś ca dravyaiḥ sekaḥ praśasyate |
                  
                   gairikāñjanamañjiṣṭhāmadhukośīrapadmakaiḥ | 
 sacandanotpalaiḥ snigdhaiḥ paittikāṃ sampralepayet
                  |
                  
                   padmotpalamṛṇālādyaiḥ sasarjārjunavetasaiḥ | 
 sarpiṣkaiḥ samadhukaiḥ paittikaṃ sampralepayet |
                  
                   secayec ca ghṛtakṣīraśarkarekṣumadhūdakaiḥ | 
 athavāpi suśītena kaṣāyeṇa vaṭādinā ||
                  
                   sālājakarṇṇāśvakarṇṇadhavatvagbhiḥ kaphotthitaṃ | 
 surasāditailayuktābhiḥ sukhoṣṇābhiḥ pralepayet |
                  
                   āragvadhādikvāthena pariṣekañ ca dāpayet | 

 na ca yānti yathā pākaṃ prayateta tathā bhiṣak
                  |
 vidagdhair hi sirāsnāyutvaṅmāsaiḥ kṣīyate dhvajaḥ
                  | 
 tasmāt saṃśodhanālepasekaśoṇitamokṣaṇaiḥ | 
 kriyāyogair upacaret prāksthānoktair hitair api | 
 śastreṇopacared vāpi pākam āgatam āśu vai |
                  
                   tam apohya tilaiḥ sarpiḥ kṣaudrayuktaiḥ pralepayet | 
 karavīrasya patrāṇi jātyāragvadhayor api
                  
                   prakṣālane prayojyāni vaijayantyarkayor api | 
 saurāṣṭri
                     īṃ gairikaṃ tutthaṃ puṣpakāsīsasaindhavaṃ |
                  
                   lodhraṃ rasāñjanañ cāpi haritālaṃ manaḥśilā | 
 hareṇukailāś ca tathā samānyāhṛtya cūrṇṇayet |
                  
                   tac cūrṇṇaṃ kṣaudrasaṃyuktaṃ upadaṃśeṣu pūjitaṃ || 
 jambvāmrasumanānimbaśvetakāmbojipallavāṃ |
                  
                   sallakībadarībilvapalāśatiniśatvacaḥ | 
 kṣīriṇāṃ ca tvaco yojyā kvāthe triphalayā saha |
                  
                  tena kvāthena satataṃ praṇam prakṣālayed
                  bhiṣak | 
asminn eva kaṣāye tu tailaṃ dhīro vipācayet |
                  
                   gojīviḍaṅgamadhukafolio 112v
                  samanvitaṃ || 

                  m
                     iṣyate |

                  upadaṃśadvaye śeṣe pratyākhyāyācaret kriyāṃ
                     |
               
                  eteṣām eva yojyan tu vīkṣya doṣabalābalaṃ || 

                  svehasvedopanāhāṃś ca ślīpade nilaje bhiṣak
                     |
                  
                  kṛtvā gulphopari śirāṃ vyadhayec caturaṅgule |
                  
                  m upācaret |
                  
                   māsam eraṇḍatailañ ca piben mūtreṇa mānavaḥ | 
 mahauṣadhavipakvena payasā cānnam ādiśet |
                  
                   trivṛtaṃ copayuñjīta hitaś cātrāgnir ucyate || 
 gulphasyādhaḥ śirāṃ vidhyec chlīpade
                     pittasaṣṭhave |
                  
                  pittaghnāś ca kriyāḥ
                  … | 

                  tāṃ vidhyed aṃguṣṭhe
                  śleṣmaślīpade |
                  
                   madhuyuktāni cābhīkṣṇaṃ kaṣāyāṇi piben naraḥ | 
 pibed vā py abhayākalkaṃ mūtreṇānyatamena vai |
                  
                   pibed edaṅ guḍūcīm vā nāgaram bhadradāru vā | 
 hitaś cālepaṇaṃ vityaṃ
                  citrako devadāru ca |
                  
                   viḍiṅgamaricārkeṣu nāgare citrake thavā |
               
                  vaṇeṣu ca |
                  
                   tailaṃ pakvaṃ pibed vāpi yavānnañ ca hitaṃ sadā | 
 pibet sadā ca tailena ślīpadānān nivṛttaye |
                  
                   pūtīkarañjacchadajaṃ rasañ cāpi yathābalaṃ | 
 anenaiva vidhānena putraṃjīvakajaṃ rasaṃ ||
                  
                   prayuñjīta bhiṣak prājñaḥ kālasaṃsyakvibhāgavit
                  || 

                  kākādanīḥ kākajaṃghām bṛhatīṃ
                  kaṇṭakārikāṃ |
                  
                   kadambapuṣpīm āndārīṃ lambāṃ śukanasān tathā | 
 dagdhvā mūtreṇa taṃ bhasma srāvayet kṣārakalkavat
                  |
                  
                   tatra dadyāt pratīvāpaṃ kākodumbarikārasaṃ | 
 madanāc ca phalaṃ kvāthaṃ svarasañ ca śukākhyayā |
                  
                   eṣa kṣāras tu pānīyaḥ ślīpadaṃ hanti sevitaḥ | 
 apaciṃ galagaṇḍañ ca grahaṇīdoṣam eva ca |
                  
                   abhaktarocakañ caiva hanyāt sarvaviṣāṇi ca | 
 eṣv eva siddhaṃ tailañ ca nasyābhyaṅgeṣu sevitaṃ |
                  
                   etān evāmayāṃ hanti ye ca duṣṭavraṇā nṛṇāṃ | 
 drantī dravantī trivṛtā nīlī śyāmā tathaiva ca |
                  
                   saptalāṃ śaṅkhinīṃ caiva dagdhvā mūtreṇa gālayet | 
 dadyāc ca triphalākvātham eṣa
                     kṣāras tu sādhitaḥ |
                  
                  adho gacchati pītaś ca pūrvaś cāpy āśiṣaḥ samāḥ
                  |
 kriyābhiḥ samyag ārabdhā yadi naivopaśāmyati |
                  
                   sve sve bhāgye samutpādya cchedayitvā sirām
                  vyadhet | 
 sirāmukhe ca matimāṃ dahet samyak chalākayā ||
                  
                   kuryāc chītakriyāñ cāpi vraṇoktañ ca vidhin tatheti || 

                  ci 19 ||
folio 112v

folio 113r
                  folio 113rathātaḥ kṣudrarogāṇā cikitsitam
                     vyā
                  vyākhyāsyāmaḥ || 

 tatrādita eva jagallikām
                     apakvāñ jalāyukābhir grāhayet |
                  

                  yavakṣārasurāṣṭrikākākolīkalkaiś
                  cālepayet | 

                  śyāmāpāṭhālāṅgalīkalkair vā pakvām vā pākavidhānenopacaret ||
 yavaprakhyām ambālajīṃ panasikām pāṣāṇagardabhaṅ
                     kacchapikāñ ca svedayitvā suradārukuṣṭhaharitālamanaḥśilākalkair
                  ālepayet | pakvāṃ vā pākavidhānenopacaret || 
 vivṛtām indraviddhāṃ gardabhikāṃ jālagardabham
                  irivellikāṃ gandhanāmāṃ kakṣām visphoṭāṃś ca
                     pittavisarpavidhānenopacaret | pakvāṃś ca
                  madhurauṣadhasiddhena sarpiṣā ropayet || 
 cipyān tūṣṇāmbunā pariṣecyotkṛtyāpanayec
                  cakratailenābhyajya sarjarasarasacūrṇṇenāvacūrṇṇya bandhenopacared evam aśakyam agninā dahet | madhurauṣadhasiddhena ca tailenopacaret || 

                  anuśayīṃ śleṣma vidradhivad upacaret
                  | 
 vidārikām abhyajya parisvedya vimlāpayet |
                     bilvamūlanāgavṛttikāvarṣābhūkalkaiś cālepayet | vraṇabhāvaṇam
                        āpannā
                     aṃ vā madhurakaṣāyauṣadhasiddhena tailena ropayet || 



 śarkarārbudam medorbudavad upacaret ||
                  

                   kacchūvicarcikārakaśāsu kuṣṭhavat pratīkāro viśeṣatas tu śatāhvāsarṣapakalkair ālepayet | siddhārthakadāruharidrākalkair vā |
                     saralātailena vā | kaṭukauṣadhasiddhenābhyaṃjyāt | naktamālatailena
                  vā |
 pakvāṃś ca pakvavidhānenopacaret ||
                  

                   pādadāryān tu sirām vidhyet | 
 pādau snehasvedopapannā madhūcchiṣṭaghṛtavasāmajjābhir yavakṣāramiśrair ālepayet || 
 alase tv āmlakāñjikasiktau caraṇau
                     paṭolapicumardatilakāsīsarocanākalkair ālepayet | 
 nidigdhikārasasiddhena ca sarṣapatailenābhyajya
                     kāsīsarocanāmanaḥśilācūrṇṇaiḥ pratisārayet || kadaram uddhṛtya dahet
                  snehena || 
 indralupte tu śirasi sirām vidhā tu
                     ndamanaḥśilāmaricakalkair ālepayet | 

                  kuṭannaṭabhadradārukalkair vā jātīcitrakakaravīranaktamālakalkasiddhena tailenābhyaṃjyāt | rasāyanavidhānañ
                     cāsendhavena | avagāḍhapadaṃ pracchayitvā guñjāphalakalkair bhūyo
                     bhūyaḥ pradihyāt ||
               

                  arūṣikā tu jalaukobhiḥ
                  folio 113vśoṇitam avasicya nimbodakena
                  parisicyāśvaviḍrasena lavaṇapragāḍhenālepayet | paṭolapicumardaharidrākalkair vā | madhukotpalatilairaṇḍamārkavapatrair vā |
                  indraluptoktena tailenābhyaṃjyāt || dāruṇake tu snigdhasvinnasya lalāṭe sirām vyadhet | 
 avapīḍaśiro bastyabhyaṃgāṃś cāseveta | kodravatṛṇakṣaraudakaprakṣālanañ ca || 
 palitaprakāram anyatra vakṣyāmaḥ | 

                  masūrikāṃ kaphapittavisarpakuṣṭhaharapralepanādikriyām upadiśanti || 
 jatumaṇimaśakacarmakīlatilakālakāṃs tu
                  śastreṇotkṛtya kṣāreṇa pratisārayet | agninā vā dahet || 
 nacchanīlikāvyaṅgeṣu yathābhyāśaṃ lalāṭe sirām
                  visrāvayet | 
 kṣīravṛkṣakalkaiś ca kṣīrapiṣṭair avaghṛṣyālepayet
                  |
 balātibalāmadhukaharidrākalkair vā |
                  suvarṇṇagairikāgurupayasyākalkair vā | 
 taruṇakapittharājādanakalkair vā | sūkaradaṃṣṭrayā
                  vā madhughṛtayuktayā | 
 yūnām api yuvānapiṭakāsv eṣa eva vidhiḥ |
                  viśeṣatas tu pracchardanam iṣṭam ālepaś ca siddhārthakavacālodhrasaindhavakalkair vā || 


 padminīkaṇṭake tu nimbodakavāntasya nimbodakasarpiḥ
                  kṣaudram pātum prayacchet | 
 nimbāragvadhakaṣāyaṃ cotsādane || 
 parivarttikāṃ tu sarpiṣābhyajya svedayet | vātaghnais
                  tataḥ sninnām upanāhayet | sālvalena veśavāreṇa vā trirātram
                  pañcarātram vā tataḥ svedayitvābhyajya śanaiḥ śanaiś carma samānayaṃ
                  manipatham avapīḍayet |
 pariveṣṭitañ ca punar upanāhayet | nityañ ca snigdham annam
                  āharet || avapāṭikayām apy evaṃ yathādoṣaṃ || 
 niruddhaprakāśe tu suvarṇṇādīnāṃ nāḍīm ubhayatomukhīṃ dāruvīm vā jatuvṛtāṃ sarpiṣābhyajya srotasi | 
 praṇidhāya śiśi
                     umāravasāvarāhamajjābhiḥ pariṣecayec cakratailena vāt | surabhivacadevadārusiddhena | 
 tryahāt tryahāc ca sthūlatarīṃ nāḍīm praṇidadhyād
                  evam asya srotodvāraṃ varddhayet | snigdhañ cāhāram upaseveta | 
 śastreṇa vā sevanīṃ vimucyāvadārayet | tataḥ sadya kṣatavad upācaret | 
 agnirohiṇīṃ sanniruddhagudaṃ valmīkañ ca
                     pratyākhyāyopacaret | 
 visarpoktena vidhānenāgnirohiṇīṃ cikitset | 

                  sanniruddhagudaṃ niruddhaprakaśavat | 
 valmīkaṃ śastreṇotkṛtyāgnikṣārābhyām upacaret tataḥ
                     folio 114rsaṃśodhya ropayed
                  arbudavidhāṇena || 








                  ahipūtane dhātryāḥ stanyaṃ śodheta | bālasya triphalārasāṃjanapaṭolaiḥ siddhaṃ sarpiḥ pānam iṣṭaṃ | 
 triphalākhadirabadarīkaṣāyam vraṇaśodhanaṃ | 
 kāsīsarocanātutthaharitālarasāñjanair amlapiṣṭaiḥ
                  pralepanaṃ | badaracūrṇṇair vā saindhavamiśraiḥ | 

                  cūrṇṇakāle tu cūrṇṇaḥ kapālatutthajaḥ || vṛṣaṇakacchvām pāmāvad upacāro
                     hipūtanavac ca || 
 gudabhraṃśe tu gudaṃ svedyasnehenābhyajya praveśya praviṣṭe
                  ca svedaṃ kuryād uccāranirgamanārthaṃ | chidreṇa cāsya carmaṇā
                  kaupīnabandhaḥ | 
 tailaṃ cāsya pānābhyañjanārtham vipacet | mūṣikaṃ niraṃtraṃ
                     kalpayitvā mahāpañcamūlakṣīram vipacet | 
 tatas tasmiṃ tailam vātaharakalkaprativāpam vipaced etat kṛcchram api gudatraṃ saṃsādhayateti ||
 ci 20 || 0 || 
folio 114r

folio 114r
                  athātaḥ śūkadoṣacikitsitaṃ
                        vyāvyākhyāsyāmaḥ || 
 vilikhya sarṣapīṃ samyak kaṣāyair avacūrṇṇayet |
                  
                   kaṣāyeṣv eva kurvīta tailañ ca vraṇaropaṇaṃ || 
 aṣṭhīlikāṃ jalaukābhiḥr grāhayed
                  bahuśo bhiṣak |
                  
                   tathā cānupaśāmyantīṃ kaphagranthivad uddharet | 
 svedayed grathitāṃ śaśvan nāḍīṃ svedena buddhimān |
                  
                   sukhoṣṇair upanāhaiś ca susvinnair upanāhayet || 
 kumbhīkāṃ pākamāpannāṃ cchindyāc chodhya ca ropayet ||
                  
                   tailena lodhratriphalātindukāmrakṛtena vā || 
 jalāyukābhir alajīṅ grāhayet svedayīta ca |
                  
                   kaṣāyais teṣu siddhañ ca tailaṃ ropaṇam iṣyate || 
 balātailena siddhena mṛditam pariṣecayet |
                  
                   sarpiḥ snigdhaiś ca madhuraiḥ sukhoṣṇair upanāhayet || 
 sammūḍhapiṭakāṃ kṣipraṃ jalaukābhir upācaret |
                  
                   bhitvā paryāgataṃ cāpi lepaye madhusarpiṣā || 
 avamanthe gate pākaṃ bhinne tailaṃ vidhīyate |
                  
                   dhavājakarṇṇāśvakarṇṇasallakīkvāthasādhitaṃ || 
 kriyām puṣkarikāyāṃ tu śītāṃ sarvāṃ prayojayet || 
 sparśahāryāṃ hared raktaṃ madhuraiḥ pradihed api |
                  
                   kṣīrekṣurasasarpirbhiḥ secayec ca suśītalaiḥ || 
               
                  folio 114vuttamākhyāṃ tu piṭakāṃ baḍisenoddhared bhiṣak |
                  
                   uddhṛtya madhusaṃyuktaiḥ kaṣāyair avacūrṇṇayet || 
 rasakriyā vidhātavyā likhite śatapośanake |
                  
                   pṛthak parṇyādisiddhañ ca deyan tailam anantaraṃ || 
 kriyāṃ prayuñjyāt kuśalaṃ tvakpākasya
                     visarpavat ||
                  
                   raktavidradhivac cāpi kriyāṃ śoṇitaje rbude | 
 kaṣāyakalkasarpīṃṣi tailacūrṇṇarasakriyāṃ ||
                  
                   śodhane ropaṇe caiva vīkṣya vīkṣyāvacārayet | 
 hitañ ca sarpiṣaḥ pānaṃ pathyañ cāpi virecanaṃ |
                  
                   hitaḥ śoṇitamokṣaś ca yac cāpi laghu bhojanaṃ || 
 arbudam māṃsapākañ ca vidradhiṃ tilakālakaṃ |
                  
                   pratyākhyāya hi kurvīta bhiṣak teṣām pratikriyām iti || 

                  cicikitsāsthāne 21 || || 0 ||
folio 114v

folio 114vathāto mukharogāṇāṃ cikitsitaṃ vyā
                  khyāsyāmaḥ ||
caturvidhena snehena madhucchiṣṭayutena vā |
                  
                   vātikebhyañjanakaṃ kāryaṃnāḍīsvedam tathāpi ca |
oṣṭhaprakope bhiṣajā sālvaṇaṃ copanāhanaṃ |
                  
                   mastiṣke caiva nasye ca tailaṃ vātaharai sritaṃ |
śrīveṣṭakaṃ sarjarasaṃ gugguluṃ suradāru ca |
                  
                   yaṣṭīmadhukacūrṇṇañ ca hitam atra pralepane |
pittaraktābhighātotthaṃ jalokābhir upācaret |
                  
                   pittavidradhivac cāpi kriyāṃ kuryād aśeṣataḥ |
śirovirecanaṃ dhūmaṃ svedaṃ kavaḍadhāraṇaṃ |
                  
                   hṛtaraktaprayoktavyam oṣṭhakope kaphātmake |
trikaṭuṃ svarjikākṣāraṃ kṣārañ ca yavaśūkajaṃ |
                  
                   kṣaudrayuktaṃ vidhātavyam etac ca pratisāraṇaṃ |
medoje svedite bhinne śodhite jvalano hitaḥ |
                  
                   priyaṃgulodhratriphalā sakṣaudraṃ pratisāraṇaṃ |
etad oṣṭhaprakopānāṃ sādhyānāṃ karma kīrttitaṃ ||
                  
                   dantamūlagatānāṃ tu rogāṇāṃ karma ucyate |
śītāde hṛtaraktasya toyanāgarasarṣapān ||
                  
                  niḥkvāthya triphalāñcāpi kuryād gaṇḍūṣadhāraṇaṃ |
priyaṅgavaś ca mustā ca triphalā ca pralepanaṃ |
                  
                   nasyañ ca siddhaṃ triphalāmadhukotpalapadmakaiḥ ||
dantapuppuṭake kāryaṃ taruṇe raktamokṣaṇaṃ |
                  
                   sa pañcalavaṇaṃ kṣāraṃ sakṣaudraṃ pratisāraṇaṃ 
śirovirekaś ca hito nasyaṃ snigdhaś ca bhojanaṃ ||
                  
                   visrāvite dantaveṣṭe vraṇāṃ tu pratisārayet |
lodhrapatraṅgamadhukalakṣācūrṇṇair
                  madhūttaraiḥ |
                  
                   gaṇḍūṣe kṣīriṇo yojyāḥ sakṣaudraghṛtaśarkarāḥ ||
kākolyādau daśakṣīrasiddhaṃ sarpiś ca
                  nastataḥ ||
                  
                   sauṣirefolio 115rhṛtarakte tu lodhramustarasāñjanaiḥ ||
kṣīre daśaguṇā sarpiḥ siddhaṃ nasye ca pūjitaṃ ||
                  
                   kriyāṃ paridare kuryāt śītādoktaṃ vicakṣaṇaḥ |
saṃśodhyobhayata kāryaṃ śiraścopakuśe hitaḥ |
                  
                   kākodamvarikāgojīpatrair visrāvayed asṛk |
kṣaudrayuktaiḥ salavaṇaiḥ savyoṣaiḥ pratisārayet |
                  
                   pippalyaḥ sarṣapā śvetāḥ nāgaraṃ naiculaṃ phalaṃ |
sukhodakena saṃsṛjya kavaḍantasya yojayet ||
                  
                   ghṛtaṃ madhurakaiḥ siddhaṃ hitaṃ kavaḍanasyayoḥ |
śastreṇa dantavaidarbhadantamūlāni śodhayet |
                  
                   tataḥkṣāraṃ prayuñjīta kriyāḥ sarvāś ca śītalāḥ ||
uddhṛtyādhikamāṃsan tu tato gnim avacārayet |
                  
                   krimidantakavac cātra vidhiḥ kāryo vijānatā |
cchitvād himāṃsaṃ sakṣaudrair imaiś cūrṇṇaiḥ
                  samācaret |
                  
                   vacātejavatīpāṭhāsvarjikāyāvaśūkajaiḥ |
kṣaudradvitīyā pippalyaḥ kavaḍaś cātrakīrttitaḥ |
                  
                   paṭolanimvatriphalākaṣāyāś cātra dhāvanaṃ |
                  
                   siro virekaś ca hito dhūmovairecanaś ca yaḥ ||
sāmānyaṃ karma nāḍīnāṃ viśeṣaṃ cātra me śruṇu ||
yaddantamadhijāyeta nāḍīdantaṃ tamuddharet |
                  
                   chitvā māṃsāni śastreṇa yadi noparijo bhavet |
śodhayitvā dahec cāpi kṣāreṇa jvalanena vā |
                  
                   upekṣite tu daśane gatirhanvasthi dārayet |
tasmāt samūlaṃ daśanam uddhared bhagnamasthi ca |
                  
                   uddhṛte tūttare dante śoṇitaṃ saṃprasicyate |
raktātiyogāt pūrvoktā rogā ghorā bhavanti ca
                  |
calam apy uttaman dantam ato nāpahared bhiṣak |
kaṣāyajātīmadanakaṭukasvādukaṇṭakaiḥ |
                  
                   lodhramañjiṣṭhakhadirayaṣṭyāhvaiś cāpi yat kṛtaṃ |
tailaṃ saṃśodhane taddhihanyād dantigatāṃ gatiṃ ||
                  
                   kīrttitā dantamūleṣu kriyā danteṣu vakṣyate |
sukhoṣṇaḥ snehakavaḍāḥ sarpiṣastrivṛtasya vā |
                  
                   niryūhaś cānilaghnānāṃ dantaharṣapramardanāḥ |
snaihikaś ca hito dhūmo nasyaṃ snaihikam eva ca |
                  
                   rasā rasai yavāgvaś ca kṣīrasantānika ghṛtaṃ ||
ahiṃsandantafolio 115vmūlāni śarkarām uddhared bhiṣak |
lākṣācūrṇṇair madhuyutais tatastaṃ pratisārayet |
                  
                   danta harṣakriyāś cāpi kuryān niravaśeṣataḥ |
kapālakaḥ kṛcchratamaḥ tatrāpyeṣā kriyā hitā |
                  
                   jāyed visrāvaṇaiḥ svinnamacalaṃ krimindakaṃ |
tathāvapīḍair vātaghnaiḥ snehagaṇḍūṣadhāraṇaiḥ |
                  
                   bhadradārvādivarṣābhūr lepaiḥ snigdhaiś ca bhojanaiḥ |
calam uddhṛtya vā sthānaṃ daheta suṣirasya vā |
                  
                   tato vidārī yaṣṭyāhvaśṛṅgāṭakakaserubhiḥ |
tailaṃ daśaguṇakṣīrasiddhaṃ nasya ca pūjitaṃ |
                  
                   hanurmokṣasamuddiṣṭāṃ kuryāc cārditavat kriyāṃ |
phalānyamvlāni śītāmvu rūkṣānnaṃ dantadhāvanaṃ |
                  
                   tathātikaṭhināṃ bhakṣāṃ dantarogī vivarjayet ||
sādhyānāṃ dantarogāṇāñcikitsitam udāhṛtaṃ |
                  
                   jihvāgatānāṃ sādhyānāṃ karma vakṣyāmi siddhayet ||
auṣṭhaprakopenilaje yaduktaṃ prāk cikitsitaṃ |
                  
                   kaṇṭakeṣv anilottheṣu tat kāryaṃ bhiṣajā bhavet |
pittajeṣu vighṛṣṭeṣu nisṛte duṣṭaśoṇite |
                  
                   pratisāraṇagaṇḍūṣā nasyañ ca madhuraṃ hitaṃ |
kaṇṭakeṣu kaphottheṣu likhiteṣv asṛjaḥ kṣaye |
                  
                   pippalyādir madhuyutaḥ kāryas tu pratisāraṇaṃ |
kṛhṇīyāt kavalaṃ cāpi
                  gaurasarṣapasaindhavaiḥ |
                  
                   paṭolanimvavārttākūkṣārayūṣaiś ca bhojayet |
upajihvān tu saṃlikhya kṣāreṇa pratisārayet |
                  
                   śirovirekagaṇḍūṣa dhūmaiścaināmupācaret ||
jihvāgatānāṃ karmoktaṃ tālavyānāṃ pravakṣyate |
                  
                   aṅguṣṭhāṃgulisaṃdaṃśair gṛhītvā galaśuṇḍikāṃ
cchedayet maṇḍalāgreṇa jihvopari tu yatsthitaṃ
atyādānāt sraved raktaṃ
                  tannimittaṃ mriyeta saḥ |
                  
                   hīnacchedād bhavecchopho lālā srāvo bhramastamaḥ |
tasmād vaidyaḥ prayatnena dṛṣṭakarmā viśāradaḥ |
                  
                   galaśuṇḍikāṃ cchedayitvā kuryāt prāptamidaṃ kramaṃ |
maricātiviṣāpāṭhāvacākuṣṭhakuṭannaṭaiḥ |
                  
                   kṣaudrayuktaiḥ salavaṇais tatastāṃ pratisārayet ||
vacāmativiṣām pāṭhaṃ rāsnāṃ kaṭufolio 116rkarohiṇīṃ |
                  
                   niḥkvāthyapicumardañ ca kavaḍan tatra yojayet |
iṅgudīkiṇihīdantīsaralaṃ
                  devadāru ca |
                  
                   pañcāṅgīṅ kārayed varttim etair gandhottarāṃ śubhāṃ |
tasyā dhūmaṃ pivejjantu dvirahnaḥ kaphanāśanaṃ |
                  
                   kṣārasiddheṣu mudgeṣu yūṣaś cāpyaśane hitaḥ ||
tuṇḍikeryadhruṣo kūrme saṃghāte tālupuppuṭe |
                  
                   eṣa eva vidhiḥ krāyo viśeṣaḥ śastrakarmaṇi |
tālupāke tu kartavyaṃ vidhāṇaṃ pittanāśanaṃ |
                  
                   snehasvedau tāluśoṣe vidhiś cānilanāśanaḥ |
kīrttitaṃ tālu jānāntu kaṇṭhyānāṃ karma vakṣyate ||
                  
                   sādhyānāṃ rohiṇīnāṃ tu hitaṃ śoṇitamokṣaṇaṃ |
cchardanaṃ dhūmapānañ ca gaṇḍūṣo
                     nastakarma ca |
                  
                   vātikāṃ tu gate rakte lavaṇaiḥ pratisārayet |
sukhoṣṇāṃ snehakavalāṃ dhārayec cāpyabhīkṣṇaśaḥ |
                  
                   pattaṅgaśarkarākṣaudraiḥ paittikāṃ pratisārayet |
drākṣāparūṣakakvātho hitaś ca kavaḍagrahe |
                  
                   agāradhūmamadhukaiḥ kaphajāṃ pratisārayet |
śvetā viḍaṅgadantīṣu tailaṃ siddhaṃ sasaindhavaṃ |
                  
                   nasyakarmaṇi dātavyaṃ kavaḍaṇca kaphocchraye |
pittavat sādhayed vaidyo rohiṇīṃ raktasambhavāṃ |
                  
                   visrāvya kaṇṭhasālūkaṃ sādhayet tuṇḍikerivat |
ekakālaṃ yavānnañca bhuñjīta snigdhamalpaśaḥ |
                  
                   upajihvikavac cāpi śodhayed api jihvikāṃ |
ekavṛndantu visrāvya vidhiṃ śodhaṇam ācaret ||
                  
                   gilāyukāpi yo vyādhistañ ca śastreṇa sādhayet |
amarmasthaṃ susaṃpakvaṃ bhedayed
                  galavidradhiṃ |
                  
                   vātāṃt sarvarasarañ cūrṇair lāvaṇaiḥ pratisārayet |
tailaṃ vātaharaiḥ siddhaṃ hitaṃ kavaḍanastayoḥ |
                  
                   tatosmai snaihikan dhūmam idaṃ dadyād vicakṣaṇaḥ ||
sālarājādanairaṇḍacāreṅgudimadhūkajāḥ |
                  
                   majjāno gugguludhyāmamāṃsīkālānusārivā |
                  
                   śrīsarjarasaśaileyamadhūcchiṣṭāni cāharet |
tat sarvaṃ sukṛtaṃ cūrṇṇaṃ snehenāloḍya yuktitaḥ |
                  
                   ṭuṇṭūkavṛttāt sakṣaudrāt matimāṃ tena lepayet |
eṣa sarvasare dhūmaḥ praśastasnaihikottamaḥ |
                  
                   kaphaghno mārughnaś ca mukharogavināśanaḥ |
pittātmake sarvasare śuddhakāyasya dehinaḥ |
                  
                   sarvaḥ pittaharaḥ kāryo vidhirmadhuraśītalaḥ |
pratisāraṇagaṇḍūṣā dhūmaṃ saṃśodhanāni ca ||
                  
                   kaphātmake sarvasare kramāṃ kuryāt kaphāpahaṃ |
pived ativiṣāṃ pāṭhaṃ mustañ ca suradāru ca
                  
                  folio 116vrohiṇī kaṭukākhyāntu kaṭajasya phalāni ca |
gavāṃ mūtreṇa manujo bhāgāṃ dharaṇasaṃmitāṃ |
                  
                   eṣa sarvāṃ kaphakṛtāṃ rogān yogopakarṣati |
kṣīrekṣurasagomūtradadhistvamlakāñjikaiḥ |
                  
                   vidadhyāt kavalāṃvīkṣya doṣaṃ tailaghṛtair api | 
rogānāṃ mukhajātānāṃ sādhyānāṅ karma kīrttitaṃ ||
                  
                  asādhyām api vakṣyāmi rogā ye yatra
                  kīrttitāḥ |
auṣṭhaprakopo varjyā syur māṃsaraktatridoṣajāḥ |
                  
                   dantamūleṣu varjyau tu triliṃgagatisauṣirau |
danteṣu ca na sidhyanti śyāvadālanabhañjanāḥ |
                  
                   jihvāgateṣv alāṃsantu tālavyeṣv arvudaṃ tathā |
svaraghno valayaṃ vṛndaṃ valāsasahacāriṇāṃ |
                  
                   galaughamāṃsatānaś ca śataghnī rohiṇītale |
asādhyāḥ kīrttitā hyete rogā nava daśaiva ca |
                  
                   teṣucāpi kriyāṃ vaidyaḥ pratyākhyāya samācarediti ||
ci tha2 || ❈ ||

folio 116v IMG_0153athātaḥ śophacikitsitaṃ vyā
                  khyāsyāmaḥ
               
tatra ṣaḍvidhovayavasamutthaḥ śophobhihito
                  lakṣaṇataḥ pratikārataś ca | sarvasaraś ca pañcavidhaḥ | tad yathā |
                  vātapittakaphasaṃnipātaviṣannimittaḥ | 
tatrāpatarpitasyābhyarthamadhvagamanādatimātramabhyaharato vā piṣṭānnaharitaśākalavaṇāni | kṣīṇasya
                  vātimātramamlam upasevato mṛtpaktaloṣṭakaṭaśarkarām upaudakamāṃsasevito
                  vā viruddhāhārasya hastyaśvakṣobhanādāyāsitā doṣā
                  dhātūṃ pradūṣayitvā śophamāpādayantyakhile śarīre |
tatra vātapittakaphasannipātaśvayathūnām
                  avayavasamutthe śophalakṣaṇāni vyākhyātāni | viṣanimittas tu garopayogāddu ṣṭatoyasevanāt prakuthitodakāvasekāt saviṣasatvasañcūrṇṇanād vā |
                     saviṣamūtrapurīśaśukraspṛṣṭānāṃ vā tṛṇakāṣṭhādīnāṃ saṃsparśāt || sa
                  tu mṛduḥ kṣiprotthām ca lāvalamvī dāhapākaprāyaś ca bhavati ||
doṣāḥ śvayathumūrdhvaṃ hi kurvantyāmāśayāśritāḥ |
                  

                   pakvāśayasthā madhye tu varcasthānagatāstvadhaḥ |
kṛtsnaṃ dehamanuprāptāḥ | kuryuḥ sarvasaran tathā ||
                  

                   yo madhyadeśe śvayathuḥ sa kaṣṭaḥ sarvagaś ca yaḥ |
ardhāṅgeriṣṭabhūtaṃ syād yaścordhvaṃ
                     parisarpati |
                  

                   śvāsaḥ pipāsācchardiś ca daurvalyaṃ jvara eva ca |
yasya cānnerucir nāsti śvayathuṃ taṃ
                  vivarjayet |
                  

                   sāmānyato viśeṣāc ca teṣāṃ vakṣyāmi bheṣajaṃ |
tatra śophinaḥ sarva eva parihareyuḥ |folio 117ramlalavaṇamadyaguḍadadhivasātailapiṣṭagurūṇi viśeṣeṇa ||
tatra vātaśvayathau trivṛttairaṇḍatailaṃ vā māsamarddhamāsam vā pāyayet | nyagrodhādi
                  siddhaṃ sarpiḥ | pittaśvayathau | āragvadhādisiddhaṃ tailaṃ śleṣmaśvayathau |
                     sannipāśvayathau snuhākṣīrapātratulyaṃ daśabhir amlapātraiḥ |
                  pratisaṃsṛjya dantī dravantī pra tivāyaṃ sarpiḥ pācayitvā pāyayet |
                  viṣanimittamākalpeṣu pratīkāraḥ ||
ata ūrdhvaṃ samānyān yogā vakṣyāmaḥ |tilvakaghṛtacaturthāni yānyuktāni udareṣu tatonyatamam upayujyamānaṃ
                     śvayathūnapahanti | mūrttavarttikriyām vā seveta | navāyasaṃ
                  vāharaharmadhunā | viḍaṅgātiviṣākuṭajaphalabhadradārunāgaramaricānāṃ vā
                  dharaṇamuṣṇāmvunā | trikaṭukakṣārayaścūrṇāni triphalākvāthena | mūtram
                  vā tulyakṣīraṃ | harītakīm vā tulyaguḍām upayuñjīta | devadāruśuṇṭhīṃ
                  vā | guggulum vā mūtreṇa | varṣābhūkaṣāyānupānam vā tulyaguḍaṃ śṛṅgaveraṃ | vyoṣaṃ varṣābhūkaṣāyasiddhena vā | sarpiṣāmudgolumvāṃ bhakṣayet |
                     pippalīmūlacitrakacavyāmayūrakavarṣābhūsiddhaṃ vā kṣīraṃ pivet |
                  sahauṣadhamuraṅgīmūlasiddham vā | trikacukair aṇḍaśyāmāmūlasiddham vā |
                  varṣābhūśṛṃgaveradevadārusiddham vā | tathālāvuvibhītakaphalakalkam vā | pippalīmaricaśṛṅgaverānusiddhena ca mudgayūṣeṇālavaṇenālpaṃ snehaṃ bhojayet |
                  yavagodhūmānnaṃ | vṛkṣakārkanaktamālanimvavarṣābhūkvāthaś ca pariṣekaḥ
                  | sarṣapasauvarcalasaindhavaśārṅge ṣṭābhiś ca pradehaḥ kāryaḥ |
                  yathādoṣañ ca tīkṣṇānivamanavirecanāsthāpanānuvāsanāni satatam
                  upaseveta | svedopanāhau ca | sirāś cābhīkṣṇaṃ śoṇitamavasecayet ||
                     anyatrapāṇḍuśophāditi ||
piṣṭānnamamvlaṃ lavaṇāni madyaṃ mṛdaṃ divāsvapnamajāṅgalañ ca
                  |
                  

                   striyo guḍaṃ tailamatho gurūṇi śophaṃ jighāṃsu parivarjayīta ||
ci23|| o ||

folio 117r IMG_0115athāto nāgatāvādhacikitsitaṃ vyā
                  vyākhyāsyāmaḥ |
utthāyotthāyātmavatā svasthenārogam icchatā |
                  
                   yad anuṣṭheyam askannaṃ tat sarvaṃ saṃpravakṣyate |
tatrādito dantakāṣṭhaṃ dvāfolio 117vdaśāṃgulamāyataṃ |
                  
                   kanīnikāpariṇāham ṛjvagranthim athāvraṇaṃ |
ayugmagranthi ya sakṣīrañ ca praśasyate |
kaṣāyakaṭutiktaṃ vā tatat khādet prātar utthitaḥ |
                  
                   madhutrikaṭukāktam vā gomūtreṇāpi bhāvitaṃ |
tad daurggandhyopadehau tu śleṣmāṇaṃ cāpakarṣati |
vaiśadyam anne bhiruciṃ saumanasyaṃ karoti ca |
                  
                  snigdhāṃ śuklāṃś ca daśanāṃ jihvāyāpi ca lāghavaṃ |
                  
                   na cāpigalatālvauṣṭhajihvārogasamudbhavaḥ |
na khādet mukhaśoṣī tu śvāsahikkāvamīṣu ca |
                  
                   durvalojīrṇṇabhaktaś ca mūrcchārtto madapīḍitaḥ |
śirorujāṃrttas tṛṣitaḥ śrānta pānaklamānvitaḥ |
                  
                   arditī karṇṇaśūlī ca dantarogī ca mānavaḥ |
jihvānirlekhanaṃ raupyaṃ sauvarṇṇaṃ vārkṣam eva
                     vā |
                  
                   tan malāpaharaṃ śastaṃ mṛduślakṣṇaṃ daśāṃgulaṃ |
mukhavairasya vaigandhyaṃ śophajāḍyāpahaṃ sukhaṃ |
                  
                   dṛḍhīkarañ ca dantānāṃ snehagaṇḍūṣadhāraṇaṃ |

tāmvūlapatraṃ sakṣāraṃ pūgaṃ hṛdyaṃ kaphāpahaṃ
                  |
mukhavaiśadyasaugandhyakāntisauṣṭhavakārakaṃ |
pathyaṃ suptotthite bhukte vānte srānte ca mānave |
rūkṣadurvalamattānām ahitaṃ cāsyaśoṣiṇāṃ |
keśabhūmigatānrogāṃ śirobhyaṅgopakarṣati |
                  
                   keśānāṃ mṛdutā snigdhaṃ rukpraśāntiṃ karoti ca ||
karoti śirasas tṛptiṃ keśānāṃ dṛḍhatām api |
                  
                   santarpaṇaś cendriyāṇāṃ dantobhyaṅgas tu mūrdhni tu
                  |
keśaprasādhanī keśyā rajojantu malāpahā |
                  
                   hanumanyāśiraḥkarṇṇaśūlaghnaṃ karṇṇapūraṇaṃ |
abhyaṅgo mārdavakaraḥ kaphavātanirodhanaḥ |
                  
                   dhāūnām puṣṭijanano mṛjāvarṇṇavalapradaḥ |
sekaḥ śramaghnonilahā bhagnasandhiprasādhakaḥ |
                  
                   kṣatāgnidagdhābhihatavighṛṣṭānāṃ rujāpahaḥ |
siktasyābhipravardhante yathāpuṣpo ṅkurastaroḥ |
                  
                   tathā dhātuvivṛddhirhi snehasiktasya jāyate |
śirāmukhair lomakūpair dhamanībhiś ca tarpayan |
                  
                   śarīre valam ādhatte sneho vai sādhu yojitaḥ |
tatra prakṛti sātmyartudeśadoṣavikāravit |
                  
                   tailaṃ ghṛtam vā matimān yuñjād abhyaṅgasekayoḥ ||
kevalaṃ tv āmadoṣeṣu na kathañcana yojayet |
                  
                   taruṇajvaryajīrṇṇī ca nābhyaktavyo kadācanaḥ |
tathā virakto vāntaś ca nirūḍho yaś ca mānavaḥ ||
                  
                   pūrvayoḥ kṛcchratā vyādhyor asādhyatvam athāpi vā |
śeṣāṇān tadahaḥ proktās tv agnifolio 118rsādādayo gadāḥ |
kāntiḥ śarīropacayo gātrāṇāṃ suvibhaktatā |
                  
                   mṛjātha sthirakāyatvam agnidīptir arogatā |
śramatklamapipāsānāṃ sahiṣṇutvam asīdanaṃ |
                  
                   ārogyañ cāpi paramaṃ vyāyāmenopajāyate |
na ca vyāyāmasadṛśam anyasthūlāpakarṣaṇaṃ |
                  
                   na ca vyāyāminaṃyantyarayo valāt |
na cainaṃ sahasākramya jarā samadhirohati |
                  
                   sthirī bhavati māṃsaś ca vyāyāmābhiratasya vai |
vyāyāmaṅ kurvato nityaṃ viruddham api bhojanaṃ |
vidagdham api dagdham vā nirdoṣaṃ paripacyate |
raktapittī kṛśaḥ śoṣī kāsī śvāsī kṣatāturaḥ
                  |
bhuktavāṃs trīṣu ca kṣīṇo vyāyāmaṃ parivarjayet |
                  
                  vyāyāmo hi samapathyo valināṃ snigdhabhojināṃ |
                  
                  sa ca śīte vasante ca teṣāṃ pathyatamaḥ smṛtaḥ |
                  
                  sarveṣvṛtuṣu sarvair hi martyair ātmahitaiṣibhiḥ |
                  
                  śaktyavenopakarttavyo vyāyamo haṃnyato nyathā
                     |
                  
                  hṛdisthānasthito vāyur yadā nāsāṃ prapadyate |
                  
                  vyāyāmaṃ kurvato jantos tacchaktyavasya lakṣaṇaṃ
                     |
                  
                  vayo valaṃ dehavalaṃ deśakālamathāpi ca |
                  
                  samīkṣya kuryād vyāyāmaṃ yuktyā śaktyā ca vuddhimān
                     ||
                  
                  kṣayastṛṣṇā rucicchardi raktapittaśramaklamāḥ |
                  
                  kāsaśoṣajvaraśvāsāś cātivyāyāmasambhavāḥ ||
                  
                   udvarttanaṃ vātaharaṃ kaphamedo vilāpanaṃ |
sthirīkaraṇam aṅgānāṃ tvak prasādakaraṃ tathā |
                  
                   sirāmukhaviviktatvaṃ tvakthasyāgreś ca dīpanaṃ |
udgharṣaṇotsādanābhyāṃ bhaveyātāyamasaṃśayaṃ |
tandrāpāpmopaśamanaṃ tuṣṭidaṃ puṣṭivardhanaṃ |
                  
                   raktaprasādanañ cāpisnānam agneś ca dīpanaṃ |
tac cātisārajvaritakarṇṇaśūlārditodiṣu |
                  
                   ādhmātārocakājīrṇṇabhuktavatsu ca garhitaṃ |
tandrāpāpmopaśamanaṃ prītyojo valavardhanaṃ |
                  
                   svedadaurgandhyavaivarṇyaśramaghnam anulepanaṃ |
rakṣoghnamatha caujasyaṃ saubhāgyaṃkaram uttamaṃ |
sumanomvararatnānān dhāraṇaṃ prītivardhanaṃ |
                  
                   mukhālepaṃ dṛḍhaṃcakṣuḥ pīnagaṇḍan tathānanaṃ |
kāntam avyaṅgapiḍakaṃ bhavaty amvujasannibhaṃ |
                  
                   pakṣmalaṃ viśadaṃ kāntam amalojvalamaṇḍalaṃ |
netram añjanasaṃyogād bhavec cāmalatārakaṃ ||
                  
                   yaśasyaṃ svargyam āyuṣyaṃ dhanadhānyābhivardhanaṃ |
gurudevataviprāṇām pūjanaṃ gotravardhanaṃ |
                  
                   āhāraḥ prīṇanaḥ sadyo valakṛddefolio 118vhadhāraṇaṃḥ |
smṛtyāyuḥ pakkitejojaḥ satvotsāhābhivardhanaḥ |
                  
                   pādaprakṣālanaṃ pādarogaśramamalāpahaṃ |
cakṣu prasādajananaṃ rakṣoghnaṃ prītivardhanaṃ |
                  
                   nidrākaro dehasukhaṃ cakṣuṣyaḥ pādarogahā |
pādatvaṅ mṛdukarttā ca pādābhyaṅgaḥ praśasyate |
                  
                   pādarogaharaṃ vṛṣyam āyuṣyañcakṣuṣe hi taṃ |
sukhapracāram aujasyaṃ sadāpādatradhāraṇam |
                  
                   anārogyam anāyuṣyam indriyaghnam adṛṣṭikṛt |
pādābhyām anupānabhyāṃ nṛṇāñ caṅkramaṇaṃ sadā |
                  
                   pāpmopaśamanaṃ keśanakharomāpamārjanaṃ |
harṣalāghavasaubhāgyam utsāhakaravardhanaṃ |
pavitraṃ keśyamuṣṇīśaṃ vātātaparajonudaṃ |
                  
                  chatraṃ vātātaparujo mārutāpaharaṃ śubhaṃ |
satvotsāhavalasthairyadhairyavīryābhivardhanaṃ
                  |
avaṣṭambhakarañcāpi rakṣoṣṇaṃghnaṃ daṇḍadhāraṇaṃ |
                  
                   āsyāvarṇṇaśleṣmamedaḥ saukumāryakarī sukhā |
adhvāvarṇṇaśleṣmamedaḥ saukumāryavināśanaḥ |
yat tu caṃkramaṇan nātidehapīḍākaraṃ bhavet |
                  
                   tad āyurvalamedhāgnipradam indriyavodhaṇaṃ |
śramānilaharaṃ vṛṣyaṃ puṣṭinidrādhṛtipradaṃ |
                  
                   sukhaṃ śayyāsanan tasmād viparītam ato nyathā |
vālavyajanamaujasyaṃ makṣikādīn apohati |
                  
                   svedadāhatṛṣāmūrcchāśramaghno vyajanānilaḥ |
prītinidrākaraṃ vṛṣyaṃ kaphavātaśramāpahaṃ |
                  
                   samvāhanaṃ māṃsaraṃsatvakprasādakaraṃ tathā |
pravātaṃ raukṣyavaivarṇṇstambhakṛhapaktinut |
                  
                   svedamūrcchāpipāsaghnam apravātamatonyathā |
sukhaṃ pravātaṃ seveta grīṣme śaradi cāntarā |
                  
                   nivātaṃ hy āyuṣe sevyam ārogyāya ca sarvadā |
ātapaḥpittaraktāgniḥ svedamūrcchātṛṣāpahaṃ |
                  
                   dāhavaivarṇṇyajananasthāyā tv etān vyapohati |
agnir vātakaphastambhī śītavepathunāśanaḥ |
                  
                   āmābhiṣyandaśamano raktapittapradūṣaṇaḥ |
puṣṭivarṇṇavalotsāhām agnidīptir atandritāṃ |
                  
                   karoti dhātusāmyañ ca nitrākālaniṣevitā ||
tatrādito nīcanakharomṇā śucivāsasā
                  laghūṣṇīṣacchatropānatkenādarakāriṇā | daṇḍapāṇinā kālahitamitamadhurapūrvābhibhāṣiṇā vandhubhūtena bhūtānāṃ guruvṛddhānumatenānanyamanasā
                  susahāyenopakarttavyaṃ | tad api na rātrau | na
                     keśāsthikaṇṭakāśmatuṣabhasmotkarakapālāṅgārāmedhyasthānafolio 119rvalibhūmiṣu | na viṣamendrakīlacatuṣpathasvabhrāṇām upariṣṭāt |
na rājadviṣṭaparuṣapaiśūnyānṛtāni vadet |
                  devavrāhmaṇaguruvṛddhapitṛparivādāṃś ca | na narendradviṣṭonmattapatitikṣuc ca bhītān upāsīta |
vṛkṣaparvataprapātaviṣamavalmīkaduṣṭavājini pariharet |
                  pūrṇṇanadīsamudrāviditapalvalasvabhrakūpāvataraṇāni ca bhinna
                  śūnyāgāraśmaśānavijanāraṇyagrāmasevāś ca |
                     grāmaghātakalahaśastrasannipātāgnisambhramavyāḍasarīsṛ paśṛṅgikaṣāṃś
                  ca |
nāgnivrāhmaṇaprekṣādampatyor antareṇātīyāt | na śavam anuyāyāt
                     |
                  devagovrāhmaṇacaityadhvajarogipatitapāpakarttṛṇāñ ca
                     chāyānnākrāmet nāstaṃ gacchantam
                  udyantam ādityaṃ paśyet | gāṃ dhayantīṃ parasyaṃ vā carantīm parasyai nācakṣīta |
                     nolkāpātātpātendradhanūṣivā | nāgniṃ mukhenopadhamet | nāyo bhūmiṃ
                  vā pāṇipādenābhihanyāt |
na vegāndhārayet | na
                     vahirbhāgāṃgrāmanagaradevatāyatanaśmaśānapathasalilāśayasannikṛṣṭhānutsṛjenna prakāśaṃ | na vāyvagnisalilasomārkagogurūṃ
                  pratimukham vā |
na bhūmiṃ vilikhet | nāsaṃvṛtamukhaḥ sadasi
                  śvāsakāsajṛmbhodbhārakṣavathūnna sṛjet | na paryavaṣṭikāvaṣṭambhapādaprasāraṇāni gurusannidhau kuryāt |
na vā karṇṇanasāsrotodaśanavivarāṇyabhiniṣkuṣṇīyāt
                  | na vejayetkeśanakhavastragātrāṇi | na gātravaktranakhavāditraḥ kuryāt | na
                     kāṣṭhaloṣṭhatṛṇādīnabhihanyāt | cchindyād bhindyād vā |
nātipravātāt apam upaseveta | na muktamātrāgnim upāsīta | notkūṭrakāsanālpāsanān dadhyāsīta | na grīvaṃ
                  viṣamaṃ haret | na viṣamapatitakāyaḥ kriyāṃ seved vased bhuñjīta vā |
                  na pratatamudīkṣeta | viśeṣārjjotirbhāskarasūṣmavalabhrāntāni | na bhāraṃ śirasā vahet | na ca
                     svapnajāgaraṇaśayanāsanasthānacaṅkramanayānavāhanapradhāvanalaghanapratar aṇahāsyabhāṣyavyayāyavyāyāmādīn ucitān apy atimātraṃ seveta |
ucitādapyahitāt kramaśo virameta |
                  hitamanucitamapyāseveta kramaśaḥ |
nāvākchirāśayīta | na bhinnapātre bhuñjīta | nāñjalipuṭenāpaḥ pivet | folio 119vkālahitamitasnigdhamadhuraprāyamāhāraṃ
                     vaidyapratyavekṣitam aśnīyāt | grāmagaṇagaṇikāpatitaśatrubhojanāni pariharet | śeṣāṇy api
                  cāniṣṭarūparasagandhaśabdasparśamānasāni anyān evaṃ guṇān api cāsambhramadattāni tāny api na makṣikāvālopahitāni | nāprakṣālitapāṇipādau bhuñjīta | mūtroccārapīḍito vā | na sandhyayor
                     nāpāśrito nātikālahīnam atimātraṃ veti ||
yasmin yasmin ṛtau ye ye doṣāḥ kupyanti dehināṃ |
                  
                   teṣu teṣu pradātavyā rasās te vijānatā |
varṣāsu caturo māsāṃ mātrāvadukaṃ pivet |
uṣṇaṃ himavasante cakāsaṃ
                     grīṣme ca śītalaṃ |
                     
                      hemante ca vasante ca sīdhvariṣṭau piven naraḥ |
śritaśītaṃ payo grīṣme prāvṛṭkāle rasaṃ pivet |
                  
                   yūṣaṃ varṣati tasyānte prapivec chītalaṃ jalaṃ |
svastha eva mato nyas tu doṣāhāgadāturāḥ |
                  
                   snehaṃ pippalicūrṇṇena saindhavena ca saṃyutaṃ |
pived agnivivṛdhyarthaṃ na ca vegāṃ vidhārayet |
                  
                   agnidīptir alaṃ nṛṇāṃ rogānāṃ sramanaṃ prati |
prāvṛṭcharadvasanteṣu samyak snehādim ācaret |
                  
                   kaphe pracchardanaṃ pitte viro vastir īraṇe |
śasyate triṣvapihito vyāyāmo doṣanāśanaḥ
                     |
utsargamaithunāhāraśodhane syāt tu tanmanā |
                  
                   necchet pratibhayāṃ prāptuṃ pīḍāśārīramānasīṃ |
atistrīsaṃprayogāc ca rakṣedātmānam ātmavān |
                  
                   śoṣakāsajvarārśāṃsi
                     śvāsakāśryātipāṇḍutā |
ativyavāyāj jāyante rogāś cākṣepagādayaḥ |
                  
                   āyuṣmanto mandajarāvapurvarṇṇavalādhikāḥ |
sthiropacitamāṃsāś ca bhavanti strīṣu saṃyatāḥ |
                  
                   tribhistribhirahobhis tu seveta pramamadānnaraḥ |
sarveṣv ṛtuṣu grīṣme tu pakṣāt pakṣād vrajed vudhaḥ |
                  
                   rajasvalāmakāmāñ ca malinām aprajām api |
varṇṇavṛddhām vayovṛddhaṃ tathā vyādhiprapīḍitāṃ |
                  
                   hīnāṅgīṃ garbhiṇīṃ dveṣyāṃ yonidoṣasamanvitāṃ | 
sagotrāṃ gurupatnīṃñ ca tathā pravrajitām api |
                  
                   sandhyayoḥ sarvakāle ca nopeyāt pramadān naraḥ |
gosarge cārdharātre ca tathā madhyandine pi ca |
                  
                   lajjāsamāvahe deśe vivṛte śuddha eva ca |
kṣudhito vyādhitaś caiva kṣuvdhacittaś ca mānavaḥ |
                  
                   prāptamūtrapurīśaś ca pipāsīdurvalas tathā |
tiryagyonāvayonau ca prāptaśukravidhāraṇaṃ |
                  
                  duṣṭayonau vifolio 120rsargaś ca balavān api
                  varjayet |
sthitānuttānaśayane viśeṣeṇa tu garhitaṃ |
krīḍayānyaś ca medhāvī hitārthaṃ parivarjayet |
                  
                   rajasvalāṃ prāptavato na rasyāni yatātmanaḥ
                  |
dṛṣṭyāyustejasāṃ hānir adharmaś ca tato bhavet |
                  
                   liṅginīṃ gurupatnīñ ca sagotrām atha parvasu | 
vṛddhāṃ sandhyayoś cāpi garchato jīvitakṣayaḥ |
                  
                   garbhiṇyāṃ garbhapīḍāsyād vyādhitāñ ca valakṣayaḥ |
hīnāṃgīṃ malināṃ dveṣyāṃ kāmāṃ vandhyām asaṃvṛte |
                  
                   deśe śuddhe ca śukrasya manasaś ca kṣayo bhavet |
kṣudhitaḥ kṣuvdhacittaś ca madhyāhne tṛṣitovalaḥ |
                  
                   sthitāyaṃ hānim āpnoti śukraṃ vāyuś ca kupyati |
vyādhitāyāṃ plīhāmayo mūrcchā doṣaś ca jāyate |
pratyūṣe cārdharātre ca vātapittaprakupyataḥ |
                  
                   tiryagyonāv ayonau ca duṣṭayonau tathaiva ca |
upadaṃśas tathā vāyoḥ kopaḥ syād
                  retasaḥ kṣayaḥ |
                  
                   uccārite mūtrite ca retasaś ca vidhāraṇe |
uttāne ca bhavec chīghraṃ śukrārśmaryās tu sambhavaḥ |
                  
                   tasmāt sarvaṃ parihared etal lokadvayāhitaṃ |
vayor ūpaguṇo py etāṃ kulyaśīlāṃ kulānvitāṃ |
abhikāmoptikāmāṃś ca hṛṣṭo hṛṣṭām alaṅkṛtāṃ |
                  
                   seveta pramadān nityaṃ vyājīkaraṇapītavān |
śarkaropahitāṃ bhakṣyāṃ kṣīrañ cāpi
                  saśarkaraṃ |
                  
                   vyajanaṃ svapnasevā ca vyavāyānte hitāni tu |
sukhamātraṃ samāsena sadvṛttasyetad īritaṃ |
                  
                   āyur ārogyam artho vā nāsadbhiḥ prāpyate tribhir iti ||
❈

folio 120rathāto miśrikacikitsitaṃ vyā
                  khyāsyāmaḥ ||
pālyāmayās tu visrāvyā yaḥ uktāḥ prāṅnibodha tāṃ |
                  
                   paripoṭas tathotpādovamantho duḥkhavardhanaṃḥ
pañcamaḥ parilehī ca karṇṇapālyāṃ gadāḥ smṛtāḥ |
                  
                   saukumāryāc cirotsṛṣṭe sahasābhipravardhite |
karṇṇaśopho bhavet pālyāṃ sarujaḥ paripoṭavān |
                  
                   kṛṣṇāruṇinibhastavdhaḥ savātāt paripoṭakaḥ |
gurvābharaṇasaṃyogāt tāḍanod
                  gharṣaṇādibhiḥ |
                  
                   śophaḥ pālyāṃ bhavecchyāvo dāhapākarujanvitaḥ |
rakto vā raktapittābhyām unmādaḥ sa gado mataḥ |
                  
                   karṇṇaṃ valād vardhayataḥ pālyāṃ vāyuḥ prakupyati |
sakaphaṃ prāpya kurute śophaṃ
                  stavdhamavedanaṃ |
                  
                   sovamanthaḥ sakaṇḍūko vidāruḥ kaphavātajaḥ |
vardhamāne tu durviddha kaṇḍūdāharujānvitaḥ |pi
                  
                   śopho bhavati pākaś ca tridofolio 120vṣo duḥkhavarddhanaḥ |
kaphāsṛkkrimayaḥ kruddhāḥ sarṣapābhāvicāriṇaḥ |
                  
                   kurvanti pālyāṃ srāviṇyaḥ kaṇḍūdāharujānvitāḥ |
kaphāsṛkkrimisambhūtaḥ sa visarpānvinatas tanuḥ |
                  
                   lihet saśaṣkuliṃpāliṃ parilehīti sa smṛtaḥ |
pālyāmayā hy amī ghorā narasyāpratikāriṇaḥ |
                  
                   mithyāhāravihārasya pāliṃ hiṃsyur upekṣitāḥ | 
tasmād āśu bhiṣak teṣu snehādikramamācaret |
                  
                   tathābhyaṅgaparīṣekapradehāsṛg vimokṣaṇaṃ |
sāmānyato viśeṣāc ca vakṣyāmyabhyañjanaṃ prati |
                  
                   kharamaṃḍariyaṣṭyāhvasaindhavāmaradārubhiḥ |
supiṣṭaiḥ sāśvagandhaiś ca mūlakāvalgujāphalaiḥ |
                  
                   sarpistailavasāmajjāmadhūcchiṣṭāni cāharet |
sakṣīrāṇyatha taiḥpāliṃ pradihyāt paripoṭake |
                  
                   mañjiṣṭhātilayaṣṭyāhvasārivotpalapadmakaiḥ |
salodhraiḥ sakadamvaiś ca valājamvvāmrapallavaiḥ |
                  
                   siddhaṃ dhānyāmvlasaṃyuktaṃ tailamutpādanāśanaṃ |
tālapatryaśvagandhābhyāṃ saindhavāvalgujāphalaiḥ |
                  
                   tailaṃ kulīragodhābhyāṃ vasayā saha sādhitaṃ |
saralālāṅgalībhyāñ ca hitam unmanthanāśanaṃ |
                  
                   athāśmantakajamvvāmrapatrakvāthaniṣecitāṃ |
prapauṇḍīrīkamadhukamañjiṣṭhaṃ rajanīkṛtaiḥ |
                  
                   cūrṇṇair durgandhanai pālintailāktāmavacūrṇṇayet |
cūrṇṇair viḍaṅgalākṣābhyāṃ tailaṃ paktvāvacārayet |
                  
                   svinnāṃ gomayaniḥpiṇḍaiḥ pradihyāt parilehike |
kṛṣṇair viḍaṅger athavā praratrīmūtrapeṣimaiḥ
                     |
                  
                   karaṇjeṅgudibījair vā kuṭajāragvadhāyutaiḥ |
sarvairvā sārṣapaṃ tailaṃ siddhaṃ maricasaṃyutaiḥ |
                  
                   sanimvapatrair abhyaṅge madhucchiṣṭānvito hitaḥ |
vyādhikliṣṭāsu pālīṣu tanvīṣu kaṭhināsu ca |
                  
                   puṣṭyartham mārdavārthañ ca kuryād abhyañjanaṃ śubhaṃ |
lopākānūpajāmajjāvasātailaṃ navaṃ ghṛtaṃ |
                  
                   daśakṣīraṃ pacet samyagāvāpya madhuraṃgaṇaṃ |
apāmārgāśvagandhā ca tathā lākṣārasaṃ śubhaṃ |
                  
                   atha siddhañ ca pūtañ ca svanuguptan nidhāpayet |
tenābhyañjāt sadā pāliṃ susvinnām atimarditāṃ |
                  
                   etena pālyo vardhante nirujā nirupadravāḥ |
mṛdvyaḥ puṣṭāḥ samāḥ snigdhā jāyante bhūṣaṇakṣamāḥ ||
                  
                   nīlīpatraṃbhṛṅgarajorjunatvaktṛphalācūrṇṇaṃ
                  sāhacarañ ca puṣpaṃ |
                  
                   śyāmāpuṣpaṃ kṛṣṇapiṇḍītakañ ca sūfolio 121rkṣmañcūrṇṇaṃ sukṛtaṃ yāvadetat |
tāvān deyaḥ kardamaḥ paṅkaṣaṇḍāt | paktañcaitat sthāpayellohakumbhyāṃ |
                  
                   pacedetat tilatailena sārdhaṃ datvā kvāthaṃ triphalāmārkavābhyāṃ |
māsādūrdhvaṃ mrakṣaṇenaiva tailaṃ kuryādetat
                  palitaṃ snigdhanīlaṃ ||
                  
                   jamvūpuṣpakārśmarīpārthivañ ca sairīyakaṃ tri
dvauvarṣābhūśārivākaṇṭakāryau nīlāstilāsrotajañcotpalañ ca |
                  
                   āyaścūrṇṇañcūtapakvasya majjā yaṣṭyāhvāyaṃ mārkavo modayantī |
kāsīsamagryaṃ sasāraś cāsanasya varāhasāhvasya
                     phalañ ca pāṇḍūṃ |
                  
                   bhāgān etāṃ kārṣikāṃ pīṣayitvā sārodakenāsanasyaiva vidvān |
kalkānetāṃ saptasaptāḍhakeṣu
                  kṣārodakasyākṣatailasya bhāgaṃ |
                  
                   datvā samyagvipacellohapātre sthitaṃ pūrvaṃ
                  lohapātre daśāvahaṃ |
mṛdupākaṃ sādhitaṃ cāvatārya nyaset pātre bījake vāyase vā |
                  
                   naraḥ śuddho nasyam etat prayujyāt yathā vatsyāt saṃyato māsamekaṃ |
bhavec ca nityaṃ kṛsaropasevī bhuñjīta cānnaṃ
                  māṣayūṣeṇa cāpi |
māsādūrdhvaṃ tasya keśā bhavanti yāvajjīvaṃ mṛduvat
                  svañjanābhaṃ |
                  
                   bhavanty ete nendralupte ca keśāḥ | jarā cainaṃ sahasā nābhyapaiti |
valaṃ paraṃ cendriyāṇāṃ labheta sañjāyante
                  nirvalīkañ ca vaktraṃ |
                  
                   etat tailaṃ nāpriyāya pradeyaṃ rājñā deyaṃ kṛṣṇatailaṃ pradhāṇaṃ |
maniḥśilā haritālaṃ haridre lākṣārodhraṃ gairiko
                  varṇṇakaś ca |
                  
                   surāṣṭrajākuṣṭhamañjiṣṭhakalkāḥ sapattaṅgārocanā kuṅkumaś ca |
suvarṇṇāhvāpāṇḍupatraṃ vaṭasya kāleyakaṃ padmakaṃ
                  padmamadhyaṃ |
                  
                   kūcandanaṃ candanaṃ pāratañ ca kākolyādiḥkṣīrapiṣṭaś ca sarvaḥ

savasāmajjā madhūṃcchiṣṭaṃ ghṛtañ ca dugdhaṃ
                  kvāthaḥ kṣīriṇāñ ca drumāṇāṃ |
                  
                   etat sarvam pakvam ekadhyatas tu mukhābhyaṅge sarpir uktaṃ pradhānaṃ |
hanyād vyaṅgaṃ nīlikāṃ ca pravṛddhāṃ vaktrejātāḥ
                  piṭakāyāś ca kāścit |
                  
                   padmākāraṃ nirvalīkañ ca vaktraṃ kuryād etat pīnagaṇḍaṃ manojñaṃ |
rājñāmetad yoṣitān cāpi teṣāṃ kuryād vaidyas tat
                  samānāñ ca nityam 
iti || ci || ❈ ||

folio 121r IMG_0092athātaḥ kṣīṇavalīyaṃ vyājīkaraṇacikitsitaṃ vyā
                  vyākhyāsyāmaḥ ||
kalasyodagravayaso vyājīkaraṇasevinaḥ |
                  
                  folio 121vsarveṣv ṛtuṣv aharahaḥ vyavāyo na nivātaritaḥ |
strīṣv akṣaryyaṃ mṛgayatāṃ vṛddhānāñ ca rirāṃsatāṃ |
                  
                   klīvāṇām alpaśukrāṇāṃ strīṣu kṣīṇāś ca ye narāḥ ||
vilāsinām arthavatāṃ rūpayauvanaśālināṃ |
                  
                   nṛṇām vahvīpatīnāñ ca yogā vyajīkaro hitāḥ |
bhojanāni ca citrāṇi pānāni vividhāni ca |
                  
                   vācaḥ srotronugāminyas tvaksukhasparśanāni ca |
gandhān manojñaṃ rūpāṇi citrāṇy upavanāni ca |
                  
                   manasaś cāpratīvāto vyājīkurvanti mānavaṃ |
                  
                   tais tair bhāvair ahṛdyais tu riraṃsor manasi kṣate |
dhvajaḥ  pataty adho nṛṇāṃ klaivyaṃ samupajāyate |
                  
                   annair amlvauṣṇalavaṇair atimātropasevitaiḥ |
saumyadhātukṣayo dṛṣṭaḥ klaivyaṃ tad aparaṃ smṛtaṃ |
                  
                   ativyavāyaśīlo vā na ca vyājīkriyārataḥ |
dhvajabhaṅgam avāpnoti saśukrakṣayahetukaṃ |
                  
                   meḍhrarogeṇa mahatā marmcachedena vā punaḥ |
klivyaṃ  caturtham bhavati nṛṇāṃ puṃstvopaghātajaṃ
                  |
asādhyaṃ sahajaṃ klaivyaṃ marmacchedāc ca yad bhavet |
                  
                   sādhyānāṃm avaśiṣṭānāṃ kāryo vyājīkaro vidhiḥ |
tilamāṣavidārīṇāṃ śālīnāṃ cūrṇṇam eva ca |
rasair ikṣurasair vāpi marditaṃ saindhavānvita |
                  
                   varāhamedasā yuktaṃ ghṛtenotkārikāṃ pacet |
tāṃ bhakṣayitvā gaccheyuḥ puruṣaḥ ṣaṣṭhim aṅganāṃ
                  ||
                  
                   vastrāṇḍasiddhapayasi bhāvitā na sakṛttilāṃ |
śiśumāravasā pakvā tais tilaiḥ śaṣkulīśubhāṃ |
                  
                   yaḥ khādet sa pumāṃ gacchet strīṇāṃ śatam apūrvavat ||
pippalīlavaṇaupetau vastāṇḍau kṣīrasarpiṣi |
                  
                   sādhitau bhakṣayed yas tu sa gacchet pramadāśataṃ ||
māṣapippaliśālīnāṃ yavagodhūmayos tathā |
                  
                   cūrṇṇabhāgaiḥ samais tais tu ghṛte pūpalikāṃ pacet |
tāṃ bhakṣayitvā pītvā ca śarkarāmadhuram payaḥ |
                  
                   naraś caṭakavad gacched daśavārān nirantaraṃ ||
cūrṇṇaṃ vidāryāḥ sakṛtaṃ
                  svarasenaiva bhāvitaṃ |
                  
                   sarpiḥ kṣaudrayutaṃ līḍhvā daśanāryodhirohita ||
evam āmalakaṃ cūrṇṇaṃ svarasenaiva bhāvitaṃ |
                  
                   śarkarāmadhusarpirbhir yuktaṃ līḍhvā payaḥ pivet |
etenāśītivarṣo pi yuveva parihṛṣyati ||
                  
                   pippalīlavaṇaupetau vastāṇḍau ghṛtasādhitau |
śiśumārasya vā khādet tau tuvyājīkarau bhṛśaṃ ||
                  
                   kulīrakūrmanakrāṇām aṇḍāny evaṃ tu bhakṣayet |
mahiṣarṣabha

folio 125rna cātmānam ādarśe syu vā nirīkṣeta |
                  rūpaśālitvāt tato nyad daśarātraṃ krodhādīn parihared eṣa sarveṣām
                  upayogaḥ | viśeṣatas tu vallīpratānakṣupādayaḥ somā bhakṣayitavyāḥ | bhavanti
                     teṣāṃm avacaturtho muṣṭayaḥ |
aṅśumantaṃ sauvarṇṇo pātrebhiṣuśayāc candramasaṃ rājate | tāvupayojyāṣṭaguṇam
                  aiśvaryam avāpyaiśānaṃ devaṃ paśyati | śeṣāṃs tu tāmramaye mṛnmaye vā
                  śūdravarjyañ ca tribhir varṇṇaiḥ soma upayoktavyaḥ | tataś caturthe māsi
                  paurṇṇamāsyāṃ vrāhmaṇamarcayitvā kṛtamaṅgalā niḥkramya yatheṣṭaṃ
                  vrajediti ||

oṣadhīnāṃ patiṃ somam upayujyaivamakṣata |
                  

                   daśavarṣasahasrāṇi navān dhārayate tanuṃ |
nāgnir na tejaṃ na viṣaṃ na śastraṃ nāśastram eva
                  ca |
                  

                   tasyālamāyuḥ kṣapaṇe samarthāni bhavanti hi |
bhadrāṇāṃ ṣaṣṭivarṣāṇāṃ prasūtānāmanekadhā |
                  

                   kuñjarāṇāṃ sahasrasya valaṃ samadhigagacchati ||
kṣīrodaṃ śakrasadanaṃ uttarāṃś ca kurūnapi
                  

                   yatrecchati sa gantuṃ vai tatrāsyāpratighāsatiḥ |
kaṃdarpa iva rūpeṇa kantyā candra ivāparaḥ |
                  

                   prahlādayati bhūtānāṃ manāṃsi sa mahādyutiḥ |
sāṃgopāṃgāṃś ca nikhilāṃ vedāṃ viṃdati tatvataḥ |
                  

                   caraty amoghasaṅkalpo devavaccākhilaṃ jagat ||
sarveṣāmeva somānāṃ patrāṇi daśa pañca ca |
                  

                   tāni śukle ca kṛṣṇe ca jāyante ca patanti ca |
ekaikaṃ jāyate patraṃ somasyāharahas tathā |
                  

                   śuklasya pūrṇṇamāsyān tu bhavet pañcadaśacchadaḥ |
divase divase patramekaikaṃ śīryate punaḥ |
                  

                   kṛṣṇe kṛṣṇadvayaṃ cāpi latā bhavati kevalā ||
aṃśumānājyagandhas tu kandavān rajataprabhaḥ |
                  

                   kadalyākārakandas tu muñjavān laśunacchadaḥ |
candramā rajatābhāso jale carati
                  sarvadā |
                  

                   garuḍāhṛtanāmā ca śyenākhyau cāpi pāṇḍurau |
sarpanirmokasadṛśau tau vṛkṣā grāvalamvinau |
                  

                   athānye maṇḍalaiś citraiś citritā iva bhānti te |
kṣīrakandalatāvantaḥ patrair nānāvidhair vṛtā |
himavaty arvude sahye mahendre malaye tathā |
pāriyātre ca vindhye ca devasūte hṛde tathā |
                  

                   uttareṇa vitastāyāḥ prabhavasya mahīdharāḥ |

folio 125vpañca teṣāmato madhye sindhurnāma
                  mahāhradaḥ |
haṭhavat plavate tatra candramā somasattamaḥ |
                  

                   tasyoddeśeṣu cāpy asti muñjavān aṃśumān api |
kaśmīre ca saro yantu nāmnā kṣudrakamānasaṃ |
gāyatryaśtraiṣṭubhaś cāpi jāgrataḥ satkaras tathā |
                  

                   tatra santyapare cāpi somāḥ somasamaprabhāḥ ||
na tāṃ paśyanty adharmiṣṭhāḥ kṛtaghnāś cāpi ye narāḥ |
                  

                   bheṣajadveṣiṇaś cāpi vrāhmaṇadveṣiṇas tatheti ||
ci thaü❈

folio 125vathāto nivṛttasantāpīyaṃ rasāyanaṃ vyā
                  khyāsyāmaḥ ||
yathā nivṛttasantāpā modantedivi devatāḥ |
                  
                   tathauṣadhyastvimāḥ prāpya modante bhuvi mānavāḥ ||
atha khalu saptavidhāḥ puruṣā rasāyanaṃ nopayuñjīran
                  | tad yathā | anātmavānalaso daridraḥ pramādī vyasanī pāpiṣṭho
                  bheṣajāpamānī ceti || saptabhiḥ kāraṇair na saṃpadyante | tad yathā |
                     ajñānādarambhādasthiracittatvād
                  dāridrādanāyatanādāyāsādauṣadhālābhācceti ||
athauṣadhīn vakṣyāmaḥ | tatrājagarī svetakāpotī
                  gonasī kṛṣṇakāpotī vārāhī cchatrā ticchatrā kanyā
                  kareṇu ajā takrakādityaparṇṇinī vrahmasuvarcalā mahāsrāvaṇī golāmī
                  mahāvegavatī cetyaṣṭādaśa somasamavīryāmahauṣadhayo vyākhyāḥ || tatra
                  tāsāṃ somavat kriyāsīstutatayaḥ śāstrebhihitāḥ | tāsāmagārebhihitānāṃ
                  yāḥ kṣīravatyastāsāṃ kṣīrakuḍavaṃ
                  sakṛdevopuyañjīta | yāstvakṣīrāmūlavatyastāsāṃ pradeśinī pramāṇānī
                  trīṇi kāṇḍāni pramāṇam upayoge | svetakāpotī samūlavṛttā bhakṣayitavyā
                  | gonasyājagarī kṛṣṇakāpotīnāṃ sanakhaṃ muṣṭiṃ kāṇḍasaḥ kalpayitvā
                  kṣīreṇa visrāvya pratisāritamabhighāritamabhihutañ ca sakṛdevopayuñjīta
                  | tatastāsāṃ yānyāpayasā sakṛdeva vrahmasuvarcalā saptarātram
                  upayoktavyā | bhakṣakalpena | śeṣāṇāṃ pañca pañca palāni
                  kṣīrāḍhakakathitāni prasthevaśiṣṭe parisrāvya sakṛdevopayuñjīta |
                  somena cāhāravihārāḥ vyākhyātāḥ | kevalaṃ tu navanītamabhyaṃ gārthe |
                  śeṣaṃ somavadānirgamāditi ||
bha || yuvānaṃ sihaṃvikrāntaṃ sakṛcchrubhanigāditaṃ |
                  
                   kuryuretāḥ krameṇaivaṃ dvisahasrāyuṣaṃ naraṃ ||
aṅgadī kuṇḍalī maulī divyasrakcandanāmvaraḥfolio 126rraḥ
                  
                   caratyamoghasaṅkalpo nabhasyaṃrvudanirgame |
vrajanti pakṣiṇo yena jalalamvāś ca toyadāḥ |
                  
                   gatistvauṣadhasiddhasya somasiddhigatiḥ parāḥ || 
atha vakṣyāmi vijñānamauṣadhīnāṃ pṛthak pṛthak |
                  
                   maṇḍalaiḥ kapilaiścitrā sarpābhā pañcaparṇṇinī |
pañcārannipramāṇā ca vijñeyājagarīrvudhaiḥ ||
                  
                   niḥpatrāḥ kanakābhāśā mūlinyaṅguṣṭhasammitā |
sarpākārā lohitākṣī svetakāpotirucyate ||
                  
                   dviparṇṇinī mūlabhavāmaruṇāṃ kṛṣṇamaṇḍalā |
dvirannipramāṇāñjānīyād gonasīṃ gonasākṛtiṃ ||
                  
                   sakṣīrāṃ romasāṃ mṛdvī rasecekṣurasopamāṃ |
evaṃ rūparasāṃ cāpi kṛṣṇakāpotimādiśet ||
                  
                   kṛṣṇasarpasyarūpeṇa vārāhī kandasambhavā |
ekapatryā mahāvīryā bhinnāñjanasamaprabhā |
                  
                   cchatrāticchatrike vidyādrakṣoghnā kandasambhave ||
jarāmṛtyunivāriṇyau svetakāpotisaṃsthite |
                  
                   kāntair dvādaśabhiḥ patrai mayūravarahopamaiḥ |
kandajā kāñcanakṣīrī kanyā nāma mahauṣadhī |
                  
                   kareṇuḥ suvahukṣīrā kandena gajarūpiṇāṃ |
hastikarṇṇapalāśasyāt tūlyapatrādviparṇṇinī |
                  
                   ajānanābhakandā tu sakṣīrākṣuparūpiṇī |
ajā mahauṣadhī jñeyā śaṅkhakundendu pāṇḍurā |
                  
                   svetā vicitrakusumā kākādani samacchadāḥ 
takrakāmauṣadhīṃ vidyājjarāmṛtyuvināśanī |
                  
                   mūlinīṃ pañcabhiḥ patraiḥ suraktāṃśukakomalaiḥ |
ādityaparṇṇinī jñeyā sadādityānuvarttinī |
                  
                   kanakābhā jalān teṣu sarvataḥ parisarpati |
sakṣīrā padminīprakhyā devīvrahmasuvarcalā |
                  
                   rannipramāṇākṣupavat patrair dvyaṃgulasammitaiḥ
                  |
puṣpai nīlotpalākāraiḥ phalaiś cāñjanasaprabhai ||
                  
                   srāvaṇī mahatī jñeyā kanakābhā payasvinī |
srāvaṇīpāṇḍurā tu syāt mahāsrāvaṇilakṣaṇā |
                  
                   golomī cājalomī ca romaśe kandasambhave |
haṃsapādī ca vicchinnaiḥ patrair mūlasamudbhavaiḥ |
                  
                   athavā śaṃkhapuṣpāyāḥ samānāḥ sarvarūpataḥ |
vegena mahatāviṣṭā sarpanirmokasannibhā |
                  
                   eṣā vegavatī nāma jāyate hy amvudakṣaye |
saptādau sarparūpiṇyau yastvauṣadhyaḥ prakīrttitā |
                  
                   tāsāmuddharaṇaṃ kāryaṃ mantreṇānena sarvadā ||
mahendararāmakṛṣṇānāṃ vrāhmaṇānāṃ
                     gavām api |
                  
                   tapasā tejasā caiva praśāmyadhvaṃ śivāya vai ||
anena mantreṇa sarva bheṣajāni parijapefolio 126vditi |
                  
                   aśraddadhānairalasaiḥ kṛtaghnaiḥ pāpakartṛbhiḥ |
na śakyamāsādayituṃ somāḥ somāsamās tathā |
                  
                   pītāvaśeṣamamṛtaṃ devair vrahmapurogamaiḥ |
nihitaṃ somavīryāsu some cāpyauṣadhīpatī ||
                  
                   devasūtre hradavare tathā sindhu mahānade |
dṛśyate ca jalānteṣu devī vrahmasurvarcalā |
                  
                   ādityaparṇṇinī caiva tathaiva himasaṃkṣaye |
dṛśyatejagarī nityaṃ gonasī cāmvudāgameḥ |
                  
                   kaśmīre tu sadā yantramānasaṃ nāmaviśrutaṃ |
kareṇus tatra kanyā ca cchatrāticchatrike tathā |
                  
                   golomī cājalomī ca mahatī śrāvaṇī tathā |
hemante kṛṣṇasarpābhā vasante cātra dṛśyate |
                  
                   nadīṃ kauśikīm uttīrya saṃjayaṃtyās tu pūrvataḥ |
kṣitipradeśo valmīkair āvṛto yojanatrayaṃ ||
                  
                   vidheyā tatra kāpotī svetā valmīkamūdhasu |
malaye nalasetau ca vegavatyauṣadhī dhruvā |
                  
                   kārttikyāṃ paurṇṇamāsyāntu dṛśyate nātra saṃśayaḥ |
somavaccātra vartteta vidhirānirgamāditi ||
                  
                   sarvā vidheyāstvauṣadhyaḥ somaś cāpyarvude girau |
sa śṛṅgair devacaritair amvudānīkabhedibhiḥ |
                  
                   vyāptastīthaiś ca vikhyātaiḥ siddharṣisurasevitaiḥ |
guhābhir bhīmarūpābhiḥ siṃhonnāditanādibhiḥ |
                  
                  gajāloḍitatoyābhir āpagābhiḥ samantataḥ |
                  
                   vividhair dhātubhiś citrais sarvatraivopaśobhitaḥ |
nadīṣu śaileṣu sarassu cāpi puṇyeṣv araṇyeṣu tathāśrameṣu |
                  
                   sarvatra sarvāḥ parimārgitavyāḥ sarvatra bhūmir hi vasūn nidhatta iti
                  || cila 0 || ❈ ||

śukraṃ mukhaṃ śophamanāgatañ ca miśran
                        tathākṣīṇavalendriyañ ca |
                     
                      āvādhasarva pratiṣedhamedhā svabhāvantāpanivṛttakañ ca ||
cikitsiteṣu tṛtīyo daśaḥ || 0 ||

folio 126v IMG_0095athātaḥ snehopayogacikitsitaṃ vyā
                  khyāsyāmaḥ
               
dviyoniścaturvikalpobhihitaḥ snehaḥ snehaguṇāś ca |
                  tatra jaṅgamebhyo gavyaṃ snehaṃ pradhāṇatamaṃ sthāvarebhyas tilasneha
                  iti ||
ata ūrdhvaṃ yathāprayojanato yathāpradhānataś ca |
                  sthāvarasnehāṃ vakṣyāmaḥ | tatra
                     tilvakairaṇḍakuśāmradantīpalāśaśaṅkhinīviṣāṇigavākṣīkampilyakaśampākanīlinīsnehā virecayanti || jīmūtakakūṭafolio 127rjakṛtavedhanekṣvākumadanasnehā vāmayanti ||
                     viḍaṅgasthū lamañjarīmadhuśigrusūryavallīpīlusiddhārthakajyotiṣmatīsnehāḥ śiro virecayanti |
                     karañjapūtīkalavaṇamātuluṅgeṅgudīkirātatiktakasnehāḥ
                  duṣṭavraṇeṣūpayojyāḥ || turuvakakapitthabhallātakapaṭolasnehāḥ mahāvyādhiṣu || trapusatvārukerkāratumvurukaṣmāṇḍasnehāḥ mūtrasaṅgeṣu ||kapotavaṅkaharītakīsnehāḥ śarkarārśmariṣu ||
                  kusumbhasarṣapātasīpicumardātimuktakakāṇḍīrasnehāḥ prameheṣu ||
                  nāḍīkerapanasapiyālavilvamadhūka śleeṣmātakasnehāḥ pittasaṃsṛṣṭe vāyau || vibhītakapiṇḍītakabhallātakasnehāḥ kṛṣṇīkaraṇeṣu || śravaṇakaṃgukasnehāḥ
                  pāṇḍūkaraneṣu | saralāpītadāruśiṃśapāsanasārasnehāḥ
                  dardrukiṭibheṣu | sarva eva snehā vātam upahanti | tailaguṇāḥ samāsena
                  vyākhyātāḥ ||
ata ūrdhvaṃ kaṣāyapākakramam upadekṣyāmaḥ || tatra
                  kecidāhus tvak patrapuṣpaphalādīnāṃ bhāgastaccaturguṇamudakaṃ caturthāṃśāvaśeṣitaṃ kvāthyāvatārayed ityeṣa kaṣāyakalpaḥ | tat tu na samyak kasmād
                  āgamasiddhatvāt 
palakuḍavādīnāmityetaccopadekṣyāmaḥ | tatra
                  dvādaśadhānyamāṣā madhyamā suvarṇṇamāṣakaste śoḍaṣasuvarṇṇāḥ |
                  ataścordhvaṃ caturguṇamabhivardhayataḥ palakuḍavaprasthāḍhakadroṇā abhiniṣpadyante
                  | tulā punaḥ palaśataṃ tābhir viṃśatir bhāraḥ śuṣkāṇām ārdrāṇāṃ dravāṇāṃ ca
                  dviguṇam iti |
snehakukuḍavesāṇyakvāthyadravyadurvyaprastho vidheyas
                  taccaturguṇamudakaṃ caturthāṅgāvaśeṣitaṃ kvāthyāvatārayed ityeṣa
                  kaṣāyakalpaḥ | snehakuḍavesāṇya bheṣajapalaṃ kalkamiṣṭaṃ caturguṇañ ca kaṣāyamāvāpya vipacedityeṣa snehapākakalpa iti ||
bha || snehabheṣajatoyānāṃ mānaṃ yatra tu neritaṃ |
                  

                   tatrāyaṃ vidhirāstheyo nirdiṣṭe tadvadeva tu ||
anukte dravakārye tu sarvatra salilaṃ smṛtaṃ |
                  

                   kalkakvāthāvanirdeśe gaṇāt tasmāt samādhayet ||
ata ūrdhvaṃ snehapākakramam upadekṣyāmaḥ | sa tu
                  pākas tṛvidho mṛduścikkanaḥ kharacikkaṇa iti | snehauṣadhavivekamātraṃ yatra bheṣajaṃ sa mṛduḥ |
                  madhūcchiṣṭamivalepayati yatra bheṣajaṃ sa cikkaṇaḥ | folio 127vphenāni
                  mātra vailasya śeṣaṃ ghṛtavadādiśet kṛṣṇamavasannamīṣadviśadaṃ cikkaṇaṃ
                  ca yatra sa kharacikkaṇa iti || ata ūrdhvaṃ pradagdhasneha bhavati | taṃ punaḥ
                  sādhayet | tatra pānābhya vahārayor mmṛduḥ
                   nasyābhyañjanīyaścikkaṇaḥ | vastisnehāḥ kharacikkaṇa iti ||
śabdasyoparame prāpte phenasyoparame tathā ||
                  

                   gandhavarṇṇarasānāñ ca sampattau siddhamādiśet ||
ataḥ snehapānakramam upadekṣyāmaḥ | atha
                  laghukoṣṭhāyāturāya kṛtamaṃgalāyodayagiriśikharaprasthite prataptakanakapītalohite savitari yathāvalaṃ tailasya ghṛtasya vā mātraṃ prayacchet
                  |
kevalaṃ paittike sarpir vātike lavaṇānvitaṃ |
                  

                   deyaṃ vahukaphe tailaṃ savyoṣakṣārasaṃyutaṃ |
snehasātmyaḥ kleśasaho dṛḍhaḥ kāle ca śītale
                  

                   acchamevapivet sneham acchapānaṃ hi śobhaṇaṃ |
śīte kāle divāsnehamuṣṇe kāle pivenniśi |
                  

                   vātapittādhiko rātrau | vātaśleṣmādhiko divā |
vātapitthādhikasyoṣṇe mūrcchonmāda tṛṣāvahaḥ |
                  

                   śīte vātakaphārttasya gauravāruca śūlakṛt |
snehapītas tu tṛṣṇāyāṃ piveduṣṇodakannaraṃ |
                  

                   evañcānupaśāmyantī snehamuṣṇāmvunoddharet |
yā mātrā parijīryeta caturbhāgagate na hi
sā mātrā dīpayatyagnim alpadoṣe ca pūjitā |
                  

                   yā mātrā parijīryeta tatrārdhadivase gate 
sā vṛṣyāvṛṃhaṇīyā ca madhyadoṣe ca pūjitā |
                  

                   yā mātrā parijīryeta caturbhāgāvaśeṣite
snehanīyā ca sā mātrā vahudoṣe ca śasyate |
                  

                   yā snehamātrājīryeta jantoḥ pariṇatehani
glānimūrcchāmadāṃ hitvā sā mātrā snehanī matā |
                  

                   ahorātrādasaṃduṣṭā yā mātrā parijīryati
sā tu kuṣṭhaviṣonmādagrahāpasmāranāśanī |
                  

                   yathāgniṃ pratimāṃ mātrāṃ pāyayeta vicakṣaṇaḥ |
pīto hy ativahusneho janayet prāṇasaṃśayaṃ |
                  

                   mithyācārādvahutvād vā yasya sneho na jīryati |
viṣṭabhya vāpi jīryeta vāriṇauṣṇena vāmayet |
                  

                   tataḥ snehaṃ punardadyāllaghukoṣṭhāya dehine |
                  

                   jīrṇṇājīrṇṇaviśaṃkāyāṃ piveduṣṇodakaṃ naraḥ |
tenodgāro bhavet chuddho ruciś cānnaṃ bhavet prati |
pariṣicyādbhir uṣṇābhiḥ jīrṇṇasnehe tatonaraṃ |
                  

                   yavāgū pāyayed uṣṇāṃ suklinnāmalpataṇḍulāṃ |
deyau yuṣaraso syātām akṛfolio 128rtau saindhavānvitau |
                  

                   kṛtau cāpyalpasarpiṣkau vilepītā vidhīyate |
pived dvyahaṃ tryahaṃ vāpi pañcāhaṃ ṣaḍahāni vā |
                  

                   saptarātrāt paraṃ snehaḥ sātmībhāvāya kalpate |
snehadviṣaḥ kṛṣāṃ vṛddhāṃ sukumāraṃ śiśūnapi |
                  

                   tṛṣṇālūñcoṣṇakāle ca saha bhaktena pāyayet ||
pippalyo lavaṇaṃ snehāś catvāro dadhimas tu ca |
                  

                   pītamekadhyametat tu sadya snehanamucyate |
bhṛṣṭamāṃsarase snigdhā yavāgū
                  sūpalpitā |
                  

                   sakṣaudrāḥ pīyamānā tu sadyasnehanamucyate ||
śarkarāghṛtasaṃsṛṣṭe duhyād gāṃkalaśetha tat |
                  

                   pāyayed ṛkṣametad hi sadya snehanamucyate ||
yavakolakulatthānāṃ kvātho māgadhikā yutāḥ |
                  

                   payo dadhi surā ceti ghṛtamapyaṣṭamaṃ bhavet |
siddhametad ghṛtaṃ pītaṃ sadyasnehanamucyate ||
                  

                   nṛpāṇāṃ tat samānānāṃ deyametad ghṛtottamaṃ |
balahīneṣu vṛddheṣu mṛdvagnistrī mahātmani
                     |
                  

                   alpadoṣeṣu yojyā syu ye yogāḥ samyagīritāḥ ||
vivarjayet snehapānamajīrṇṇī taruṇajvarī |
                  

                   durvalārocakī sthūlo mūrcchārtto madapīḍitaḥ |
chardyābhibhūtastṛṣitaḥ śrāntaḥ pānaklamānvitaḥ |
                  

                   vastidatto viriktaś ca vānto yaś cāpi mānavaḥ |
akāle ca prasūtā strī snehapānaṃ vivarjayet |
snehapānād bhaved nṝṇāṃ nānāvidhā gadāḥ |
                  

                   gadā vā kṛcchratāṃ yānti na sidhyantyatra vā yataḥ ||
rūkṣaṃ purīśaṃ grathitaṃ bhuktaṃ
                  kṛcchreṇa pacyate |
durvarṇṇo durvalaś caiva rūkṣo bhavati mānavaḥ
                  ||
glāniḥ sadanamaṅgānām adhastāt snehadarśanaṃ |
                  

                   samyak snigdhasya liṅgāni snehodvegas tathaiva ca ||
bhaktadveṣo mukhāsrāvo gudadāha pravāhikā |
                  

                   purīśātipravṛttiś ca tadatisnigdhalakṣaṇaṃ ||
rūkṣasya snehanaṃ snehairatisnigdhasya rūkṣaṇaṃ |
                  

                   śyāmākakoradūṣānnatakrapiṇyākaśaktubhiḥ ||
dīptāntaragniḥ pariśuddhakoṣṭhaḥ
                  pratyagradhāturbalavarṇṇayuktaḥ |
                  

                   dṛḍhendriyo mandarajāḥ śatāyuḥ snehopasevī puruṣo bhaved hi |
sneho hito durvalavahnidehesandhukṣaṇe
                  vyādhinipīḍitasya |
                  

                   valānvito bhojanadoṣajātaiḥ pramardituṃ tau sahasā na śakyāviti ||
la la||❈||

folio dscn3271 fol 292athātaḥ svedāvacāraṇīyaṃ cikitsitaṃ vyā
                  khyāsyāmaḥ ||
tatra caturvidhaḥ svedā bhavati || tad yathā
                  tāpasvedo bāṣpasvedaḥ |folio 128vupanāhasvedo dravasvedaś ceti | tatra
                  svedavikalpāvarodhaḥ |
tatra tāpasvedo nāmapālikāṃ
                  sakandaphalavāṃlikāvastraiḥ prayujyate śayānasya bāṣpatāpoṅgāraiḥ ||
bāṣpasvedas tu kapālapāṣāṇoṣṭakalohapiṇḍān
                  agnivarṇān adbhir āsicyatairārdravastrapariveṣṭitaiḥ | svedayed aṅgapradeśā evaṃ māṃsarasapayodadhisnehadhānyāmvlavātaharapatrabhaṃgakvāthapūrṇṇam
                  vā kumbhīm abhiprataptāṃ prāvṛtyoṣmāṇaṃ gṛhṇīyāt | pārśvacchidreṇa vā
                  kumbhena tasyāḥ kumbhyāmukhena mukhamabhis andhāya tasminañchidrehastiśuṇḍākāraṃ nāḍīṃ praṇidhāya śayānaṃ svedayet
sukhopaviṣṭaṃ svabhyaktaṃ prāvṛtam vā || bha ||
                  

                   hastiśuṇḍikayā nāḍyā svedayed vātarogiṇaṃ |
                  

                   sukhaṃ sarvānugā hyeṣā na ca saṃkleṣayen naraṃ ||
vyāmārdhamātratrivakrahastihastasamākṛtiḥ |
                  

                   svedanārthe hitā nāḍī kailiñjī hastiśuṇḍikā ||
puruṣāyāmamātram vā bhūmim utkīrya khādiraiḥ 
 kāṣṭair avadāhyābhyukṣya vātahara
patrabhaṅgairavacchādya śayānaṃ
                  svedayet |
                  

                   śilātalamavadāhyāpohya bhasmaṃ ca pūrvavat |
kuṭīmvā caturdvārāṃ kṛtvā tasyām upaviṣṭasyāntaś
                     caturvāṃgārān anuparidhāya svedayet |
kāśadhānyāni vā samyagusvedyāstīrya kiliñjenyasmiṃ
                  vā tatpratirūpake śayānaṃ svedayed evaṃ pāṃśu gośakṛttuṣapa lāloṣmabhiḥ
                  svedayed iti ||
upanāhasvedas tu vātaharadravyakalkair amvlapiṣṭair lavaṇapragāḍhaiḥ susnigdhaiḥ sukhoṣṇaiś ca pradihya svedayed evaṃ
                  kākolyādirelāsu rasādim āhṛtya tilātasīsarṣapakalkair vā
                  kṛsaraveśavārapāyasotkārikābhir vā etābhir eva vāyo dūlikāṃ vadhvā svedayet ||
dravasvedas tu vātaharadravyakvāthapūrṇṇakoṣṭakaṭāhe droṇyām
                  vāvagāhya svedayet | evaṃ
                  payomāṃsarasayūṣatailaghṛtadhānyāmvlamūtreṣvetair eva sukhoṣṇaiḥ pariṣiñcediti
                  ||
tatra tāpoṣmāsvede viśeṣataḥ śleṣmaghnau |
                  upanāhasvedo vātaghnaḥ | anyatarasmiṃ pittasaṃsṛṣṭadravasveda iti
                  ||
caturvidho yobhihito dvādhā svedaḥ prayujyate |
                  

                   svasminneva dehe tu dehasyāvayave tathā |
yeṣān nasyaṃ vidhātavyaṃ bastiś cāpi hi dehināṃ |
                  

                   śodhanīyāś ca ye kecit pūrvaṃ svedyās tu me matāḥ ||
paś cāt svedyāhṛte śalye mūḍhagarbhānupadravā |
                  

                   samyak prajātā kāle ca folio 129rpaś cāt svedyaiva jānatāṃ ||
pūrvāṃ svedyā paś cāc ca bhagandaryarśaśas tathā |
                  

                   aśmaryāṃ cāturo jantu śeṣāñcāstre pravakṣyate ||
nānabhyakte nāpi cā snigdhadehe yojyaḥ svedyaḥ svedavidbhiḥ
                  kathañcit |
                  

                   dṛṣṭaṃ loke kāṣṭham asnigdhamāśur yāyāt bhaṅgaṃ svedayogair gṛhītaṃ
                  ||
svedaklinnā dhātusaṃsthā tu doṣāḥ svasthānasthā ye
                  ca mārgeṣu līnāḥ |
                  

                   samyak svedair yojitais te dravatvaṃ prāptāḥ koṣṭhaṃ śodhanair
                  yātyaśeṣāḥ ||
agne dīptin mārdavaṃ tvakprasādaṃ bhaktaśraddhāṃ srotasāṃ
                  nirmalatvaṃ |
                  

                   kuryāt svedas tandrīnidre ca hanyāt | sandhīm katvāṃśceṣṭayed
                  āśuyuktaḥ |
svedāsrāvo vyādhihānirlaghutvaṃ śītārthitvaṃ mārdavaṃ cāturasya |
                  

                   samyaksvinne lakṣaṇaṃ prāhuretat | mithyāsvinne viparītaṃ tad eva ||
sphoṭotpattiḥ pittaraktaprakopo madāmūrcchābhramadāho klamaś
                  ca |
                  

                   atisvinne sandhipīḍā ca tṛṭca śītā kriyās tatra kuryād vidhijñaḥ
                  ||
pāṇḍumehī raktapittī tṛṣārttaḥ kṣutakṣīṇo durvalo
                  jīrṇṇabhaktaḥ ||
                  

                   dakodarīgarbhiṇī pānapañca naite svedyā yaścamartyotisārī |
                  

                   svedād eṣā yāṃti dehāvināśaṃ asādhyatvaṃ yānti caiṣāṃ vikārāḥ |
                  

                   svedaiḥ sādhyo durvalojīrṇṇabhaktā yadi syātāṃ svedanīyau tatastau |
sarvasvedāṃ nivāte tu jīrṇṇānne cāvacārayet |
                  

                   snehābhyaktaśarīrasya śītairācchādya cakṣuṣī |
atisvinnamathāsvābhya
                  śītāṃbutrāsanaṃ hitaṃ |
                  

                   snānam uṣṇāmbunā caiva nivatañcālayayet |
bhojayec cānabhiṣyandi sarvaṃ vācāramādiśediti ||
ci>||❈||

folio dscn3271 fol 292athāto vamanavirecanasādhyopakramacikitsitaṃ
                     vyā
                  khyāsyāmaḥ
               
doṣāḥ kṣīṇā bṛṃhayitavyāḥ calitāḥ praśamayitavyāḥ pravṛddhānirhattavyāḥ svasthānasthārakṣyā iti siddhāntaḥ ||
prādhānyena vamanavirecanenirharaṇe varttate |
                  tasmāt tayor vidhānam ucyamānam upadhārayasva |
tad yathāturaṃ snigdhasvinnamanabhiṣyandibhir āhārairanavabaddhadoṣamālocya svo vamanaṃ pāyayitāsmīti saṃbhojayet | saṃbhojyas tu tīkṣṇāgnir balavān bahudoṣo mahāvyādhiparigṛhīto
                  vamanasātmyaś ca ||
peśalair vividhairannair doṣamutkliśya dehinaḥ |
                  

                   snigdhasvinnāya vamanaṃ dattaṃ samyafolio 129vk pravarttate |
athāparedyuḥ pūrvāhṇe sādhāraṇe kāle
                  vamanadravyakaṣāyakalkacūrṇṇasnehanānyatamasya mātrāṃ pāyayitvā vāmayet |
                     asātmyabībhatsadudarśanadurgandhāni vāmanīyāni vidadhyād ato
                  viparītāni || tatra sukumārāṃ kṛśaṃ bālaṃ vṛddhāṃ bhīrum vā
                  vamanasādhyavikāreṣu kṣīradadhitakrayavāgūnāmanyatamamākaṇṭhaṃ
                  pāyayitvā vāmayet | pītauṣadhañcapāṇibhir agnitaptair upaspṛśyamānaṃ muhūrttam
                  upekṣeta | tatra pravṛttahṛllāsaṃ jñātvā jānumātrāsanopaviṣṭam anyena
                  hṛtpṛṣṭhayoḥ pāṇibhyāṃ uparigṛhītam
                  aṅguligandharvahastapatravṛttotpalanālānām anyatamena kaṇṭhamanabhis pṛśan vāmayet yāvat samyag vāntalakṣaṇāni bhavanti ||
kaphaprasekaṃ hṛdayāviśuddhiṃ kaṇḍūñ ca duścharditaliṅgam āhuḥ
                  |
                  

                   pittātiyogañ ca visaṅjñatāñ ca hṛtkaṇṭhapīḍām api cātivānte |
pitte kaphasyāndramukhaṃ pravṛtte śuddheṣu hṛtkaṇṭhaśirassu cāpi |
                  

                   laghau ca dehe kaphasaṃsrave ca sthite suvāntaṃsuvātaṃ puruṣaṃ
                     vyavavasyet |
samyagvāntaṃ cainam abhis amīkṣya
                  snaihikavairecanikopaśamanīyānāṃ dhūmānām anyataṃ sāmarthyataḥ pāyayitvā cārikam upadiśet ||
tato parāhṇe suvibhaktadeham uṣṇābhir ahniḥ pariṣiktagātraṃ
                     |
                  

                   kulattham udgaḍhakijāṅgalānāṃ yuṣai rasair vāpy upabhojayīta |
kaphaprasekaḥ svarabhedatandrā
                  nidrāsyadaurgandhyaviṣopasargāḥ |
                  

                   gurutvakaṇḍūgrahaṇīpradoṣā na santijantorvamataḥ kadācit |
chinne tarau puṣpaphalaprarohā yathāvināśaṃ sahasā
                  vrajanti |
                  

                   tathāhṛte śleṣmaṇi ccharddanena tajjā vikārā vilayaṃ vrajanti ||
na vāmayet taimirikannagulminaṃ na caivapāṇḍūdararogapīḍitaṃ |
                  

                   sthūlakṣatakṣīṇakṛśātivṛddhā narśorditā kṣepakapīḍitāṃś ca |
rūkṣaṃ pramehe taraṇe ca garbhe gacchatyadhordhvaṃ
                  rudhire ca tīvre |
                  

                   tuṣṭe ca koṣṭhe krimibhir manuṣyaṃ na vāmayed varcasi cātivṛddhe ||
ete py ajīrṇṇavyathitā vāmyā ye ca viṣāturāḥ |
                  

                   atīvacolbaṇakaphās te ca syurmadhukāmbunā ||
virecanam api snigdhasvinnāya ca deyaṃ | avāntasya hi
                  samyagviriktasyāpi satovasrastaḥ śleṣmāgra haṇīñ chādayati | gauravam
                  āpādayati folio 130rpravāhikām vā kurute | tasmāt snigdhasvinnāya vāntāya ca
                  deyam |
athāturaṃ svo virecanaṃ pāyayitāsmīti pūrvāhṇe laghubhojayet | phalāmvlamuṣṇodakaścainamanupāyayet | athāparehani vigataśleṣmadhātāvāt uropakramaṇīyād apekṣyāturam athāsmai virecanaṃ mātrāṃ prayacchet |
tatra mṛduḥ krūro madhya iti trividhaḥ koṣṭho bhavati | tatra
                  bahupitto mṛduḥ sa dugdhenā viricyate | bahuvātaśleṣmā krūro
                  durvirecyaḥ | sagadoṣo madhyaḥ sādhāraṇa iti | tatra mṛdau mṛdvī mātrā
                  | tīkṣṇakrūre | madhye madhyā karttavyeti | pītauṣadhaś ca tanmanāḥ
                  śayyābhyāse viricyeta | na prāptavegaṃ vidhārayet | na cāprāptaṃ prāṇenākāṃkṣeta
                  |
yathā ca vamane krameṇa prasekauṣadhaḥ
                  pittānilāgacchanty evaṃ virecane vātamūtrapurīṣapittakaphā iti ||
bha ||hṛtkukṣyaśuddhiḥ paridāhakaṇḍūviṇmūtrasaṃgaś
                  ca na sadvirikte |
                  

                   mūrcchāgudabhraṃśakaphātiyogāḥ śūlodgamāś cātiviriktaliṅgaṃ ||
gateṣu doṣeṣu kaphāntakeṣu glānyelaghutve manasaś ca tuṣṭau |
                  

                   gatenile cāpy anulomabhāvaṃ samyagviriktaṃ puruṣaṃ vyavasyet |
mandāgnimakṣīṇamasadviriktaṃ na pāyayet tad divasaṃ
                  yavāgūṃ |
                  

                   kṣīṇaṃ tṛṣārttaṃ suvirecitaś ca tanvī sukhoṣṇaṃ laghu pāyayīta | 
buddheḥ prasādaṃ balamindriyāṇāṃ dhātusthiratvaṃ jvalanābhivṛddhiṃ
                  

                   cirāc ca pākaṃ vayasaḥ karoti virecanaṃ samyagupāsyamānaṃ |
yathodakānāṃ tu vijaṅgamānāṃ rodhevadīrṇṇe dhruva eva nāśaḥ |
                  

                   pitte hṛtendhevam upadravāṇāṃ pittātmikākānāṃ vihito vināśaḥ ||
kṣīṇāḥkṛśārūkṣitabālavṛddhādīnotha śoṣī
                  bhayaśokataptaḥ |
                  

                   śāntas tṛṣārtto parijīrṇṇabhakto garbhiṇyadho gacchati yasya cāsṛk
                  |
navapratiśyāyaparītadeho navajvarīyā ca navaprasūtā |
                  

                   kaṣāyanityā na virecanīyā snehādibhir ye tvanupaskṛtāś ca |
atyarthapittābhiparītadehāṃ virecayet tān api
                  mandamandaṃ |
                  

                   virecanair yāṃti narā vināśam ajñaprayuktair avirecanīyā ||
saratvasaukṣmyataikṣṇyoṣṇe vikāśitvād virecanaṃ |
                  

                   vamanaṃ tu hareddoṣāṃ samyaguktaṃ vṛthānyathā | 

yātyadharddoṣafolio 130vmādāya pyamānaṃ virecanaṃ |
                  

                   guṇodrekād vrajedūrdhvam apakvaṃ vamanaṃ punaḥ |
mṛdukoṣṭhasya dīptāgner dattaṃ tīkṣṇaṃ virecanaṃ |
                  

                   na samyag nirhared doṣān ativegapradhāvitaṃ |
prātar yad auṣadhaṃ pītaṃ bhaktapākasame
                     kṣaṇe |
                  

                   paktaṃ gacchati doṣāṃs tu nirharen niravaśeṣataḥ ||
durvalasya calāṃ doṣān alpān alpān
                     punaḥ punaḥ |
                  

                   haret prabhūtānalpāṃs tu samayet pracyutānatha |
hareddoṣāṃ calān pakvaṃ balino durbalasya vā |
                  

                   calā hy upekṣitā doṣāḥ kleśayeyuś ciran naraṃ |
mandāgniṃ krūrakoṣṭhañ ca sakṣāralavaṇairghṛtaiḥ |
                  

                   sandhukṣitāgni snigdhañ ca svinnañcaiva viśodhayet |
snigdhasvinnasya bhaiṣajyair doṣas tu kleśito bhavet |
                  

                   na cālīyeta mārgeṣu snigdhe bhāṇḍa ivodakaṃ |
na cātisnigdhakāyāya dadyāt snerhavirecanaṃ |
                  

                   doṣāḥ pracyāvitā bhūyo līyante tena vartmasu |
virūkṣya snehasātmyantu bhūyaḥ saṃsnehya recayet |
                  

                   tena doṣā hṛtāstasya bhavanti snehabandhanāḥ |
prāgadhītauṣadhaṃ śodhya pāyayet mṛduśodhaṇaṃ |
                  

                   tato vijñātakoṣṭhasya kāryaṃ saṃśodhaṇaṃ punaḥ |
sukhaṃ dṛḍhaphalaṃ hṛdyam alpamātraṃ mahāguṇaṃ |
                  

                   vyāpat svalpātyayañ cāpi piben nṛpatirauṣadhaṃ ||
snehasvedāvakṛtvāgre yas tu saṃśodhanaṃ pibet |
                  

                   dāru śuṣkamivānāme dehastasya viśīryate ||
snehasvedapracalito rasaiḥ snigdhair
                  udīritā |
                  

                   doṣāḥ koṣṭhagatā jantoḥ sukhaṃ hartuṃ virecanair iti ||
cila3 || ❈ ||

folio 130vathāto vamanavirekavyāpaccikitsitaṃ vyā
                  khyāsyāmaḥ
               
vaidyāturanimittaṃ vamanaṃ virecanañ ca | pañcadaśadhā
                  vyāpadyate || tatra vamanasyādho gacchaty ūrdhvaṃ virecanasya |
                  sāmānyam ubhayoḥ sāvaśeṣauṣadhatvam alpadoṣahṛtatvaṃ jīrṇṇauṣadham
                  vātaśūlam ayogātiyogau jīvādānam ādhmānaṃ parikarttaḥ parisrāvaḥ pravāhikā hṛdayasaraṇaṃ vibandha iti | 
tatra ca bubhukṣā pīḍitasya tīkṣṇāgner mṛdukoṣṭhasya
                  vāvatiṣṭhamānaṃ durvāntasya vā guṇasāmānyād vamanam adho gacchati |
                  tatreptisān avāptir doṣo kleśaś ca tam āśu snehayitvā bhūyastīkṣatarair
                  vāmayed iti |
apariśuddhāmāśayasyotkliṣṭaśleṣmaṇaḥ sāvaśeṣān nasya vā'hṛdyaṃ
                     bahudhāvacāritaṃ vā virecanam ūrdhvam tiṣṭhati tatrepsitān
                  avāptibāstir doṣotkleśatamulbaṇaśleṣmāṇam āśufolio 131rvāmayitvā bhūyas
                  tīkṣṇatarair virecayed iti | āmāśaye tvāmavat samvidhāṇaṃ | ahṛdyetiprabhūte ca hṛdyaṃ pramāṇayuktaṃ ca tathā tathāpyuttiṣṭhati tṛtīyanna pāyayed
                  ataścainaṃ madhughṛtaphāṇitayuktair lehayitvā virecayed iti |
doṣavigrathitamalpamauṣadham avasthitamūrdhvabhāgikam
                  adhobhāgikam vā na sraṃsayati doṣāṃ | tatra
                  tuṣṇāpārśvaśūlaṃśchardirmūrcchāparvabhedo hṛllāso rucirudgarāviśuddhiś
                  ca bhavati | tam uṣṇābhir adbhir āśu vāmayet | ūrdhvabhāgikam adhobhāgikam vā
                  sāvaśeṣauṣadham apradhāvitadoṣam atibalam asamyagviriktalakṣaṇam
                  upayuktam alpam apy evaṃ vāmayed iti ||
krūrakoṣṭhasyātitīkṣṇāgneralpam apyauṣadham
                  alpaguṇam vā bhaktavat pākam upaiti | tatra samudīrṇṇadoṣāḥ yathākālam
                  anirhriyamāṇā vibhramaṃ kurvanti | tam analpam amandañ cauṣadhaṃ pāyayet |
snigdhasvinnenālpam alpaguṇam vā bheṣajam upayuktam
                  alpān doṣān harati | taddoṣaśeṣaṃ vamanagauravam upakleśaṃ
                  hṛdayāviśuddhiṃ vyādhivivṛddhiñ ca karoti | tatra yathāyogaṃ pāyayitvā vāmayet
                     | dṛḍhataraṃ | virecanadoṣaśeṣaṃ gudaparikarttam ādhmānaṃ gauravam
                  anisaraṇam vāyor vyādhivivṛddhiñ ca karoti |tam upapādya
                  snehasvedābhyāṃ bhūyo virecayed dṛḍhataraṃ | dṛḍhaṃ pracalita doṣam vā tṛtīye divasa iti ||
asnigdhasvinnena rūkṣamauṣadham upayuktamabrahmacāriṇā vā
                     vāyuṃ kopayati | tatra vāyuḥ prakupitaḥ pārśvapṛṣṭhaśoṇitamanyāmarma
                  muśulaṃ mūrcchāṃ bhramaṃ saṃjñānāśañ ca karoti ||tadvātaśūlam ity
                  ācakṣate | tamabhyajya dhānyasvedena svedayitvā yaṣṭīmadhukasiddhena
                  tailenānu vāmayed iti ||
snehasvādābhyām avibhāvita śarīreṇauṣadham alpaguṇaṃvā pītaṃ ūrdhvamadho vā nābhyeti doṣāṃś cotkleśya taiḥ saha balakṣayam āpādayati
                  | tatrādhmānaṃ hṛdayagrahas tṛṣṇāmūrcchādāhaś ca bhavati | tam ayogim
                  ity ācakṣate | tam āśu vāmayed virecayed vā dufolio 131vrvāntasya tu
                  samutkliśṭā doṣāḥ vyāpya śarīraṃ kaṇḍūśvayathukoṭhapiṭakajvarāṅgasādanāni kurvanti tatas tān aśeṣāṃ sahauṣadhenāpaharet | durviriktasya tu
                  stabdhapūrṇodaratā bastiśūlo meḍhratodo vātamūtrapurīśasaṃgaśaḥ
                  kaṇḍūrmaṇḍalaprādurbhāvaś ca bhavati | tamāsthāpya punaḥ snehayitvā
                  virecayet tīkṣṇeneti | nātipravarttamāne tiṣṭhati vā duṣṭasaṃśodhane
                  tat saṃtejanārtham uṣṇodakaṃ pāyayet | pāṇitāpaiś ca pārśvodaram upasvedayet tataḥ
                  pravarttaṃte doṣāḥ | anuvṛpravṛttelpe doṣe jīrṇṇe cauṣadhai
                  bahudeṣamantaḥ śeṣaṃ balaṃ cāvekṣya bhūyo mātrāṃ vidadhyād
                  apravṛttabheṣajam vā daśarātrād ūrdhvam upasthitadehaṃ bhūyaḥ śodhayed durviriktamāsthāpya punaḥ snehayitvā virecayet | hrībhayalobhaiś ca
                  vegāghātaśīlāḥ prāyataḥ striyo rājasamīpasthā vaṇijaḥ śrotriyāś ca
                  bhavanti | tasmād ete durvirecyāḥ | bahuvātatvāt | ataścaināṃ
                  susvinnasnigdhāṃ virecayed iti |
snigdhasvinnasyātimātramatimṛdukoṣṭhasyātitīkṣṇam
                  adhikaṃ vā bheṣajhamatiyogaṃ kuryāt | tatra vamanātiyoge pittātipravṛttir
                  balavisraṃso vātakopobalavāṃś ca bhavati | tamabhyajyāvagāhya ca śītā
                  svapsu śītaiḥ śarkarāmiśrair lehair upacarediti | virecanātiyoge
                  kaphātipravṛttiruttarakālañ ca saraktasya tatrāpi balavisraṃsā vātakopo balavāṃś ca bhavati | tamabhyajya śītābhir adbhiḥ
                  pariśicyāvagāhya śītais taṇḍulāmbubhir madhumiśrair vāmayet |
                  picchābastiñcāsmai dadyāt | kṣīrarasayoścainam anyatamena bhojayet kṣīrasarpiṣā cainam anuvāsayet | priyaṃgvādiṃ cāsmai taṇḍulāmbunāṃ pātuṃ prayacchet |
tasmin eva ca vamanātiyoge tipravṛtte śoṇitaṃ kṣīvati
                  cchardayati vā raktaṃ tatra jihvāniḥsaraṇamavasarpaṇañcākṣṇor
                  vyāvṛrttihanusaṃhananaṃ tṛṣṇā hikkāṅgarau visaṃjñatvam ity upadravā folio 132rbhavanti | tamativisrutaśoṇitavidhāṇenopacaret | jihvāṃ
                  niḥsarpitāṃ trikaṭukavalavaṇacūrṇṇa praghṛṣṭāmantaḥ pīḍayet
                     praviṣṭāyām anyemvlasya purastāt khādeyuḥ | vyāvṛtte cākṣiṇī
                  ghṛtābhyaktai pīḍayet | hanusaṃhanane vātaśleṣmaharaṃ nasyaṃ svedañ ca
                  vidadhyāt | tṛṣṇādiṣu ca yathāsvaṃ pratikurvīta | visaṃjñaṃ vā
                  veṇuvīṇāgītasvenaṃ srāvayed iti |
virecanātiyoge sacandrakaṃ salilam adhaḥ sravati tato māṃsadhāvanaprakāśamuttarakālaṃ jīvaśoṇitañ ca | tatra gudaniḥsaraṇaṃ vepathur
                     vama nātiyogopadravāś ca bhavanti | tamatisrutavidhānenaivopacaret | niḥsarpitaṃ gudamabhyajya
                  parisvedyāntaḥ pīḍayet | kṣudrarogacikitsite gudasraṃsacikitsitañcāvekṣyeta |
                  vepathau vātavyādhipānaṃ kurvīta | jihvā niḥsarpaṇādiṣūktaḥ pratīkāraḥ
                  | atipravṛtte vā
                  nyagrodhādikaṣāyakṣīrekṣurasaghṛtaśoṇitasaṃsṛṣṭaiścainaṃ bastirupācaret
                  | śoṇitaniḥṣṭhīvane raktātisāraraktapittakriyāś cāsya vidadhyāt nyagrodhādiṃ cāsya
                     pānabhojaneṣūpayuñjīta |
jīvaśoṇitaraktapittayor jijñāsārthaṃ picu plotam vātra
                  prakṣipet taduṣṇodakaprakṣālitam avarajyeta tajjīvaśoṇitam
                  ityavagantavyam amṛgbhoktuṃ vā śune dadyāt sa yadyupayuñjyāt
                  tajjīvaśoṇitam ityavagantavyam iti || tayoś ca raktapittātīsārakriyāṃ vidadhīta |
sa śeṣānnānilaprāyakoṣṭhenāsnigdhena vā pītamauṣadham
                  ādhmāpayati | tatrānilamūtrapurīśasaṃgaḥ |
                  samunnaddhodaratāhṛdayapārśvabhaṅgo gudabasti tudanañ ca bhavati |
                  tamādhmānam ity ācakṣate | tam upasvedyānāha varttidīpabastikriyābhir yojyā iti
                     |
kṣāmeṇātimṛdukoṣṭhena tīkṣṇam atyuṣṇam atilavaṇam atirūkṣam vā
                  bheṣajam upayuktaṃ pittānilau pradūṣya nātibastigudaparikarttanam
                  āpādayati tāṃ parikarttiketyācakṣate | taṃ
                  yaṣṭīmadhukakṛṣṇatilamadhughṛtayuktaiḥ picchābastibhir āsthāpayet |
                  śītāṃbupariṣiktaṃ cainaṃ payasā bhuktavantaṃ ghṛtam aṇḍena
                  yaṣṭīmadhukasiddhena vā tailenānuvāsayed iti |
krūrakofolio 132vṣṭhasyātiprabhūtadoṣasya vā
                  mṛdvalpamauṣadhamavacāritaṃ samutkleṣya doṣāṃ na niḥśeṣān apaharati |
                  pākañcaupaiti | tatra daurbalyodaraviṣṭambhārucir gātrasadanāni bhavanti | sa
                  vedanau cāsya pittaśleṣmāṇau sravataḥ taṃ parisrāvam ity ācakṣate |
                     tamajakarṇṇadhavatiniśapalāśakaṣāyai r madhuktairāsthāpayet |
                  upaśāntadoṣaṃ bhūyaḥ saṃśodhayed
atirūkṣetisnigdhe vā bheṣajam avacāritam aprāptaṃ
                  parīṣam udīrayato vegavighātena pravāhikā bhavati | tatra sadāhaśūlaṃ śvetaṃ kṛ ṣṇaṃ raktaṃ vā bhṛśāṃ pravāhamāṇaḥ kapham upaviśati | taṃ
                  pratisrāvavidhānenopacared
yastūrdhvam adho vā bheṣajaṃ vegapravṛttamajñānād
                  vinihanti tasyopasaraṇaṃ hṛdi kurvanti doṣas tatra
                  pradhāṇamarmasantāpād vedanābhir atyarthaṃ pīḍyamādantāṃ kaṭakaṭāyatyudvṛttākṣo jihvāṃ khādati pratāmyamānacetā ca
                  bhavati tamabhyajya dhānyasvedena svedayitvā tīkṣṇena śirovirecanenopacared yaṣṭīmadhukamiśreṇa cainaṃ tāṇḍulāṃbanā vāmayed yathā doṣaguṇocchrayaṃ
                     cainaṃ bastibhir upācared iti |
yas tūrdhvam adho vā pravṛttadoṣaḥ śītāgāramudakamanilam anyad
                  vā seveta tasya doṣāḥ  srotaḥsv avalīyamānā ghanībhāvam āpannā
                  vātamūtrapurīśa graham āpādya vibadhyante |tasyāṭopo jvaro dāho vedanā
                  ca tīvrā bhavati | tamāśu vāmayitvā prāptakālāṃ kriyāṃ yojayed iti ||
                  adho bhāge tv adhobhāgaharadravye saindhavāmvlalavaṇamūtrasaṃsṛṣṭaṃ pāyayed
                  āsthāpanam anuvāsanañ ca yathādoṣaṃ vidadhyād yathādoṣam āhārakramaś ca
                  | ūrdhvabhāge tūpadravaviśeṣād yathāsvaṃ pratikurvīta |
yā tūvirecane gudaparikīrttitā tadvamāne kañcakaṣaṇaṃ yadadhaḥ parisravaṇaṃ sa ūrdhva kaphaprasekaḥ | yā tvadhaḥ pravāhikām
                  urdhvaṃ śuṣkodgāra iti ||
bhavati cātra || yās tv etāḥ vyāpadaḥ proktā daśapañca ca
                  tatvataḥ |
                  

                   etā virekātiyogā duryogā yogajāḥ smṛtāḥ ||
ci la ❈ ||

folio 132v IMG_0103.jpgathāto netrabastipramāṇavibhāgacikitsitaṃ vyā
                  khyāsyāmaḥ ||
atra snehādīnāṃ karmaṇāṃ bastikarmapradhāṇatamam
                  ācakṣate kasmād anekakarmaprakāratvāt | bastirihakhalu nānāvidha dravyasaṃyogād
                     doṣāṇāṃ saṃśodhaṇa saṃśamanasaṃgrahaṇāni karoti | kṣīṇaṃ vyājīkaroti
                  | kṛśam bṛṃhafolio 133ryati | sthūlaṃ karmayati | cakṣuḥ prīṇayati |
                     balīpalitam upahanti | vayaḥ sthāpayati iti |
śarīropacayaṃ varṇṇapalamārogyamāyuṣaḥ
                  

                   parivṛddhiś ca karoti basti samyag upāsitaḥ |
tathā jvarātīsāratimirapratiśyāyaśirorogādhimanthārditā kṣepakāghātaikāṃga
                     sarvāṅgarogādhmānodaraśūlavṛddhyupa
                     damśānāhamūtrakṛcchragulmavātaśoṇitavātamūtrapurīśasaṃgaśukrodāvarttaśukrārttabastanyanāśahṛddhanumanyāgrahaśarkarārśmarīmūḍhagarbhaprabhṛtiṣu ca vikāreṣv
                  atyartham upayujyata iti ||
bastirvāte ca pitte ca kaphe rakte ca pūjyate |
                  

                   saṃsarge sannipāte ca bastireva sadā hitaḥ ||
tatra samvatsarikāṣṭadviraṣṭavarṣāṇāṃ
                  ṣaḍaṣṭadaśāṃgulapramāṇāni kanīnikānāmikāmadhyamāṃgulipariṇāhāni
                     agreṅgulādhyarddhāṃguladvyaṅgulasanniviṣṭakarṇṇikāni
                  śyenabarhikaṃkapatranāḍītulya praveśāni mudgamāṣakalāyamātrasrotāṃsi
                  vidadhyān netrāṇīti | teṣu cāsthāpanadravyapramāṇam āturahastasammitau prasṛtau dvau catvārāṣṭau vidheyā ||
varṣāntareṣu netrāṇāṃ bastimānasya cāpy atha |
                  

                   vayobalaśarīrāṇi samīkyotkarṣayed vidhiṃ ||
pañcaviṃśativarṣādadūrdhvaṃ dvādaśāṃgalupramāṇam
                  aṅguṣṭhodarapariṇāham agretryaṅgulasanniviṣṭakarṇṇikaṃ
                  gṛdhrapatranāḍītulyapraveśaṃ kolāsthimātra cchidraṃ klinnakalāyamātracchidram ity eke || āsthāpaṇamātrāpramānaṃ dvādaśaprasṛtā iti ||
                     saptatyāstū rdhvaṃ netrapramāṇam etad eva |
                  āsthāpanamātrāpramāṇaṃ tu dviraṣṭavarṣavad iti ||
mṛdur basti prayoktavyā viśeṣād bālavṛddhayoḥ |
                  

                   tayostīḥkṣṇaḥ prayuktas tu bastihiṃsyādbalaujasī ||
vraṇe netrāṃgulaṃ suṅgatulyasroto vā hi vraṇam
                  avekṣya ca snehakaṣāyau vidadhīta iti ||
tatra netrāṇisuvarṇṇarajatatāmrāyasadantaśṛṅgamaṇitarusāramayāṇi ślakṣṇāni dṛḍhāni
                  gupucchākṛtini | guṭikāmukhāni ceti ||
bastayaś cātrāvabandhyā mṛdavo nātibahalā dṛḍhāḥ pramāṇavanto
                     mahiṣagorāhāḍorabhrāṇāmanyatamam āsādyeti ||
netrālābhe hitā nāḍī nalavelvasthifolio 133vsambhavā |
                  

                   bastyālābhe hitaścarma sūkṣmaṃ vā tāntavaṃ ghanaṃ ||
tatra dvividho bastir nairūhika snaihikaś ca |
                  āsthāpano nirūha ityarthāntaraṃ | tasya vikalpo mādhutailikaḥ | tasya paryāyaśabdo
                  yuktarathaḥ siddhastiriti | sarvadoṣanirharaṇāccharīrohaṇād vā nirūhaḥ
                  | vayasthāpanādāyusthāpanād vā āsthānād vā āsthāpana iti | paścāt
                  mādhutailikavikalpān upadekṣyāmaḥ | tatra yathā pramāṇaguṇavihitaḥ
                  snehabastiḥ pādāpakṛṣṭaḥ | snehabastivikalpordhamātrāpakṛṣṭonuvāsanaḥ | anavasann api na
                  duṣyata ityanudivasam vā dīyata ityanuvāsanaḥ | tasyāpi vikalpordhamātrāpakṛṣṭopahāryo mātrābastiriti ||
nirūhaḥ śodhano lekhaḥ snaihiko vṛṣyabṛṃhaṇaḥ |
                  

                   nirūhaḥ śodhitair mārgaiḥ samyak sneho visarpati ||
tatronmāda bhaya śoka pipāsārocakājīrṇṇa pāṇḍuroga bhrama mada mūrcchā cchardi kuṣṭha mehodarasthaulya kāsa śvāsa śoṣa śophopasṛṣṭa kṣatakṣīṇa nyūna trimāsagarbhiṇī durvalāganyasahavāt arogād ṛte ca kṣīṇān
                  ānuvāsyān āsthāpyāś ca bhavantīti ||
udarī ca pramehī ca kuṣṭhī sthūlaś ca mānavaḥ |
                  

                   avasthāsthāpanīyāste nānuvāsyāḥ kathañcanaḥ |
anuvāsanād bhavanty eṣāṃ vikārāṇām
                  asādhyatā |
                  

                   asādhyatve pi bhūyiṣṭhaṃ gātrāṇām avasādanaṃ ||
pakvāśayād bastivīryaṃ khairdeham anusarpati |
                  

                   vṛkṣamūle niṣiktānāṃ apāṃ vīryam iva drumaḥ ||
sarvāpi bastiḥ sahasā kevalaḥ samalo pi vā |
                  

                   pratyeti vīryaṃ tvanilair apānādyaiḥ praṇīyate ||
vīryeṇa bastirādatte doṣānāpādamastakāt |
                  

                   pakvāśayasthaḥ khasthorka apo yadvat mahītalāt ||
sa kaṭīpṛṣṭhakoṣṭhasthaṃ vīryeṇāloḍya sañcayān |
                  

                   utkhātamūlāṃ harati doṣāṃ vai sādhuyojitaḥ |
vāyor viṣahate vegaṃ nānyā bastimṛtekriyā |
                  

                   pavanādviddhatoyasya velām iva mahodadheḥ ||
|| cilahṛ || ❈ ||

folio 133v IMG_0092athātofolio 134r

m avasannaṃ tiryak kṣiptam iti
                        ṣaṭghraṇidhāṇadoṣāḥ || atisthūlaṃ karkkaśāgram
                     aṇubhinnasannikṛṣṭaviprakṛṣṭakarṇṇikaṃ sūkṣmāticchidramalpam atidīrgham
                     atihrasvam ity ekādaśanetradoṣāḥ || bahalatālpacchidratāprastyānatā durbaddheti pañca
                     bastidoṣāḥ || atipīḍitatā śithilapīḍitatā bhūyo bhūyovapīḍitatā
                     kālātikramateti catvāpīḍanadoṣāḥ | āmaṃ hīnam atimātram atiśītam
                     atyuṣṇam atitīkṣṇam atimṛdvati snigdham atirūkṣam atisāndram atidravam ity ekādaśa dravyadoṣāḥ ||
                     avāṅchīrṣocchīrṣonyubjauttānasaṃkucitotthita satthitāda kṣiṇapārśvaśāyinam avanatapratānam ity aṣṭau śayyādoṣāḥ | evam etāḥ
                        pañcacatvāriṃśad vyāpado vaidyanimittā bhavanti || āturanimittās
                     tu pañcadaśa āturopadravīya vakṣyante || snehas tv aṣṭābhiḥkāraṇaiḥ
                     praṇihito na pratyāgacchati | tad yathā tribhir doṣai rasanābhibhūto malavyāmiśro dūrānupraviṣṭo svinnasyānuṣṇolpaṃ bhuktavato lpāṃśaś cetyetāḥ
                     vaidyātura nimittā bhavanti || ubhayor bastyor ayogaḥ ādhmārna
                     parikarttaḥ parisrāvaḥ pravāhikā hṛdayopasaraṇam aṅgapragrahotiyogojīvādānam ity etā navavyāpado vaidyanimittā eva bhavanti ||
                     ṣaṭsaptabhiḥ samāsena vyāpadaḥ parikīrttitāḥ | tāsām vakṣyāmi
                     vijñānaṃ siddhiñ ca tadanantaraṃ ||
netre vicalite cāpi varttite gudaveṣṭanaṃ |
                  
                   rukkṣatam vā bhavet tatra vidhiḥ pittakṣatāpahaḥ ||
atyukṣiptevasanne canetre pāyau ca vedanā |
                  
                   bhavaty atrāpi pittaghnau vidhiḥ snehaiś ca sevanaṃ
                  ||
pārśvāvapīḍe tiryak ca kṣipte netre mukhāvṛte |
                  
                   bastir na kramate rukca gude siddhiś ca pūrvavat ||
atisthūle karkaśe ca tathāśrimatigharṣaṇaṃ |
                  
                   pāyau tato rukkṣataś ca siddhis tatrāpi pūrvavat ||
nikṛṣṭakarṇṇike netre bhinneṇau vāpyapārthakaḥ |
                  
                   avaseko bhaved bastes tān doṣāṃ parivarjayet ||
prakṛṣṭakarṇṇike raktaṃ gudamarmaprapīḍanāt |
                  
                   kṣaraty atrāpi pittaghno vidhir bastiś ca picchilaḥ ||
hrasve tvaṇusrotasi ca kleśo bastiś ca pūrvaśaḥ |
                  
                   pratyāgacchannataḥ kuryād ghorān rogāṃ vighātajāṃ ||

dīrghe mahāsrotasi ca jñeyam atyavapīḍavat |
                  
                   prastyāne bahale cāpi bastau durbaddhafolio 134vdoṣavat |
jñeyam alpolpatā cāpi dravyasyātmaguṇā matā ||
                  
                   durbaddhe caiva cchidre ca vijñeyaṃ bhinnanetravat |
atiprapīḍito bastiḥ prayāty āmāśayaṃ tataḥ ||
                  
                   vāterito nāsikābhyāṃ mukhato vā pravarttate || 

                  cchardir mūrcchā sahṛllāsa pipisā dāha śoṣakṛt
tatra tūrṇagalāpīḍaṃ kuryāc cāpi vidhūnanaṃ |
                  
                   śiraḥ kāyavirekau ca tīkṣṇau sekāṃś ca śītalāṃ |
mṛdunā cāvapīḍena pakvādhānaṃ ca gacchati |
                  
                   bastir nārthakaraḥ prokta tasmād yuktyā prapīḍayet ||
bhūyo bhūyo vapīḍena vāyur antaḥ prapadyate |
                  
                   tenādhmānaṃ rujaś cogrā yathāsvaṃ tatra bastayaḥ |
kālātikramaṇāt kleśo vyādhiś cābhipravarttate |
                  
                   tatra vyādhi balaghnaṃ tu bhūyo bastiṃ nidhāpayet |
gudopadehaśophau tu snehopakvaḥ karoti hi |
                  
                   tatra saṃśodhano bastir hitañ cāpi virecanaṃ |
hīnamātrāv ubhau bastī hīnakāryakarau matau |
                  
                   atimātrau samunnāhaklamātīsārakārakau |
tīkṣṇāṣṇau pittalau mūrcchā dāhātīsārakārakau |
                  
                   mṛduśītāvubhau vātavibandhādhmānakārakau |
tatrahīnādiṣu hitaḥ pratyanīka kriyāvidhiḥ |
snigdhotijāḍyakṛdrukṣaḥ stambhādhmānakṛd ucyate ||
                  
                   bastir ukṣam atisnigdhe snigdhaṃ rūkṣe prayojayet |
bastir gudo palepaṃ tu kuryāt sāndro nirūhaṇaḥ |
                  
                   pravāhikām vā janayet tanur alpaguṇāvahaḥ |
                  
                   tatra sāndre tanum bastiṃ tanau sāndraṃ ca dāpayet |
atipīḍanavad doṣāṃ viddhi cāpy avaśīrṣake |
                  
                  atipīḍita siddhiñ ca yathāprāptāṃ prayojayet | 
                  
                   ucchīrṣakasamunnāho bastaḥ kṛcchrāc ca mehanaṃ |
tatrottaro hito basti susvinnasya sukhāvahaḥ |
                  
                   nyubjasya bastir nāpnoti pakvādhāṇaṃ virnirgataḥ |
hṛdgude bādhate cātra vāyuḥ pṛṣṭham athāpi ca |
                  
                   uttānasyāvṛte mārge bastiḥ prastheti dehinaḥ |
kuñcitaḥ sakthadehasya yat
                     kamayam asaṃprāpya |
                  
                   bastir nivartate kṛcchrād anya tatra niyojayet |
sthitasya bastir dattas tu kṣipram āyāty
                  avāṅmukhaḥ |
na cāśayaṃ tarpayati tasmān nārthakaro mataḥ |
                  
                   nāpnoti bastir dattas tu kṛtsnaṃ pakvāśayaṃ punaḥ |
dakṣiṇāśritapārśvasya vāmapārśvānugo hi saḥ |
                  
                   nyubjādīnāṃ yathādānaṃ tadvad bastir na śasyate ||
yaś cāpy anilakopo tra yathāsvaṃ tatra siddhayaḥ |
                  
                   snehabastifolio 135rnimittās tu vakṣyante vyāpadaḥ purā |
snehabastividhāv eva salakṣaṇacikitsitāḥ ||
                  
                   anuṣṇo lpauṣadhahīno bastir neti prayojitaḥ |
viṣṭaṃbhādhmānaśūlāś ca tam ayogaṃ pracakṣate ||
                  
                   tatra tīkṣṇo hito bastistīkṣṇaṃ cāpi virecanaṃ |
hṛtadoṣapramāṇena saṃsargaś ca vidhīyate |
                  
                   atyāsitaṃ cāti bastir mandoṣṇa eva ca |
tathā bahupurīśañ ca kṣipram ādhmāpayen naraṃ |
hṛtkaṭīpṛṣṭhapārśveṣu śūlāstatrātidāruṇāḥ |
                  
                   tatra tīkṣṇataro bastir hitañ cāpy anuvāsanaṃ |
atitīkṣṇoṣṇalavaṇo rūkṣo bastiḥprayojitaḥ ||
                  
                   sapittaṃ kopayed vāyuṃ kuryāt saparikarttikāṃ |
nābhibastigudantatra kṛtyanta iti dehinaḥ |
                  
                   picchābastir hitas tatra snehaś ca madhuraiḥ śritaḥ |
atyuṣṇatīkṣṇalavaṇaḥ parisrāvāya kalpate |
                  
                   daurbalyamaṅgasādaś ca jāyate tatra dehinaḥ |
parisravatyadhaḥ pittaṃ dāhas saṃjanayed gude |
                  
                   piccharbastir hitas tatra bastiḥ kṣīraghṛtasya ca |
pravāhikā bhavet tīkṣṇā nirūhāt sānuvāsanāt |
                  
                   sadāhaśūlaṃ kṛcchreṇa kaphaṃ tatropaveśyate |
picchābastirhitas tatra payasā caiva bhojanaṃ |
                  
                   sarpir madhukasiddhañ ca tailaṃ vāpy anuvāsanaṃ |
atitīkṣṇo nirūho vā satatam vānuvāsanaṃ |
                  
                   hṛdayasyopasaraṇaṃ kurutethāṅgasādanaṃ |
doṣais tatra rujāstīvrā mado mūrcchāṃ sagauravaṃ |
                  
                   sarvadoṣaharaṃ bastiṃ śodhanaṃ tatra dāpayet |
rūkṣasya bahuvātasya syād duḥkhaṃ śayitasya vā |
                  
                   bastipragraham aṅgānāṃ kuryād rukṣolpabheṣajāḥ |
tatrāṅgasādaprastambha jṛmbhodveṣṭavepakāḥ |
                  
                   sarvabhedaś ca tatreṣṭāḥ svedābhyañjanabastayaḥ |
atyuṣṇatīkṣṇotibarhu dattātisveditasya vā |
                  
                   alpadoṣasya vā bastir atiyogāya kalpate |
virecanātiyogena samānaṃ tatra lakṣaṇaṃ |
                  
                   picchābastiḥ samābhyāsaḥ tasya śītaḥ sukhāvahaḥ |
atiyogāt paraṃ hanti jīvādānaṃ viriktavat |
                  
                   deyāṃs tatra hitānāhuḥ picchābasti saśoṇitaṃ |
pakṣādvireko vāntasya nirūhyaś cānuvāsitaḥ |
                  
                   sadyo nirūhonuvāsya saptarātrādvirecita
iti || ci lahra|| ❈ ||

folio 135r IMG_0090athāto nuvāsanottarabasticikitsitaṃ vyākhyāsyāmaḥ
                  |
virecanāt saptarātre gate jātabalāya vai
                  
                   kṛtāhārāya sā yāhne bastir deyofolio 135vnuvāsanaḥ |
yathāvayo nirūhāṇāṃ yā mātrā samprakīrttitāḥ |
                  
                   pādāpakṛṣṭās tāḥ kāryā snehabastiṣu dehināṃ |
utsṛṣṭānilaviṇmūtre nare bastin nidhāpayet ||
                  
                   etair hi virhito basti naiva cāntaḥprapadyate |
snehabastir vidheyaś ca nāviśuddhasya dehinaḥ |
                  
                   snehavīryaṃ yathā datte dehenānuvisarpati |
aśuddham api vātena kevalenātipīḍitaṃ |
                  
                   ahorātrasya kāleṣu sarveṣvevānuvāsayet ||
rūkṣasya bahuvātasya dvau trīnvāpy anuvāsanāt |
                  
                   datvā snigadhatanuṃ jñātvā tataḥ paś cān nirūhayet |
asnigdham api vātena kevalenātipīḍitaṃ |
                  
                   snehapragāḍhair matimāṃ nirūhaiḥ samupācaret |
atha samyaṅ nirūḍhaś ca vātādiṣvanuvāsanāt |
                  
                   bilvayaṣṭyāhvamadanaphalatailair yathākramāṃ |
rātrau bastir na dadyāc ca doṣotkleśo hi rātritajaḥ |
                  
                   snehavīryayutaḥ kuryād ādhmānaṃ gauravaṃ jvaraṃ |
ahnisthānagate doṣe vahnau ccānurasenvite |
                  
                   sphuṭasrotomukhaṃ dehaṃ snehaujaḥ parisarpati |
pittedhike kaphe kṣīṇe rūkṣe vātarujārdite |
                  
                   rātrāvapi tu dātavyaṃ kāle coṣṇenuvāsanaṃ |
uṣṇe pittedhike vāpi divādāhādayo gadāḥ |
                  
                   sambhavatti tadā stvenaṃ pradoṣe yojayed bhiṣak |
ahorātrasya kāleṣu sarveṣvevānilocchrayāt |
                  
                   tīvrāyāṃ rujijīrṇṇānnaṃ bhojayitvānuvāsayet |
na cābhuktavataḥ snehaḥ praṇidheyaḥ kathañcanaḥ |
                  
                   sūkṣmatvāc chūnyakoṣṭhasya kṣipramūrdhvamathotpatet |
sadānuvāsayedbhuktam ārdrapāṇiṃ naraṃ bhiṣak |
                  
                   jvaram vidagdhabhuktasya kuryāt snehaḥ prayojitaḥ |
na cātisnigdhamaśanaṃ bhojayitvānuvāsayet |
                  
                   madaṃ mūrcchāñ ca janayed dvidhā snehaḥ prayor jitaḥ |
rūkṣaṃ bhuktavato hy annaṃ balaṃ varṇṇam ca hīyate |
                  
                   yuktasnehavato jantuṃ bhojayitvānuvāsayet |
yūṣakṣīrarasais tasmād yathāvyādhim avekṣya hi |
                  
                   yathocitāt pādahīnaṃ bhojayitvānuvāsayet |
na tu bhuktavate deyam āsthāpaṇam iti sthitiḥ |
                  
                   viśūcikāṃ sañjanaye cchardiṃ vāpi sudāruṇāṃ |
niḥśeṣāḥ sukhamāyānti bhojanenā prapīḍitāḥ |
                  
                   na cāsthāpanavikṣiptam annam agniḥfolio 136rpradhāvati |
                  
                   tasmād āsthāpanaṃ deyaṃ nirāhārāya jānatā ||
athānuvāsyaṃ svabhyaktaṃsnānam uṣṇāmbubhiḥ śanaiḥ |
                  
                   bhojayitvā yathoddiṣṭaṃ kṛtacaṅkramaṇan tataḥ |
visṛjya ca śakṛnmūtre yojayet snehabastinā |
                  
                   praṇidhānavidhāṇantu nirūhe sampravakṣyate |
tataḥ praṇihitaḥ snehas tūttāno vākchatam bhavet |
                  
                   prasāritaiḥ sarvagātrais tathā vīryaṃ visarpati |
tāḍayet talayor evaṃ trīnstrīn vārāñchanaiḥ śanaiḥ
                  |
                  
                   sphijoścanainaṃ tataḥ śayyāṃ trīn vārān utṣipet punaḥ |
evam praṇihite bastau mandāyāmotha mandavāk |
                  
                   svāstīrṇṇo śayane kāmam āsītācārike tataḥ ||
tatra sendhavacūrṇṇena śatāhvena ca saṃyutaḥ |
                  
                   bhavet sukhoṣṇaś ca tathā nirati sahasā sukhaṃ |
yasyānuvāsano dattaḥ sakṛd anvakṣamā vrajet |
                  
                   atyauṣṇād atitaikṣṇyād vā vāyunā vā ' prapīḍitāḥ |
savātodhikamātro vā | gurutvād
                     vā'tibheṣajaḥ |
                  
                   tasyātyalpataro deyo na hi snihya tiṣṭhati | tasyātyalpataro deyo na
                  hi snihyatitiṣṭhati ||
viṣṭabdhānilavinmūtrasnehahīnenuvāsane |
                  
                   dāhaḥ klamaḥ pravāhārtti karaś cātyanuvāsane |
sānilaṃ sapurīśañ ca snehapratyeti yasya tu |
                  
                   oṣācoṣau vinā śīghran na samyag anuvāsitaṃ ||
jīrṇṇānnam atha sāyāhne snehe pratyāgate punaḥ |
                  
                   laghvannam bhojayet kāmaṃ dīptāgnis tu naro yadi ||
snehabastikramaṃ tvetad evam āhur manīṣiṇaḥ |
                  
                   anena vidhinā yadvā sapta vāṣṭau pareṇa vā |
vidheyā bastayo nṛṇām antarā tu nirūhaṇāt |
                  
                   dattas tu prathamo basti snehayed
                     bastivaṃkṣaṇau ||
samyag datte dvitīyas tu koṣṭhastham anilaṃ jayet |
                  
                   balam varṇṇañ ca janayet tṛtīyas tu niṣevitaḥ ||
caturthaḥ snehatirasaṃ raktaṃsnehati pañcamaḥ |
                  
                   ṣaṣṭhas tu snehayet māṃsaṃ medaḥ snehati saptamaḥ ||
aṣṭamo navamaś caiva sārammajjānam eva ca |
                  
                   evaṃ śukragatāṃ doṣāṃ dviguṇenātha śodhayet ||
aṣṭādaśāṣṭādaśakāṃ bastīṃs tu yo nisevate |
                  
                   yathoktena vidhāṇena parihārakrameṇa ca |
sakuñjarabalośvasya jave tulyomaraprabhaḥ |
                  
                   vītapāpmā śrutadharaḥ sahasrāyu naro bhavet |
snehabastiṃ nirūhaṃ vā nābhyased eka eva tu |
                  
                   snehāt pittakaphotkeśo nirūhāt pavanādbhayaṃ ||

folio 136vtasmānnirūḍhonuvāsyo nirūḍhaś cānuvāsitaḥ |
                  
                   naiva pittakaphotkleśau syātāṃ na pavanādbhayaṃ |
rūkṣasya bahuvātasya snehabastiṃ dine dine |
                  
                   dadyād vaidyas tatonyeṣām aganyābādhabhayātryahāt ||
sneholpamātro rūkṣāṇāṃ dīrghakālamananyayaḥ |
                  
                   tathā nirūhaḥ snigdhānām alpamātraḥ praśasyate ||
ata ūrdhvaṃ pravakṣyāmi vyapadaḥ snehabastijaḥ |
                  
                   balavanto yadā doṣāḥ koṣṭha syuranilādayaḥ |
alpavīryan tadā snehām abhibhūya pṛthagvidhā |
                  
                   kurvantyupadravāṃ snehaḥ sa cāpi na nivartte ||
tatra vātāvibhūte tu snehavaktrakaṣāyatā |
                  
                   jṛmbhovātarujastās tā vepathur viṣamajvaraḥ |
pittāvibhūte snehe tu mukhasya kaṭutā bhavet |
                  
                   dāhajvaras tathā svedo netramūtrāṅgapītatā |
śleṣmābhibhūte snehe tu praseko madhurāsyatā ||
                  
                   gauravacchardirucchvāsaḥ kṛcchrācchītajvaro ruciḥ |
tatra doṣābhibhūte tu snehabastiṃ nidhāpayet |
                  
                   yathā svaṃ doṣaśamanānyupayojyāni yāni ca |
atyāsiten nābhibhavāt sneho naiti yadā tadā |
                  
                   gururāmāśayaḥ śūlo vāyoś cāpratisaṃcaraḥ |
hṛtpīḍā mukhavairasyaṃ śvāso mūrcchā jvaroruciḥ
                  
                   tatrāpatarpitasyānte dīpano vidhiriṣyate |
aśuddhasya malonmiśraḥ sneho naiti yadā punaḥ |
                  
                   tadāṅgasadanādhmāne śūlaḥ śvāsaś ca jāyate ||
pakvāśayagurutvañ ca tatra dadyān nirūhaṇaṃ |
                  
                   tīkṣṇatīkṣṇauṣadhair eva siddhaṃ cāpy anuvāsanaṃ |
śuddhasya dūrānusṛte snehe snehonudarśanaṃ |
                  
                   gātre sarvendriyāṇaāñ cāpy anulepovapīḍanaṃ |
snehagandhimukhañ cāpi kāsaśvāsāvarocakaḥ |
                  
                   atipīḍitavat tatra siddhirāsthāpanantathā |
asvinnasyāviśuddhasya sneholpas tu prayojitaḥ |
                  
                   śīto mṛduś ca nābhyeti tato mandaṃ pravāhati |
vibandhagauravādhmānaśūlaiḥ pakvāśayaṃ prati |
                  
                   tatrāsthāpanam evāśuḥ prayojyaṃ sānuvāsanaṃ |
alpaṃ bhuktavatolpāśaḥ sneho mandaguṇas tathā |
                  
                   datto naiti klamotleśo bhṛśaṃ cāritam āvahet |
tatrāpyāsthāpanaṃ kāryaṃ śodhaṇīyena
                  bastinā |
                  
                   anuvāsanañ ca snehena śodhane naiva śasyate |
ahorātrād api snehaḥ pratyāgacchan na duṣyati |
                  
                   kuryāfolio 137rd bastiguṇāṃś cāpi jīrṇṇasvalpagoṇo bhavet |
anāyāntam ahorātrāt snehāṃ saṃśodhanai haret |
                  
                   snehabastāvanāyāte nānyasneho vidhīyate ||
ity uktaḥ vyāpadaḥ sarvāḥ salakṣaṇacikitsitāḥ ||❈||
                  
                   basteruttarasaṃjñasya śṛṇu vakṣyāmyataḥ paraṃ |
caturdaśāṃgulaṃ netraṃ kāryaṃ vaidyena jānatā ||
                  
                   mālatīpuṣpavṛntābhaṃ tacchidraṃ cchidram eva ca |
meḍhrayāmasamaṃ kecid icchanti khalu tadvi daḥ |
                  
                  snehapramāṇaṃ paramaṃ prasṛtaś cātra kīrttitaḥ |
                  
                  pañcaviṃśativarṣāṇāṃ satvāgbuddhivikalpitaṃ |
                  
                  nikṛṣṭakarṇṇikaṃ madhye nārīṇāṃ caturaṅgulaṃ
                     |
                  
                  mūtrasrotaparīṇāhaṃ mudgavāhi
                        daśāṅgulaṃ | |
                  
                  tāsāmapatyamārgge tu nidadhyāc caturaṅgulaṃ |

dvyaṅgulaṃ mūtramārge tu kanyānāṃ
                     karṇṇikāṅgule
snehasya prasṛtaś cātra svāṃgulīmūlasammitaḥ |
                  
                   param pramāṇaṃ vihitam avāgbuddhivikalpitaṃ |
aurabhraḥ saukaro vāpi bastirājaś ca pūjitaḥ |
tasyālābhe dṛteḥ pādo mṛducarmakṛto pi vā |
                  
                   athāturam upasnigdhasvinnaṃ praśithilāśayaṃ |
yavāgūṃ saghṛtakṣīrāṃ pītavantaṃ yathābalaṃ |
                  
                   niṣaṇṇamājānusame pīṭhe sāpāśraye samaṃ |
svabhyaktabastiśirasaṃ tailenoṣṇena pūjitaḥ |
                  
                   tataḥ samaṃ sthāpayitvā nālamasya praharṣitaṃ |
pūrvaṃ śalākayānviṣya mārgaṃ netram anantaraṃ |
                  
                   śanaiḥ śanair ghṛtābhyaktaṃ nidadhyād aṅgulāni ṣaṭ |
tatovapīḍayed basti śanair netrañ ca nirharet
                  |
tataḥ pratyāgatasneham aparāṃhṇe vicakṣaṇaḥ |
                  
                   bhojayet payasāṃ mātrāṃ yūṣeṇātharasena vā |
anena vidhinā dadhyād bastīṃstrīścaturo pi vā |
                  
                  anuvāsanasiddhiñ ca vīkṣya karma prayojayet |
                  
                   uttānāyai striyai dadyād ūrdhvajātvai samāhitaḥ |
kanyetarasyai kanyāyai dadyāt sumṛdupīḍitaṃ |
                  
                   vikarṇṇikena netreṇa dadyād yonimukhaṃ prati |
garbhāśayaviśudhyarthaṃ snehene dviguṇena tu |
apratyāgacchatibhiṣag bastāvuttarasaṃjñite |
bhūyo bastin nidadhyāc ca saṃyutaṃ śodhanauṣadhaiḥ
                  |
                  
                   pāyau varttiṃ nidadhyād vā proktaṃ gulma cikitsite |
praveśayed vā matimāṃ
                  nābastiradvārameṣaṇīṃ |
                  
                   pīḍayed vāpyadharnābher basterupari muṣṭinā |
āragvadhasya patreṣu nirguṇaṇḍyā surasasya ca |
                  
                   kāryā gomūtrapiṣṭeṣu varttir vā saindhavena vā |
mudgailāsarṣapasamāṃ pravibhajya vayāṃsi ca |
                  
                   basterāgamanārthāya tān nidadhyāc chafolio 137vlākayā |
agāradhūmabṛhatī phalapippalisaindhavai |
                  
                   kṛtā vā śuktagomūtrasurāpiṣṭaiḥ sanāgaraiḥ |

                   śarkarāmadhumiśreṇa śītena madhukāmbunā |
bastau dahyati vā bāḍhaṃ pāyau bastiṃ pradāpayet ||
śukraṃ duṣṭaṃ śoṇitañcāṅganānām asṛgdaraṃ tasya
                  nāśañ ca kaṣṭaṃ |
                  
                   mūtrāghātaṃ mūtradoṣāṃ pravṛddhān yonau rogān aparāyāś ca saṃgāṃ |
śukrāghātaṃ śarkarām arśmarīñ ca śūlaṃ bastau vaṃkṣaṇo mehane
                  ca |
                  
                   ghorān anyān bastijāṃś cāpi rogāṃ mehādṛte tūttaro hanti bastiḥ ||
samyag dattasya vijñānaṃ vyāpada krama eva cha |
                  
                   baste rurasaṃjñasya samānaṃ snehabastineti ||
cilagra || ❈ ||

folio 135r IMG_0090athāto nirūhakramacikitsitaṃ vyā
                  khyāsyāmaḥ ||
dhanvantaridharmabhṛtāṃ variṣṭham amṛtodbhavaṃ
                  
                   caraṇāvupasaṃgṛhya suśrutaḥ paripṛcchati |
bhagavaṃvastes tu tathaivāsthāpanasya ca |
                  
                   pramānaṃ kalpanāṃ kālaṃ mātrāñ cāpi bravīhi me |
                  
                   tasya tadvacanaṃ śrutvā prābravīd bhiṣajām varaḥ |
śuddhe muhūrtte karaṇe dine ca nakṣatrayoge ca
                  tathānukūle |
                  
                   viviktasamsṛṣṭamṛdāvalipte vicitrapuṣpāstṛtabhūpradeśe |
suvarṇṇarūpyāya satāmrajo vā mṛdudbhavo vā
                  kalaśombupūrṇṇaḥ |
                  
                   sa dhānyaratnādi samālyagandhair vastrādibhiś ca cāpy atha svastikaiś
                  ca |
taccāmṛtasthānamatorcanīyaṃ
                  pūrvattatonyeddṛṣayaḥ sadevāḥ |
                  
                   saṃspṛśya ratnāni tathauṣadhīṃś ca devāṃ dvijāṃn pūjya ca dakṣiṇābhiḥ |
dravāṇi sarvāṇi tu vāmapārśve cūrṇṇāni kalkān atha
                  dakṣiṇe tu |
                  
                   tanmadhyasaṃsthā bhiṣag apramattaḥ sunirmale syāt sudṛḍhe viśāle |
                  
                   suvarṇṇalohādimṛdudbhavo vā pragṛhya kāṃsepyatha rājate vā |
datvād au sendhasyākṣaṃ madhunaḥ prasṛtaṃ mitaṃ |
                  
                   pātre talena mathnīyāt tadvat snehaṃ śanaiḥ śanaiḥ |
gūḍhasnehaṃ viditvā tu vinītaḥ kalkamāvapet |
                  
                   datvā samyak sumathite phalakalkamataḥ paraṃ |
tato yathocitāñkeṣāṃ kārṣikān ślakṣṇapeṣimāṃ |
                  
                   gambhīre bhojane nyasya khajenābhimathet tataḥ |
yathā ca sādhu manyeta na sāṃdro na tanuḥ samaḥ |
                  
                   kaṣāyaḥ prasṛtāt pañ ca supūrṇāt tatra dāpayet |
rasakṣīrāmlamūtrāṇāṃ doṣavasthān avekṣya ca |
                  
                   evam añjalayaḥ ṣaḍvai kuryād vyādhitapāṇinā ||

folio 138rdvādaśaprasṛtaṃ kecid viṃśatiḥ palikan tathā |
                  
                   dvātriṃśat palikañ caiva triṃśad aṣṭau tathaiva ca |
                  
                   evaṃ bhinneṣu śāstreṣu saṃśayaḥ sumahānabhūt || ❈ ||
athāturamanuvāsitam āsthāpayet || svabhyaktaṃ svinnaśarīram utsṛṣṭabahirbhāgamapravāte śucau deśe samavinyastāyāṃ śayyāyām adhaḥ | sapratigrahāyām āśroṇīpradeśe suvyūhāyāṃ śayānaṃ vāmapārśve neti || bha
                  || savyaṃ prasārayet sakthiṃ dakṣiṇaṃ cāpasaṃharet | madhyāhne
                  sumanājīrṇṇe niranno vāgyato yataḥ || tato vāmapādopari netraṃ
                  kṛtvetarapādāṅguṣṭhāṅgulībhyāṃ karṇṇikoparipīḍya bastāvauṣadhamāsicyocchrāsyauṣadhānte cāvavadhya mūtreṇa samyag baddhañ cāturāya ghṛtābhyaktaṃ
                  netrāgraṃ ghṛtābhyakta gudāya praṇayed anutsṛjannanupṛṣṭhavaṃśam
                  anusukham ākarṇṇikam iti |
bastiṃ savyakare kṛtvā dakṣiṇenāvapīḍayet |
                  
                   ekenaiva ca pīḍena na drutaṃ na vilaṃbitaṃ |
tato netram apanīya triṃśan mātrāpīḍanakālād
                  upetyottiṣṭhetyāturam brūyād utkuṭukobhavatasterāgamanāyeti ||
anena vidhinā dadyād bastiṃ bastiviśāradaḥ |
                  
                   dvitīyam vā tṛtīyam vā caturtham vā yathārthataḥ |
samyaṅ nirūḍhaliṅge tu prāptabastiṃ nivārayet |
api hīnaṃ kramaṃ kuryān na ca kuryād atikramaṃ 
                  
                  viśeṣāt sukumārāṇāṃ hīna eva kramo hitaḥ |
                  
                   alpālpavego vinvāta hīnohīno nirūhanaḥ |

mūrcchāśūlakaphaprāyo mahāvegātiśabditaḥ
                     |
                     
                      yasya mūtrapurīṣañ ca kaphavāyuś ca gacchati |

krameṇa laghutā caiva
                     suniraḍhaḥ samānavaḥ |
                  
                   sunirūḍhan tato jantuṃ snātaṃ bhuktarasodanaṃ |

yathoktena vidhānena yojayet snehabastinā
                     |
                  
                   tadahas tasya pavanād bhayaṃ balavad iṣyate |
rasodanaṃstena śastas tadahaś cānuvāsanaṃ |
                  
                   paś cādagnibalam matvā pavanasya ca ceṣṭitaṃ |
annopastambhite kāṣṭhe snehabastir vidhīyate || ❈
                  ||
viviktāmanastuṣṭi snigdhatā vyādhinigrahaḥ |
                  
                   āsthāpanasnehabastyoḥ samyagdāne tu lakṣaṇaṃ |
anāyāntaṃ muhūrttāt tu nirūhaṃ śodhanair haret
                  |
nirūhair eva matimāṃ kṣāramūtrāṃmlasaṃyutaiḥ |
                  
                   viguṇānilaviṣṭabdhaś ciran tiṣṭhan nirūhaṇaḥ |
śūlāratirjvarāṭopāt maraṇam vā pravarttayet ||
                  
                  folio 138vna tu bhuktavate deyam āsthāpanam iti sthitiḥ |
āmaṃ hi taddhared bhuktaṃ cchardim vā janayed bhṛṣaṃ |
                  
                   kopayed sarvadoṣān vā tasmād dadyād anāsite |
āvasthikaṃ kramāṃ vāpi matvā kāryaṃ nirūhaṇaṃ |
                  
                   malepahṛte doṣāṇāṃbalavatva na vidyate |
kṣīrāṇyamlāni mūtrāṇi snehāḥ kvāthā rasās tathā |
                  
                   lavaṇāni tathā kṣaudraṃ śatāhvā sarṣapā vacā |
kuṣṭhaṃ trikaṭukaṃ rāsnā saralā suradāru ca |
                  
                   rajane madhukaṃ hiṃgu elā saṃśodhāṇāni ca |
kaṭukāṃ śarkarāṃ mustāṃ uśīraṃ candanaṃ śaṭhīṃ |
                  
                   mañjiṣṭhāṃ madanaṃ caṇḍāṃ trāyamāṇāṃ rasāṃjanaṃ |
bilvamadhya yavānīñ ca phalinīṃ śakrajā yavān |
                  
                   kākolī kṣīrakākolī jīvakarṣabhakau tathā |
medā jaiva mahāmedā ṛddhivṛddhir madhūlikā |
                  
                   nirūheṣu yathālābham eṣa vargo vidhīyate |
kvāthasya bhāgāś catvāraḥ snehabhāgaś ca pañcamaḥ |
                  
                   svasthenile caturthastu kupitenyataroṣṭamaḥ |
sarveṣu cāṣṭamo bhāgaḥ kalkānāṃ lavaṇaṃ punaḥ |
                  
                   kṣaudramūtraghṛtakṣīramamvlamāṃsarasantathā |
yuktyā pradāpayed dhīmāṃ nirūhe kalpanātviyaṃ |
kalkasnehakaṣāyāṇām avivekād bhiṣagvaraiḥ |
                  
                   bastis tu kalpitaḥ proktas tasya dānaṃ yathārthakṛt |
vātaghnauṣadhaniḥkvāthāḥ saindhavatrivṛtā yutāḥ |
                  
                   sāmvlāḥ sukhoṣṇā deyā syur bastayaḥ kupitenile |
nyagrodhādigaṇaḥ kvāthāḥ kākolyādi samāyutāḥ |
                  
                   vidheyā bastayaḥ pitte sakṣaudraghṛtaśarkarāḥ |
āragvadhagaṇakvāthāḥ pippalyādi samāyutāḥ |
                  
                   sakṣaudramūtradeyā syu bastayaḥ kupite kaphe |
śarkarekṣurasakṣīraghṛtayuktāḥ suśītalāḥ ||
                  
                   kṣāravṛkṣakaṣāyādyā bastayaḥ śoṇite hitāḥ |
śodhanadravyaniḥkvāthās tatkalkasnehasaṃyutāḥ |
                  
                   khajena mathitā deyā bastayaḥ śodhane matāḥ |
priyaṃgvādigaṇakvāthāḥ | piṣṭām baṣṭādi saṃyutāḥ |
                  
                   sakṣaudrāḥ saghṛtāś cāpi bastayo grāhiṇo matāḥ |
triphalākalkagomūtrakṣaudrakṣārasamanvitāḥ |
                  
                   ūṣakādisamāvāpā bastayo lekhanā matāḥ |
bṛṅhaṇadravyaniḥkvāthāḥ kalkair madhurasaṃyutāḥ |
                  
                   sarpir māṃsarasopetā bastayo bṛṃhaṇā matāḥ |
caṭakāṇḍoccaṭakvāthāḥ sakṣīraghṛtaśarkarāḥ ||
                  
                   ātmaguptaphalāvāpāḥ smṛtāḥ vyājīkarāfolio 139rnṛṇāṃ |
badaryairāvatīśelū śālmalī dhanvanāṅkurāḥ |
                  
                   kṣīrasiddhās tu śītāsṛk saṃyuktaḥ picchilā matāḥ |
eteṣveva ca yogeṣu snehaḥ siddhāḥ pṛthak pṛthak |
                  
                   tatkarmasādhanā vaidyair vidheyā snehabastiṣu |
vandhyānāṃ śatapākeśo śodhitānāṃ yathākramaṃ |
                  
                   balātailena deyā syur bastayas traivṛtena vā
                     
narasyottamasatvasya tīkṣṇaṃ bastīṃ pradāpayet |
                  
                   madhyaṃ madhyamasatvasya hīnasatvasya vā mṛduṃ |
evaṃ kālaṃ balaṃ doṣaṃ vikārañ ca vikāravit |
                  
                   bastidravyabalaṃ caiva vīkṣya bastiṃ prayojayet |
dadyād utkleśanaṃ pūrvaṃ madhye doṣaharaṃ punaḥ |
                  
                   paś cāt saṃśamanīyañ ca bastiṃ bastiviśāradaḥ ||
nṛpāṇāṃ tatsamāṇānāṃ tathā vasumatāmapiḥ |
                  
                   nārīṇāṃ sukumārāṇāṃ tathaiva śiśuvṛddhayoḥ |
doṣanirharaṇārthāya balavarṇṇodayāya ca |
                  
                   samāsenopadekṣyāmi vidhāṇaṃ mādhutailikaṃ ||
yānastrīpāṇabhojyeṣu parihāro na rocyate |
                  
                   phalañ ca vipulan dṛṣṭaṃ vyāpadañ cāpy asambhavaḥ |
yadicchati tadaiveṣa nirūhakramam arhati |
madhutaile same syātāṃ kvāthaś cairaṇḍamūlajaḥ |
                  
                   karṣaś ca śatapuṣpāṇāṃ tatordhaṃ saindhavasya ca |
phalenaikena saṃyuktaṛ khajena suviloḍitaḥ |
                  
                   deyaḥ sukhoṣṇo bhiṣajā mādhutailikasaṃyutaḥ |
vacā madhu ca tailañ ca kvāthaḥ sacasasaindhavaḥ |
                  
                   phalapippalisaṃyukte bastir yuktarathaḥ smṛtaḥ |
suradāru vacā rāsnā śatapuṣpā tathaiva ca |
                  
                   hiṃgusaindhavasaṃyukto bastir doṣaharaḥ smṛtaḥ |
pañcamūlīkaṣāyāntu tailaṃ māgadhikā madhuḥ |
                  
                   bastireṣa vidhātavyaḥ saśatāhvaḥ sasaindhavaḥ |

yavakolakulatthānāṃ kvātho māgadhikāyutaḥ |
                  
                   sasaindhavaḥ samadhukaḥ siddhabastiriti smṛtaḥ |
avekṣya bheṣajaṃ budhyā vikārañ ca vikāravit ||
                  
                   bījenānena matimāṃ kuryād bastiśatānyapi |
ajīrṇṇe na prayuñjīta divāsvapnañ ca varjayet |
                  
                   āhārañ cārikaṃ śeṣam anyat kāmaṃ  samācaret |
yasmāt madhu ca tailañ ca prādhānyenātra varttate |
                  
                   mādhutailika ity eṣa saṃjñito basticintakaiḥ |
ratheṣv api ca yukteṣu hastyaśve cāpi kalpite |
                  
                   yasmānna pratiṣiddheyamato yuktarathaḥ smṛtaḥ
bastau yuktarathai yasmād dhruvāsiddhiḥ prakīrttitāḥ |
                  
                   siddhabafolio 139vstiriti proktā munibhir naigamaiṣibhiḥ |
sukhinām alpadoṣāṇāṃ nity asnigdhāś ca ye narāḥ |
                  
                   mṛdukoṣṭhāś ca ye teṣāṃ vidheyā mādhutailikaḥ |
mṛdutvāt pādahīnatvād akṛtsnavidhisevanāt |
                  
                   ekabastipradānāc ca siddhabastiṣv ayantraṇeti ||
cilahrā || ❈ ||

folio 139v1 athāta āturopadravacikitsitaṃ vyā
                  vyākhyāsyāmaḥ || 
 snehapīḍasya vāntasya
                  viriktasyāśrutāsṛjaḥ |
                  
                   nirūḍhasya ca kāyāgnir mando bhavati dehinaḥ | 
 so nnair atyarthagurubhir upayuktaiḥ praśāmyati |
                  
                   alpo mahadbhir bahudhā chādite gnir ivendhanaiḥ | 
 sa cālpair laghubhiś cānnair upayuktair vivardhate |
                  
                   kāṣṭhair aṇubhir alpaiś ca sandhukṣita ivānalaḥ | 
 hṛtadoṣapramāṇena sa cāhāravidhiḥ smṛtaḥ |
                  
                   trīṇi cātra pramāṇāni prastho rdhāḍhakam āḍhakam || 
 tatrāvaraṃ prasthamātraṃ dve śeṣe madhyamottame |
                  
                   prasthe tv eko
                     e gate deyā yavāgūsvalpatāṇḍulā | 
 dve caivārdhāḍhake deye tisraś cāpy āḍhake gate |
                  
                   vilepīmucitādbhaktāc caturthāṃśakṛtām bhiṣak | 
 dadyāt klinnan tataḥ paścāt mudgayūṣeto bhojanaṃ |
                  
                  arddhāṃśam ucitād bhaktād
                           akṛtākhyena buddhimāṃ
                     tribhāgakalitaṃ samyag
                        akṛtenārddhasammitam | 
tatas tu kṛtasaṃjñena hṛdyenendriyabodhinā | 
 trīn aṅśād vitare bhoktum āturāyodanaṃ prati |
                  
                   tato yathocitaṃ bhaktaṃ bhoktum asmai vicakṣaṇaḥ | 

                  lāvainahariṇādīnāṃ rasair dadyāt susaṃskṛtaiḥ |
                  
                   hīnamadhyottameṣv eṣu virekeṣu prakīrttitaḥ | 
 ekadvitriguṇaḥ samyag āhārasya kramo hitaḥ | 
 vedanālābhaniyamaśokavaicityahetubhiḥ | 

                  narān upoṣitaṃś cāpi viriktavad upācaret |
                  
                   āḍhakārdhāḍhakaprasthasaṃkhyā hy eṣā virecane | 
 śleṣmānto hi virekaḥ syād etad icchanti kecanaḥ |
                  
                   eko virekaḥ śleṣmānto na dvitīyaḥ kadācanaḥ | 
 balaṃ yat trividhaṃ proktam atas tatra kramas tridhā |
                  
                   tatrānukramam ekan tu balasthe sakṛd ācaret | 
 madhyame dvau kramau kuryāt trīn vārān durbale tathā |
                  
                   kecid evaṃ kramaṃ prāhur mandamadhyottamāgniṣu 
 kevalaṃ snehapītto vā vānto yaś cāpi kevalaṃ |
                  
                  sa saptarātraṃ manujo bhuñjīta laghu bhojanaṃ | 
 sirāvedhakṛto yaś ca virikto yaś ca mānavaḥ |
                  
                   māsam parihared agnir yāvan na balavāṃ bhavet | 
 tryahaṃ tryahaṃ parihared ekaikam bastim āturaḥ |
                  
                   tṛtīye folio 140rparihāre tu yathāyogaṃ samācaret | 
 tailapātrāmamṛdbhāṇḍasadharmāṇo vraṇāturāḥ |
                  
                   snigdhaśuddhāgnirogārttā jvarātīsāriṇaś ca ye | 
 krudhyataḥ kupitaḥ pittaṃ kuryāns tāns tān upadravān |
                  
                   āyāsyataḥ śocato vā cittaṃ vibhramam arcchati | 
 maithunopagamād ghorāṃ vyādhīn arcchati durmatiḥ |
                  
                  ākṣepakaṃ
                  pakṣāghātam aṅgapragraham eva ca | 

                  ⋀⋁guhyapradeśe śvayathuṃ
                  kāśaśvāsau ca dāruṇau |
                  
                   śukravac cāsya rudhiraṃ sarujaṃ sampravarttate | 
 divāsvapnāt tu labhate tāṃs tā vyādhīn kaphātmakāṃ |
                  
                   pratiśyāyaṃ jvaraṃ śophaṃ pāṇḍurogaṃ plihodaraṃ | 
 mohaṃ sadanam aṅgānāṃ sāvipākam arocakaṃ |
                  
                   tamasā cābhibhūtaś ca svapnam evābhinandati | 
 uccaiḥ sambhāṣaṇād vāyuḥ śirasy āpādayed rujaṃ 𝈙 |
                  
                  āndhyam vādhiryamaghratvaṃ mūkatā jaḍatām api | 
 arditaṃ sahanum mokṣam adhīmanthañ
                     ca dāruṇaṃ |
 labhate dantacālañ ca tāṃs tāṃś cānyān upadravān |
                  
                   yānayānāt tu labhate cchardiṃ mūrcchā bhramaṃ klamaṃ | 
 tathāṅgapragrahaṃ ghoram indriyāṇāñ ca vibhramaṃ |
                  
                   cirāsanāt tathā sthānāc chroṇyāṃ bhavati vedanā || 

                  aticaṅkramaṇād vāyur jaṃghorvvoḥ kurute rujaḥ |
                  
                   sakthnoḥ praśoṣaṃ śopham vā pādaharṣam athāpi vā | 
 śītasambhogatoyānāṃ sevā mārutavṛddhaye |
 vātātapābhyām vaivarṇyaṃ jvaraṃ vāpi nigacchati ||
                  
                  viruddhādhyaśanān mṛtyuṃ vyādhiṃ vā ghoram arcchati | 
 asātmyabhojanād dhanyād balavarṇṇāvasaṃśayaṃ |
                  
                   anātmavantaḥ paśuvad bhuṃjate ye pramāṇataḥ |
                  
                   rogānīkasya te mūlaṃ
                     m ajīrṇṇāt prāpnuvanti haḥ | 

                  vyāpadāṃ kāraṇaṃ vīkṣya vyāpatsv eteṣu buddhimān |
                  
                   prayatetāturārogyai pratyanīkena hetunā | 
 viriktavāntair hariṇaiṇalāvakāḥ śaśāś ca sevyāḥ
                     samayūratittirāḥ |
                  
                   saṣaṣṭikāś cāpi purāṇaśālayas tathaiva mudgā laghu yac ca kīrttitam iti ||
 || ci 39 || ❈ || 
folio 110r6

folio 110r6 athāto dhūmanastaḥ kavalacikitsitaṃ vyā
                  vyākhyāsyāmaḥ || 
 pañcavidho dhūmo bhavati | tad yathā | prāyogikaḥ snaihiko vairecanikaḥ kāsaghno vāmanīya iti || 
 tatrailādinā kuṣṭhatagaravarjyena ślakṣṇapiṣṭena
                  dvādaśāṅgulaṃ śarakāṇḍaṃ
                           daśāṅgulagarbham aṅgula
                     m aṅguṣṭhodarapariṇāhaṃ
                  kṣaumeṇāṣṭāṅgulam pariveṣṭyālepayed eṣā varttiḥ prāyogikaḥ ||
                     snehaphalasāramadhūcchiṣṭasarjarasagugguluprafolio 110vbhṛtibhiś ca snehamiśraiḥ snaihikaiḥ ||
                  śirovirecanadravyair vairecanikaiḥ || bṛhatīkaṇṭakārikātrikaṭukakāsamardahiṃgviṅgudītvaṅmanaḥśilācchinnaruhākarkaṭakasṛṅgīprabhṛtibhiḥ
                  kāsaharaiḥ kāsaghnaiḥ | snāyucarmakhuraśṛṅgakarkaṭāsthiśuṣkamatsyavallūrakrimibhir vāmanīyaiś ca
                  vāmanīya iti || 

                  tatra bastinetravyavyair dūmanetradravyāni vyākhyātāni bhavanti ||
                  dhūmanetraṃ tu kanīnikāpariṇāham agre kalāyamātrasroto mūle
                  ṅguṣṭhapariṇāhaṃ dhūmavarttipraveśasroto ṅgulāni catuścatvāriṃśat prāyogike | dvātriṃśat snaihike | caturviṃśati vairecanike | ṣoḍaśa kāsaghne | daśa vāmanīya iti || 

                  atha sukhopaviṣṭaḥ sumanā ṛjvadhodṛṣṭir atandritaḥ | snehapradīptāgrām
                  varttinetrasrotasi praṇidhāya dhūmam pibed iti || 
 mukhena tam pibet pūrvaṃ nāsikābhyān tataḥ pibet |
                  

                   mukhapītaṃ mukhenaiva vamet pītañ ca nastataḥ | 
 yo vamen nastato dhūman nastapītaṃ mukhena vā |
                  

                   sa netrakarṇṇanāsāsyasaṃśrayāl
                  labhate gadān || 
 viśeṣatas tu prāyogikaṃ ghrāṇenādadyāt | snaihikaṃ
                  mukhanāsābhyāṃ | nāsikābhyāṃ vairecanikaṃ | mukhenaivetarāv iti || 
 tatra śramabhayāmarṣoṣṇaviṣaraktapittamadamūrcchāpipāsātāluśoṣamūrdhābhighātodgāra
                     timiramehodarādhmānordhvavātontravṛddhibālavṛddhadurbalaviraktāsthāpitajāgaritagarbhiṇīrūkṣakṣatakṣīṇoraskāḥ madhughṛtadadhidugdhamadyayavāgūpītāḥ svalpakaphāś ca dhūman na severann
                  iti || 
 akālapīto bhramarī śirorogaṃ karoti ca |
                  

                   nāsāsrotokṣijihvānāṃm upā
                     aghātañ ca dāruṇaṃ || 
 dhūmaḥ snaihiko vairecanikaḥ  prāyogiko dvādaśasu
                  kāleṣūpayogo bhavati || tad yathā kṣutadantaprakṣālananasyasnānabhojanādivāsvapnamaithunacchardanamūtroccārābhiruṣitaśastrakarmānteṣv
                  iti || tasya vibhāgo mūtroccārakṣavathuruṣitamaithunānteṣu snaihikaḥ |
                  divāsvapnacchardanāntayor vairecanikaḥ | dantaprakṣālanasya
                  snānabhojanaśastrakarmānteṣu prāyogika iti || 
 tatra snaihiko vātaṃ śamayati | snehād upalepitvāc
                  ca | vairecanikaḥ śleṣmāṇam utkliśyāpakarṣati raukṣyāt taikṣṇyād
                  auṣṇyād vaiṣadyāc ca | prāyogikaḥ śleṣmāṇam utkleśayaty
                     utkliṣṭaṃ cāpakarṣayati folio 141rśamayati vā sādhāraṇatvāt pūrvābhyām iti || 
 dhūmaprayogāt puruṣaḥ prasannendriyavāṅmanā |
                  

                   dṛḍhakeśadvijaḥ śmaśrusugandhiviśadānanaḥ | 
 tathā kāsaśvāsārocakāsyapralepasvarabhedamukhāsrāvakṣavathuvamathukrāthatandrīhanumā
                     anyāstambhapīnasaśirorogalocanaśūlāvātakaphanimittāś cāsya mukharogān apahanti
                     na bhavanti | 
 tasya yogāyogātiyogā vijñātavyā bhavanti | yogas
                  tu dṛṣṭaphalārthaḥ | ayogo rogānirjayaḥ | atiyogas
                     tāluśoṣaparidāhapipāsābhramamadamūrcchākarṇṇakṣveladṛṣṭirogādaurbalyayutam iti || 
 tatra prāyogikas trīṃs trīn ucchvāsān ādadyāt paryāgatāns trīns trīṃś caturo veti || snaihikaṃ yāvad asrupravṛttiḥ ||
                  vairecanikam ādoṣadarśanāt || grāsāntareṣu kāsaharaṃ || vairecanikavat
                  tilataṇḍulayavāgūpīto vāmanīyaṃ yathāyoga iti || 

                  tatra vraṇabastinetreṇa vraṇadhūmanetraṃ vyākhyātam bhavati ||
                  

                   śarāvasampuṭayutaṃ vraṇadhūman nayed vraṇaṃ |
                  

                   dhūmanetreṇa matimān vedanāsrāvaśāntaye ||
 vidhir eṣa samāsena dhūmasyābhihito mayā ||
                  

                   nasyasyātaḥ pravakṣyāmi vidhiṃ kuśalasammitaṃ | 
 auṣadha auṣadhapakvo vā sneho nāsikābhyāṃ pradīyate |
                  nasyan tatpañcavikalpam bhavati | tad yathā | nasyaṃ śirovirecanaṃ pratimarśo vapīḍaḥ pradhamanam iti | teṣān nasyam pradhāṇaṃ śirovirecanaṃ yena nasya vikalpaḥ pratimarśaḥ | śirovirecanavikalpo vapīḍaḥ pradhamanañ
                  ceti | tato nastaśabdaḥ pañcavidhā ṇipatati | 
 tatra yaḥ snehārthaṃ śūnyaśirasāṃ grīvāskandhorasāṃ
                  balajananārthaṃ dṛṣṭiprasādajananārtham vā sneha upādīyate tasmin
                  vaiśeṣike nastaśabdaḥ | tat tu deyam vātābhipanne śirasi tathā
                     dantakeśaśmasruṇātadāruṇakarṇṇakṣvelatimirasvaropaghātanāsārogamukharogaśoṣāvabāhukākālajavalīpalitaprabodheṣu vātapaittikeṣu ca mukharogeṣu vātapittaharadravyasiddhena sneheneti || 
 śirovirecanam api śleṣmaṇābhifolio 141vvyāptatālugataśirasāṃ tathā
                     rocakaśirogauravaśūlapīnasāvabhedakakrimipratiśyāyāpasmāraghrāṇājñāneṣv anyeṣu cordhvajatrugateṣu
                  vikāreṣu śirovirecanadravyasiddhena sneheneti | 
 tat tv etad dvividham apy uktaṃ || 
 tatroccāritavātamūtrapurīṣāya bhuktavate vyabhre kāle pāṇitāpopasveditagalakapolalalāṭapradeśāya vātātaparajohīne veśmany
                     uttānaśāyine kiñcit pravilambitaśirase vastrāvacchāditanetrāya
                  vāmahastapradeśinyagronnāmitanāsāgrāya viśuddhasrotase dakṣiṇahastena
                  śuktyā picunā vā sukhoṣṇam adrutam avicchinnadhārām āsiñced iti | yathā
                  ca netreṇa prāpnoti || 
 snehe vasicyati śiro na kathañ cana kampayet |
                  

                  na bhāṣen na ca kupyec ca na kṣuyān na hased api | 
 etair hi vihataḥ sneho na samyak pratipadyate |
                  

                   tataḥ kāsaḥ pratiśyāyaḥ śirokṣigadasambhavaḥ | 
 tasya pramāṇan tv aṣṭau bindavaḥ pradeśinīparvadvayaniḥsrutāḥ | eṣā mātrā prathamā | dvitīyā śuktiḥ tṛtīyā pāṇiśuktir ity etās tisro mānāḥ yathābalam prayojyā bhavantīti || 
 śṛṅgāṭakam abhiplāvya nireti vadanād yathā |
                  

                   kaphotkleśabhayāccainan niṣṭhīved avidhārayan || 
 dante punar api saṃsvedya galakapolādīn dhūmam āseveta | bhojayec cainam anabhiṣyanti | athāsyācārikam upadiśet | krodhādim
                     pariharec ca | rajodhūmamanastāpadravapānaśirasnānādīni | 
 tasya yogāyogātiyogavijñānaṃ bhavati | 
 lāghavaṃ śiraso yoge sukhasvapnaprabodhaṇaṃ |
                  

                   vikāropaśamaḥ śuddhir indriyāṇām paraṃ sukhaṃ || 
 ayoge rogānirjayaḥ kaphaprasekaḥ śiraso gurutendriyavibhramaḥ
                  | 🗴🗴 atiyoge
                     tāluśoṣapipāsābhramamadamūrcchā ceti 🗴 lakṣaṇam mūrdhny atisnigdhe rūkṣaṃ
                  tatrāvacārayet | 
 śirovirecanasyāpi catvāro bindavaḥ ṣaḍ vā tathāṣṭau vā
                     yathābalam śirovicakasnehasya pramāṇam abhinirdiśet | 
 tasya trīṇy abhivarṇṇyante lakṣaṇāni prayogataḥ |
                  

                   śuddhihīnātisañjñāni viśeṣāc chāstracintakaiḥ | 
 lāghavaṃ śirasaḥ śuddhiḥ srotasāṃ vyādhinirjayaḥ | cittendriyaprasādaś ca śirasaḥ
                  śuddhilakṣaṇaṃ || 

                  folio 142rkaṇḍūpade/unclear>gurutā srotasāṃ kaphasambhavaḥ |
                  

                   hīnāviśuddhe śirasi lakṣaṇam parikīrttitam || 
 mastuluṅgāgamo vā tad dṛṣṭir indriyavibhramaḥ |
                  

                   śūnyatā śirasaś cāpi mūrdhni gāḍhavirecite || 
 hīnātiśuddhe śirasi kaphavātaghnam ācaret |
                  

                   samyag virecite cāpi sarpir naste nuṣecayet || 
 nasye tu parirharttavyā bhavanti | tad yathā 
 bhuktavān apatarpitotyarthaṃ taruṇapratiśyāyī
                  garbhinī madyadravapīḍito jīrṇṇīvastidantaḥ kruddho rāgārttaḥ tṛṣṇābhibhūto bālo
                  vṛddhaḥ śrānto vegāvarodharataḥ śirasnātukāmaś ceti || 
 nasye śirovireke ca vyāpado dvividhāḥ smṛtāḥ |
                  

                   doṣotkleśakṣayāc caiva vijñeyā ca yathākramaṃ | 
 tatrotkleśanimittāsu yuñjyāc chamanaśodhaṇe |
                  

                   atha kṣayanimittāsu yathāsvaṃ bṛṃhaṇaṃ hitaṃ || 
 pratimarśes tu caturdaśasu kāleṣūpadeyo bhavati |
                  tad yathā | kālyotthitena | prakṣālitadantena | gṛhān nirgacchatā | vyāyāmavyavāyapariśrātena | mūtroccārakavalāṃjanānte bhuktavatā | charditavatā | divāsvapnotthitena sāyañ ceti || 
 tatra kālyotthitenāsevitaḥ pratimarśo rātrāv upacitaṃ
                  nāsāsrotogataṃ malam apahanti | prakṣālitadantena dantānāṃ dṛḍhatā
                  vadanasaugandhyañ cāpādayati | gṛhān nirgacchatā nāsāsrotaso
                  snehaklinnatayā | rajodhūmo vā na prabādhate | vyāyāmavyavāyapariśrāntena śramam apahanti | mūtroccārānte dṛṣṭigurutvam apanayati |
                  kavalāñjanānte dṛṣṭiṃ prasādayati | bhuktavatā sroto viśuddhiṃ
                  laghutvaṃ cāpādayati | charditavatā srotovilagnaṃ śleṣmāṇam apohya bhaktacchaṃdaṃ kurute |
                  divāsvapnotthitena nidrāśeṣaṃ gauravañ cāpahatya cittaikāgryaṃ janayati
                  | sāyaṃ sukhanidrāprabodham āpādayatīti || 
 īṣad ucchiṃghaṇāt sneho yadā vaktum prapadyate |
                  

                   naste niśiktaṃ taṃ vidyāt pratimarśaṃ pramāṇataḥ || 
 tena rogāḥ praśāmyanti narāṇām ūrdhvajatrujāḥ |
                  

                   indriyāṇāñ ca vaimalyaṃ kuryād āsyasugandhi ca || 

                  hanudantaśirogrīvātrikabāhūrasāṃ balaṃ |
                  

                   valīpalitakhālityavyaṃgānāñ cāpy asambhavaḥ || 
 tailaṃ kaphe ca vāte ca kevalaṃ pavane vasāṃ |
                  

                   dadyān nastaḥ sadā pitte sarpirmajjāsamārute
                  || 

                  caturvifolio 142vdhasya snehasya vidhir eṣa
                  prakīrttitaḥ |
                  

                   śleṣmasthānāvirodhitvāt teṣu tailaṃ viśiṣyate || 
 avapīḍan tu śirovirecanavad
                  abhiṣyaṇṇasarpadaṣṭamūrcchitavisaṃjñebhyo dadyāc chirovirecanadravyāṇām
                     anyatamam āsādyāvapīḍam iṣyateti || 
 cetovikārakrimiviṣā…d iti || 
 śarkarekṣurasakṣīrā ghṛtamāṃsarasāṃ pṛthak kṣīṇānāṃ nastato
                  dadyādd raktapittagadeṣu ca || 
 ataḥ param pravakṣyāmi kavaḍagrahaṇe vidhiṃ |
                  

                   caturdhā kavaḍasnehī prasādī śodhiropaṇau | 

                  sngidhoṣṇaiḥ snaihiko vāte svāduśītaiḥ prasādanaḥ pitte
                  kaṭvamblalavaṇai rūkṣaiḥ saṃśodhaṇaḥ kaphe | 
 kaṣāyatiktamadhuraiḥ kaṭūṣṇo ropaṇo vraṇe | 
 tatra trikaṭukāśitasarṣapasiddhārthakakalkam
                  āloḍya tailamūtrakṣārasurāśuktamadhūnām anyatamena salavaṇam abhiprataptam upasvinnamṛditagalakapolalalāṭapradeśe dhārayet || 
 sukhaṃ sañcāryate yā tu mātrā sā kavalaḥ smṛtāḥ |
                  

                   asañcāryā tu yā mātrā gaṇḍūṣaḥ sā prakīrttitāḥ || 

                  tāvac ca dhārayitavyo nanyamanasānunnatadehena yāvad
                  doṣapratipūrṇṇagalakapolatvaṃ nāsāsrotonayanapariplavaś ca bhavati tadā
                  vimoktavyaḥ | punaś cānyo grahītavyaḥ || 
 evaṃ snehapayaḥkṣaudrarasamūtrāmblasambhṛtāḥ |
                  

                   kasāyoṣṇodakābhyāñ ca kavaḍā doṣato hitāḥ || 

                  vyādher apacayas tuṣṭir viṣadaṃ vaktralāghavaṃ |
                  

                   indriyāṇām prasādaś ca kavaḍe śuddhilakṣaṇaṃ | 
 hīne jāḍyakaphotkleśā varasajñānam eva ca |
                  

                   atiyogāt mukhe pākaḥ śoṣas tṛṣṇāruciklamaḥ | 

                  śodhanīye viśeṣeṇa bhavaty etat tu lakṣaṇaṃ ||
                  

                   tilāṃ nīlotpalaṃ sarpiḥ śarkarā kṣīram eva ca | 
 sakṣaudro dagdhavarktrasya gaṇḍūṣo dāhanāśanaḥ |
                  

                   kavalasya 
                     samāsena vidhir eṣaḥ prakīrttitaḥ | 
 vibhajya bheṣajaṃ budhyā kurvīta pratisāraṇaṃ ||
                  

                   kalko rasakriyā kṣaudraṃ cūrṇṇañ ceti caturvidhaṃ || 
 aṅgulyagrapraṇītan tu yathāsvam mukharogiṇāṃ ||
                  

                   tasya yogam ayogañ ca kavaloktaṃ vibhāvayet | 
 bhojayetac cānabhiṣyandi doṣaghnam
                  aśanaṃ naram iti ||
 || ci 40 || 0 || 

                  sneha svedo vamanaṃ virekaṃ vyāpadaṃ tathā |
                  

                   netre pramāṇa vyāpac cāfolio 143rnuvāsanasahottaraṃ |
 nirūhottarapīḍā ca dhūmanastena vai daśa || ❈ || 
yad uktañ catvāriṃśac cikitsitānīti tat sarvaṃ
                  samāptam iti || ❈ ||
folio 143r

Transcription of MS Kathmandu KL 699: Cikitsāsthāna

Physical description

Contents

History

Revision history

Text transcription